TI'INAANGW 32:8 - Biblía Axweesantá Hhohho' ar Mungú 2004

⁸ Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

TI'INAANGW 32:8 Iomraidhean Croise

1 WAAWITÁ 12:28

Alaá waawutmo kaangwí nguwa gurií axweemaamiís, slaqsa'aá tsár giri tleéhh ar sahaábu. Muu guri báy, «Kuungá' awa múk Israeli, qaytsité', munguihúng kudaá na baraá yaamaá Misrír wa duuxiye' a kuká'. Gimsé' gár tas Yerusalemúr kakeera' i káhh.»

NEHEMIA 9:18

Tam qoomár slaqsayduú dama nguwa tleehhiyé', tawa kaahi, ‹Kwí an munguúrén oo taa duux baraá yaamaá Misriro,› /oosliislíngw urén nguna kaahiyé'.

WARA'AMI 106:19

Damár sahaábu kana tleéhh amór Horebu, murslaaqatuú taa tleéhh nguri sluufmisuú ayé'.

WARA'AMI 78:36

Ala nguna al/aginé' ar afer'ín, kway lamtá babáy afer'ine.

TI'INAANGW 20:23

Slaqsi'iidaá munguaá hatlá' awa taa tleéhh ar peésa nee sahaábuwo mi koomara' dinkwa nee aníng.

TI'INAANGW 22:20

«Heé ilahhooár muruú ta tsu/i ga hanmiís dír munguaá hatlá' ala a dír AAKOÓ MUNGÚ kiloseeká aqo gaasa.

TI'INAANGW 32:4

Aroni saaqaánduudá' oo sahaábu guri ilaaóh dir'ín wa ale, guri daá/ ar asla, guri kwahhuút, guri murslaaqatuú damaárár tleéhh. Nee inooín tari oó', «Aá Israeli, gaarí an munguiirén kudá' atén taa baraá yaamaá Misrír wa duuxiye'.»

TI'INAANGW 34:15

Miti axweesani slawaara' nee yaamuloouusér yaamuudá', asma inooín munguii'ín biringa sluufmisuú ayé', nee ilahhooár muruú ta tsu/i kawa hanmiisi, aluuwo kuungá' tunduri afa /aasl tam fu'unaá muruú taa ilahhooár wa tsuú/ kiri /aymár eera'.

ISAYA 46:6

Mukdaádá' sahaábuú duxuúm baraá tlakw'ii'ín wa alé peésa ngiri qoomeemeesiyá' ar kílo. Heedaáduú sahaábuú kwahhuút nguri buiyé' ar peésa, as slaqsa'aá mungui ngiwa tleehh. Naagáy kiri i tumbarara'aamiit kiri sluufmiis.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

TLAHHOÓ LAÁWI 17:7

Gawaá adoorihe xoorór Israeli munguidaá lama awa slaqás nee slee ilahhooárií tsu/taaro ngi maye', asma gaarí an gár inkihhimu ngusa dakuusiye' dir'eene. Dakwí i hotaatín ay alhhe'eesay wasle, nee oo ta eehari ay qari sleémeero.

DABE 32:17

Ilahhooár muruú ta tsu/i ngina hanmiisiyé' dír neetlaame, dír Munguheeká, dír munguaá inooín ta baloó xuiiká, dír munguaá /aben awa naa aluú wa hardihiye', kudá' baabi'iihúng naa baloó xui'iiká.

DABE 9:12

«Naagáy AAKOÓ MUNGÚ aníng iri báy, ‹Tláw, aweér ar gaanslaay gawaá tloomaro, asma mukdaádá' taa baraá yaamaá Misrír wa dúx aa hhitruút. Loohidá' ngaa hara'ayiím eeharto ngaa gaanslár geexayé', slaqsoó taa kwahhuút ngwa tleehhiyé'.›

DABE 9:16

Aníng ana qaytsiít, naxés kuungá' tlakweema iga qaroó tlehhé' dír AAKOÓ MUNGÚ, Munguúhúng. Naxés kuungá' slaqsoó dama oo taa kwahhuút ugwa tlehhé'. Kuungá' loohidá' AAKOÓ MUNGÚ naa kuungií hara'ayín kari geexeeré'.

YOSHUA 22:15

Niwa hardihiyé' dír tlahhi'iidaá Israeli awa yaamaá Gileadi, tlahhoó Reubeni nee oo Gadi nee tlaqtá tlahhoó Manasewo, ngiri bayé',

HAR'OHUUSE 2:17

Ala inooín har'ohuuseerí nga iiárií qaasi'iiká. Asma Mungú nguna geexayé', nee munguaá hatlá' ngay sluufmisuú aa'ayé'. Inooín nina warqayé' ar gaanslaay, lohdaá baabi'ii'ín naa eehariyé', ngiri mayé'. Baabi'ii'ín AAKOÓ MUNGÚ nguna ilaiwawa/iyé', ala inooín adoorí nga tleehhi'iiká.

HAR'OHUUSE 8:24

Giri malé báy, «Aníng kuungá' nu firiím gár wake, na'asé', umuúqo heewo saaqaánduú sahaábu kudá' taa sleeré' haasaáng wa ale haniisare'.» As múk Midiani tawa oo tlahhoó Ishmaeli parooti a gar'ín.