TI'INAANGW 33:12 - Biblía Axweesantá Hhohho' ar Mungú 2004

¹² Mose AAKOÓ MUNGÚ guri báy, «Ga/aaweek, kuúng aníng ina beér, ‹Mukwí ar tlaweek.› Ala heé nee aníng ti alkoomá' ngwa o'oká. Tam adoorihe ina beér, ‹Aníng kuúng u xuú' nee ugwa gurií baá/.›

TI'INAANGW 33:12 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

2 SAMUELI 15:25

Waawutmo Daudi Sadoki guri báy, «Sandakmoosuú alqadór Mungú ki/iseek baraá gixsa. Barnaxés aníng taa ya/án dír geeraá AAKOÓ MUNGUHE, aníng iqo ki/is nee i pa/aángwí sláy, sandakmoó alqadorós nguwa male ar, nee dír hotaawose.

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

TI'INAANGW 3:10

Gimáy daxta, án kuúng u ya/aáw amór Farao, asma muk'eé' kuduú Israeli oo baraá yaamaá Misri nguwa dux baraadae.»

TI'INAANGW 3:4

Qoomár AAKOÓ MUNGÚ ngiwa ár Mose i amór kitikiintidá' i tseewuwúy, Mungú guri ateét baraá tla/ángw kitikiintidá' wa alé, i kaahi, «Móse, Móse!» Mose iri oó', «Aníng a diirí.»

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

TI'INAANGW 33:1

AAKOÓ MUNGÚ Mose guri báy, «Gimsé', tlawé' quutlé' diirihe, kuúng nee mukwí naa dúx baraá yaamaá Misrír wa ale, tlawsé' ay dír yaamuudá' aníng naa lo'ór wa /aáy ngiwa haniis dír Abrahamu nee Isaka nee Yakobo, niwa oó', ‹Yaamuuká' i dír xwaylarhúng i haniís.›

TI'INAANGW 33:17

AAKOÓ MUNGÚ Mose guri báy, «/Aymuusíng taa ó' i qón, as aníng kuúng uwa gurií baá/, nee umuuwók nguwa xuú', adoosíng kuúng ta kat ngi tleéhh.»

TI'INAANGW 33:2

Aníng malaykamooeé' ngu ya/aáw, inós geeraahúng gi haar, aníng mukdá' baraadá' wa hoót u guús. Inooín a xoorór Kana'ani, nee ar Amori, nee ar Hiti, nee ar Perisi, nee ar Hifi nee ar Yebusi.

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 45:3

Aníng daqaari'iimadá' taa luú/ ngi haniís tidá' dír naaqoórií dirii'. Kuúng daqaní a tsáhh adór aníng tar AAKOÓ MUNGÚ. Munguú múk Israeli, kudá' kuúng ugwa ateet ar umuuwók.

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

HAGAI 2:5

Adoodá' nura al'axweesántií oó' bál niwa baraá yaamaá Misrír wa ti'ité', tam hamí, ma hhasliitara'. Qeeruueé' i baraá tla/angwhúng wa hoot.› »

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»