TI'INAANGW 33:11 - Biblía Axweesantá Hhohho' ar Mungú 2004

¹¹ Adoorí an adór AAKOÓ MUNGÚ nee Mose tar axweemaamisi ar afe, adór hee nee heewós tar axweemaamisi. Aluuwo Mose iri kii/ baraá xafaay. Ala alee/isusmoowós Yoshua garmoó Nuni a masoomo, ina meét baraá heémadár Mungú.

TI'INAANGW 33:11 Iomraidhean Croise

IIMU/UUNGW 32:30

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

2 QOM'I 20:7

Aá Munguúrén, kuúng yaamuloouusér yaamuuká' aga guskáhe geeraá mukók oo Israeli wa ale, yaamu kiri xwaylár Abrahamu mulqumoowók i hanís as tawa kooín ay alhhe'eesay wasle.

YOBU 16:21

A tsiní geera hee bar aníng i aleekal/án dír geeraá Munguhe, adoodá' gawaá daanduú yaamuwo muu i /imamiisi.

TI'INAANGW 17:9

Mose Yoshua guri báy, «Tláw, hhawaate tsawaareek, ta slaqwarár eerá' amór xoorór Amaleki. Aníng matlo a tsa/ám gawaá ságw tlooma, nee hhartadár Mungú dakw'eene a koóm.»

TI'INAANGW 24:13

Mose nee alee/isusmoowós Yoshua tari tláy. Mose iri tsa/án gawaá tlooma amór Mungú.

TI'INAANGW 32:17

Qoomár Yoshua tseeór muu ngiwa axaás, Mose guri báy, «Baraá xafaywo afór slaqwara i deer.»

TI'INAANGW 33:10

Qoomár muu sleémeero uhmooduú huunki bur kwa ár aa sihhiít dír afkú heémár Mungú, muu sleémeero in tláy, umuúqo heewo iri tumbarara'aat dír afkú heémaarós.

TI'INAANGW 33:9

Qoomár Mose bira dáh baraá heémadár Mungú, uhmoó huunki nin aweer, iri sihhiit dír afkú heémadá', AAKOÓ MUNGÚ iri amór Mose axwees.

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

FAARO 11:28

Qoomaarihe Yoshua, garmoó Nuni kuduú alee/isusmoó Mose iimír tawa masoomo, Mose guri báy, «Aakooeé', inooín ilaa/eek!»

FAARO 12:7

Ala daanduú sagadiyusmooeé' Mosewo a adooriheeká. Inós ku inkihhím baraá dooeé' sleémeero.

FAARO 12:8

Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

Yohana 11:11

Yesu alaá axweesanaywí nguwa he'eés ooaro, iri oó', «Mulqumoorén Lasaro aa guú', nee án hamí a amoodá' káw as nguwa tleesár aw.»

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

DABE 31:14

Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 34:10

Baraá yaamaá Israeliwo aarusmoó adór Mose aa baloó ti'iitiiká, oo nee AAKOÓ MUNGÚ naa axweesiye' ar afe.

DABE 5:4

AAKOÓ MUNGÚ nee kuungá' ana dír tloomár wa axwesé' ar afe adór hee nee kuqá'. Inós kuungá' nuna i axweés baraá tla/ángw asltá wa ale.

Yakobo 2:23

Gawaá adoorihe Gooidá' iri bó/, tidá' aa kat, «Abrahamu Mungú guna haratlintií', inós kuri gan'amuú i harafaár as haratlintaao,» slám inós kuri báy a mulqumoó Mungú.