TI'INAANGW 33:22 - Biblía Axweesantá Hhohho' ar Mungú 2004

²² Daqanirkó qoomár xirfueé' bir waaraahh, aníng kuúng u qaás baraá mar'ír tlaa/a, aníng kuúng uri luu/ ar dakw'eé' ay dír aníng ni waaraahh.

TI'INAANGW 33:22 Iomraidhean Croise

1 WAAWITÁ 19:9

Iri dáh baraá mar'i, iri qaát baraadá'. Naxés axweesantá AAKOÓ MUNGÚ, gana axaás iwa kat, «Eliya, kuúng gár ta tlehh a milá diirihe?»

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 91:1

Kudá' taa baáq nee Munguúdá' gáwtí dirií', kudá' aa iwiit baraá mahhtuú Munguú Aleesleemusmo,

WARA'AMI 91:4

Un tuuntuuk ar hayowós, baraá guruú hhampe'eeriwose dír guwaay an sleér. Inkihhimuuwós an gaamboót nee baqmoó.

DAA'AANGW 2:3

Sla'aarusmooeé' baraá tla/ángw daaqaywo a adór xa'anoó tofaá'a oo baraá tla/ángw darma, aníng a qwalalaá/ niwa huungu/uus dír mahhtirós, nee mamuuwós bira tsaáq i ló'wa tsuuiyá'.

ISAYA 2:21

Inooín nin dahiyá' baraá guruú mar'ór tla/u, nee baraá pa/eeraá tla/u, geeraá dae tlaquú AAKOÓ MUNGÚ nira hardihiiká, nee xirfuú waawuti'iimarose, qoomár birna tláy as yaamu ngiwa dae tsati.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 49:2

Afkueé' guna ngwatstís adór kuquú paánga iri baraá mahhtuú dakós i luú/. Iri mahángw taa duúq tleéhh, iri luú/ baraá tlaangasirós.

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

1 Korinto 10:4

Nee slám inooín sleémeero ma'aá qeeru awa taa wahán a wak. Asma inooín nina wahané' dír tlaa/adár qeeru, tidá' inooín gaa eehat. Nee tlaa/adá' an Kristo.

2 korinto 5:19

Gídaabárós a tí, «Mungú muu guna haraki/ís nee inós ar baraá Kristo, as muu munguwa tlakweemaaín i harafaár. Nee slám axweesantá haraki/isa ngaa qaás baraá muneeréní alé.»

DABE 33:12

Daanduú tlahhoó Benyaminiwo ina oó', «Sla'aaruusér AAKOÓ MUNGÚ. Inooín tan hoot ar amohhooa dirós wa ale, Munguú Gáwtí dirii' tlatla/aagw sleémeerowo gin harwediit nee sla'aarusmooín iri baraá tla/angw'ín wa hoot.»