TI'INAANGW 32:5 - Biblía Axweesantá Hhohho' ar Mungú 2004

⁵ Qoomár Aroni adoorí ngiwa ár, kitángw ilahhooa guri dír geeraadá' i tleéhh, kaangwí guri ilahaniís iri oó', «Matlo a deelór ur as AAKOÓ MUNGÚ.»

TI'INAANGW 32:5 Iomraidhean Croise

1 WAAWITÁ 21:9

Barwiito'oodá' taa gooín adór kara gooín an adoorí, «Afór gwaawito ilahaniisaak, muu burumburaak dinkwaárí ale, nee Naboti iwiitisaak dír ilaiwa/amér koom.

2 WAAWITÁ 10:20

Yehu hara'aya gari oó', iwa kaahi, «Dinku'uumár Ba'ali kuwa sluufmiisi ateetare'!» Adoodá' kari tleéhh.

2 WAAWITÁ 16:11

Uria kitángw ilahhooa guri tleéhh ar slaqsoó adór kudá', nee tleehhamoro guri hhe'eés dír waawutmo Ahasi nira amór dó' i ki/iiká.

2 QOM'I 30:5

Gawaá adoorihe afo ngiri ilahaniisiyé' baraá yaamaá Israeli sleémeero, iimír Be'er-shebár wa tleemu ay Dani, as muu iwa burumburiiti baraá Yerusalemu, as deelór ur ar Pasaáka ar AAKOÓ MUNGÚ, Munguú múk Israeli, kawa tleehhi. Asma qoomár yaariir aa waaráhh ar deeloorír Pasaáka kawa tleehhiiká adoodá' dabeerós iwa hariin.

TI'INAANGW 10:9

Mose guri mu/aywaáts, «Atén an tlawaán nee masoombarene, nee bariiseero, nee daaqayrene, nee dasuurene. Hikwa nee bee/ango in huwaán, as AAKOÓ MUNGÚ Munguúrén kuwa deelór úr i tleehhaan.»

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 17:15

Mose kitángw Mungú nguwa ilahhooárí haniisi guri tleéhh. Kitangwdá' guri umií tsaát, guri báy, «AAKOÓ MUNGÚ an Bendeérar'eé'.»

TI'INAANGW 32:4

Aroni saaqaánduudá' oo sahaábu guri ilaaóh dir'ín wa ale, guri daá/ ar asla, guri kwahhuút, guri murslaaqatuú damaárár tleéhh. Nee inooín tari oó', «Aá Israeli, gaarí an munguiirén kudá' atén taa baraá yaamaá Misrír wa duuxiye'.»

TI'INAANGW 32:6

Matlaatlér boo/e tari tseewa ti'iít, ilahhooár da/a/aangw ngiri hanisiyé' nee ilahhooár wayda ar muruú ta tsu/i ngiri hanisiyé', muu iri iwiít tawa /ayin nee tawa wahan, tari sihhiít as tawa neeti.

HOSEA 8:11

Asma múk Israeli kiteeraá yaariir awa ilahhooa kawa hanmiisi kina tleéhh as tlakweema tlehhit. Tiri didaádá' i dogiitiyá' as tlakweema tlehhit.

HOSEA 8:14

Asma múk Israeli tleehharusmooín kwaa gunqareés. Inooín maraá waawutmo kiri tleéhh. Nee múk Yuda gixsadaá yaariir awa koo/i gawden ngiri tleehhiyé', ala aníng asla an kwaáhh baraá gixsaduuwós. Asltí ko/uuwós kudá' gawden giri tukuúr.

TLAHHOÓ LAÁWI 23:2

«Xoorór Israeli kabeeto, deeloorí an deelór uren ar AAKOÓ MUNGÚ, tidá' taa qoomeés, dinku'uumár hhoohhoo' an tlehhá'. Deelór ur ar naa qoomeés an tí:

TLAHHOÓ LAÁWI 23:21

Baalaasír kilae kángw dinku'uumár hhoohhoo' kuri ilahanisá', baalaadae a gadiyusa'aaká. Gaarí an dákw ta eehada' ay alhhe'eesay wasle baraá xwaylarhúng sleémeero, umuúqo dír tawa hota'a.

TLAHHOÓ LAÁWI 23:37

«Deeloosíng an deelór uren ar AAKOÓ MUNGÚ ar taa qoomeés nee as kaangw kuwa ilahanisa' as dinku'uumár hhoohhoo' kawa tlehha', ar AAKOÓ MUNGÚ kuwa ilahhooár dá/tí hanmisa', nee ar bu'uungo, nee ilahhooár muruú ta tsu/i, nee ar wahaango. Ilahhooarí sleémeero kan daa/, umuúqo ilahhooaro nee baalaarós.

TLAHHOÓ LAÁWI 23:4

Deelor'eé' ar uren ar hatlá' ar anuú AAKOÓ MUNGÚ ar dinku'uumár hhoohhoo' kawa tlehha', a baraá qom'iiká taa qoomeés.»

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.

1 SAMUELI 14:35

Saulo kitángw ilahhooár AAKOÓ MUNGÚ ngiwa haniisi guna tleéhh ar tlaa/e, kitaangwí oo geera, oo aa tleéhh as AAKOÓ MUNGÚ.