TI'INAANGW 32:4 - Biblía Axweesantá Hhohho' ar Mungú 2004

⁴ Aroni saaqaánduudá' oo sahaábu guri ilaaóh dir'ín wa ale, guri daá/ ar asla, guri kwahhuút, guri murslaaqatuú damaárár tleéhh. Nee inooín tari oó', «Aá Israeli, gaarí an munguiirén kudá' atén taa baraá yaamaá Misrír wa duuxiye'.»

TI'INAANGW 32:4 Iomraidhean Croise

1 WAAWITÁ 12:28

Alaá waawutmo kaangwí nguwa gurií axweemaamiís, slaqsa'aá tsár giri tleéhh ar sahaábu. Muu guri báy, «Kuungá' awa múk Israeli, qaytsité', munguihúng kudaá na baraá yaamaá Misrír wa duuxiye' a kuká'. Gimsé' gár tas Yerusalemúr kakeera' i káhh.»

1 WAAWITÁ 12:32

Yeroboamu bál slahhángw dakaát tawa mibaá nee kooán gari qaás tawa deelór ur, as ngiwa slaqsi nee deeloodá' aáng muu i tlehhaahhiti baraá yaamaá Yudawo. Ilahhooár muruú ta tsu/i gari haniís gawaá kitangwdá' aa tleéhh baraá Beteli, dír geeraá slaqsayduú dama aa tleéhh. Kaahamuusér didá' gari tsawaár as iwa didár gongoamaá wa gadiyus.

2 WAAWITÁ 10:20

Yehu hara'aya gari oó', iwa kaahi, «Dinku'uumár Ba'ali kuwa sluufmiisi ateetare'!» Adoodá' kari tleéhh.

2 WAAWITÁ 10:29

Ala inós tlakweemaadaá Yeroboamu garmoó Nebati gina eehár, kudá' múk Israeli nguwa baraá tlakweemáy dahaás. Inós ina kumiít murslaaqatuú dama oo sahaábu nguwa sluufmiisi, kuduú baraá Beteli nee baraá Dani.

2 QOM'I 11:15

Yeroboamu kaahamuuseerós gana tsawaár ar gadiyuus wa/ameedár gawaá gongoama' ar munguaá hatlá' kiwa sluufmiisi nee neetlaameero nee slaqsa'aá damaay.

2 QOM'I 13:8

Hamí daxta kuungá' ka xua' waawuti'iimár AAKOÓ MUNGÚ ila/aro aqo alesleerá'a, tidá' inós aa xwaylár Daudi haniís, asma kuungá' slaqwaruusér yaariir a koondá' nee slaqsa'aá damaay kudá' Yeroboamu aa tlehhiít ar sahaábu tawa munguihúng.

NEHEMIA 9:18

Tam qoomár slaqsayduú dama nguwa tleehhiyé', tawa kaahi, ‹Kwí an munguúrén oo taa duux baraá yaamaá Misriro,› /oosliislíngw urén nguna kaahiyé'.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

TI'INAANGW 20:23

Slaqsi'iidaá munguaá hatlá' awa taa tleéhh ar peésa nee sahaábuwo mi koomara' dinkwa nee aníng.

TI'INAANGW 20:4

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

TI'INAANGW 28:11

Umeesíng gooimeek adór kareeramo laya ngir gooaain, kari qaaliín kari qás gawaá qoloqoloó sahaábu.

TI'INAANGW 28:9

Daqaní tlaa/aá tsár awa ta bay sardoníki ki sleér as umér xoorór Israeli kawa gawaadá' i gooiin.

TI'INAANGW 32:1

Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

TI'INAANGW 32:24

Aníng inooín ngiri báw, ‹Umuúqo heewo oo sahaábu gu koóm ngu haniisi.› Naagáy ngway hanisiyé', aníng nguri baraá ásltí kwaáhh, damaárí niri baraadá' wa ti'ít.»

TI'INAANGW 32:3

Aluuwo muu sleémeero saaqaánduú sahaábu oo gawaá iaaín i dirií' nguri huwiyé' dír Aroni.

TI'INAANGW 32:35

AAKOÓ MUNGÚ muu guri tiqtír pú/tí kwaáhh, as adoodá' Aroni nguwa firiné' ngiwa murslaaqatuú damaárí tleehhi.

