TI'INAANGW 32:31 - Biblía Axweesantá Hhohho' ar Mungú 2004

³¹ Naagáy Mose iri kií/ amór AAKOÓ MUNGÚ, iri oó', «Aga gurhaamuút! Mukwí tlakweemaá ur gaa tleéhh, taa kilooín munguú sahaábu i tleehhiyé'.

TI'INAANGW 32:31 Iomraidhean Croise

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

NEHEMIA 9:18

Tam qoomár slaqsayduú dama nguwa tleehhiyé', tawa kaahi, ‹Kwí an munguúrén oo taa duux baraá yaamaá Misriro,› /oosliislíngw urén nguna kaahiyé'.

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

TI'INAANGW 20:23

Slaqsi'iidaá munguaá hatlá' awa taa tleéhh ar peésa nee sahaábuwo mi koomara' dinkwa nee aníng.

TI'INAANGW 20:4

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

TI'INAANGW 32:30

Looitleerós Mose muu guri báy, «Kuungá' tlakweemaá ur iga tlehhé', nee hám daxta a tsa/ám gawa amór AAKOÓ MUNGÚ, doóqa wayda gu ya/án daanduú tlakweemaahúng kwisingae.»

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

DANIELI 9:5

«Tlakweema iga tleehhaán nee aga dakusaán, muruú tlákw ugwa tleehhaán nee aga dee/anutaán. Hara'ayaarók nee dabeeroge aga siaán.

DANIELI 9:8

Aá AAKOÓ MUNGÚ, a mure direne, nee dír waawitaárene, nee geeraharuuserene nee bariiseerene, asma kuúng ugwa sadakusaán.