TI'INAANGW 32:33 - Biblía Axweesantá Hhohho' ar Mungú 2004

³³ Ala AAKOÓ MUNGÚ Mose guri báy, «Umuúqo heé aníng iga tlakweemaá i tleehh, an kudá' aníng ni fiits baraá kitaábuueene.

TI'INAANGW 32:33 Iomraidhean Croise

WARA'AMI 69:28

Xaa fiitseek baraá kitaábuú slafiingo, tam mikiwa gooín dinkwa nee múk hota ganaá'.

WARA'AMI 69:29

Anuú slahhahhaá' nee oo aga mune sii', Mungú, án /uurií qaasáng nee ba/amisáng!

WARA'AMI 9:5

Xoordu iga iigahhamít, tlakuuse kari qwaarés. Umer'ín ana fíts tay alhhe'eesay wasle.

TI'INAANGW 17:14

AAKOÓ MUNGÚ Mose guri báy, «Kaangwí gooimeek baraá kitaábu, as kahhó' kuwa inslay. Slám dír Yoshuawo gawdeeseek ooaro adór xoorór Amaleki ngir fiíts baraá daanduú yaamuwo.»

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

TLAHHOÓ LAÁWI 23:30

Umuúqo heewo oo baalaadae aa gadiyuus aníng un gaás baraá tla/ángw mukose.

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.