TI'INAANGW 32:5

Qoomár Aroni adoorí ngiwa ár, kitángw ilahhooa guri dír geeraadá' i tleéhh, kaangwí guri ilahaniís iri oó', «Matlo a deelór ur as AAKOÓ MUNGÚ.»

TI'INAANGW 32:7

AAKOÓ MUNGÚ, Mose guri báy, «Tláw aweér ar gaanslaay, asma mukók kudá' naa dúx baraá yaamaá Misrír wa ale, taa kilooín qwaareesiyé'.

TI'INAANGW 32:8

Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

ISAYA 30:22

Kuungá' munguiihúng kudaá murslaaqat kudá' taa qaaliindé' ar peésa, nee kudá' taa qaaliindé' ar sahaábu kuri siá', kuri amór saáwí kwahhá' adór gár ta waki, kuri beera', «Tsumumu'uút.»

ISAYA 46:6

Mukdaádá' sahaábuú duxuúm baraá tlakw'ii'ín wa alé peésa ngiri qoomeemeesiyá' ar kílo. Heedaáduú sahaábuú kwahhuút nguri buiyé' ar peésa, as slaqsa'aá mungui ngiwa tleehh. Naagáy kiri i tumbarara'aamiit kiri sluufmiis.

ESEKIELI 23:8

Inós ina kumít tsaatu'uuma tlehhtuuwo, tidá' aa iimu/uún iimír qoomár iwa baraá yaamaá Misri, qoomaadá' tawa dasír /amaatliito'o, nee hhawaate nina alqaatiyé', slaqooín ngiri tsaeemisiyé' dirós wa ale.

HOSEA 10:5

Yaamuloouusér Samaria in daaraxát as damaadár baraá Bet-aweni. Inooín tari tsuunqumiis as damaadá', kaahamuusér damaadá' ga sluufmiis iri /aa/amiín, as xirfuú damaadá' kuwa hingeés.

HOSEA 13:2

Hám daxta tana ak kumiít tlakweema tlehhtuuwo, inooín munguú slaqsaay kway tleéhh ar peésa. Heé fuqurángw koóm slaqsaywí guna tleéhh ar peésa. Muruuwí sleémeero kuna tleéhh nee heé kwahhór baál, tari oó', «Ilahhooár muruú ta tsu/i dír muruuwí ti hanmisé'.» Muu slaqsi'iidá' mungui ngiri ma'amisiyé', kudá' taa tleéhh ar slaqsoó dama.

Tlehhema'aá ya/Abuuse 17:29

Ala atén barnaxes a na/aá Mungú, a hariímarooká atén tawa kaahaan Mungú a slaqás nee sahaábu, laqaá peésa, laqaá tlaa/ano. Asma muruuwí a muruú taa tleéhh ar aleesleemuú muu nee sagalooa.

Tlehhema'aá ya/Abuuse 7:41

Murslaaqatuú dama kuri Mungú tleéhh deeloodane, kuri ilahhooár muruú ta tsú/i hanmiís, gadiyér dabaaín kay sa qwalalaá/.

1 Korinto 10:7

Nee slám kuungá' munguaá hatlá' mi haratlintiaara', adoodár muu bahh'ale baraaine aa tleéhh. Asma Gooi i kat, «Muu ina iwiít, tari /ayín nee tari wahán. Aluuwo tari sihhiít as tawa neeti.»

DABE 9:16

Aníng ana qaytsiít, naxés kuungá' tlakweema iga qaroó tlehhé' dír AAKOÓ MUNGÚ, Munguúhúng. Naxés kuungá' slaqsoó dama oo taa kwahhuút ugwa tlehhé'. Kuungá' loohidá' AAKOÓ MUNGÚ naa kuungií hara'ayín kari geexeeré'.

HAR'OHUUSE 8:24

Giri malé báy, «Aníng kuungá' nu firiím gár wake, na'asé', umuúqo heewo saaqaánduú sahaábu kudá' taa sleeré' haasaáng wa ale haniisare'.» As múk Midiani tawa oo tlahhoó Ishmaeli parooti a gar'ín.

HAR'OHUUSE 8:27

Gideoni sahaábuudá' guri naifeérár kaahamusmór tleéhh, gari qaás baraá gixsarós ar ta bay Ofra. Múk Israeli sleémeero iri amoodá' i tláy as kuwa sluufmiisi. Naifeéradá' iri tsaaxweeli tleehhít dír Gideoni nee múk do'ose.