TI'INAANGW 32:30 - Biblía Axweesantá Hhohho' ar Mungú 2004

³⁰ Looitleerós Mose muu guri báy, «Kuungá' tlakweemaá ur iga tlehhé', nee hám daxta a tsa/ám gawa amór AAKOÓ MUNGÚ, doóqa wayda gu ya/án daanduú tlakweemaahúng kwisingae.»

TI'INAANGW 32:30 Iomraidhean Croise

2 SAMUELI 12:9

Aníng a AAKOÓ MUNGÚ, asma milá axweesante'eé' masa waaqá', tlakweemaá adór kuká' kari dír ilaaeé' wa tléhh? Uria heé xoorór Hiti kuri gás ar paánga, harerós kari tók tléhh, inós kuri hanís baraá dabaá múk Amoni as kuwa gaasi.

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 WAAWITÁ 17:21

Alaá AAKOÓ MUNGÚ múk Israeli nguwa paraátl dír tlahhoó Daudiwo, inooín Yeroboamu garmoó Nebati nguna tsawaariyé' waawutmooín wa ale. Yeroboamu múk Israeli guri geerahaár, AAKOÓ MUNGÚ nguwa maya', giri dahaás baraá tlakweemaá ur.

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

TI'INAANGW 32:29

Mose iri oó', «Kuungá' laarí taa kiloohúng hanisé' as gadiyér AAKOÓ MUNGÚ kawa tlehha', asma aga babaqaasi'iiká na/iihúng kiwa tsu/a', laqaá hhaeehúng, gawaá adoorihe tsuuqaá Mungú iga sleeré'.»

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

YONA 3:9

Heé ga xuú' a heemá, doóqa Mungú i ya/án iwa warqay buhhtawós kudá' ngiwa may, as atén mitiwa qwaareés.»

FAARO 16:47

Aluuwo Aroni adoodá' kwaa báy nee Mose gari tleéhh. Xooslmoowós kuduú asla guri taataáhh iri ta'aaín amór dinku'uumaadá' ay tla/ángw mukdá' pu/i iwa iimu/uún, mooyangwdá' tsuú' guri daá/, haraki/isa gari tleéhh as muu.

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

Luka 15:18

Aníng a tláw, amór baabuúeé', nee nguri baw, Baabá, án aga tlakweés geeraá Munguhe nee geeraawoge.

Luka 7:47

Gawaá adoorihe án a kah, sla'aarirós tidá' ur gan laqaqaán as tlakweemaawós awa yaariir kiwa gurtláy. Ala heé taa tlakweemaá niiná wa gurtláy, sla'aarirós ka niina.»

Rumi 9:3

Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 12:20

Samueli giri báy, «Ma da'ayumiitaara', a ló' tlaákwarí sleémeero aga tlehhé', ala ma warqawaara' AAKOÓ MUNGÚ kuri meerá' eeharto, i hariín AAKOÓ MUNGÚ kuwa sagadiyusa' ar munerhúng sleémeero.

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.

1 SAMUELI 2:17

Tlakweemaá daaqoó doó Eli niri harwaraahhiyé' geeraá AAKOÓ MUNGUHE, gawaá adoorihe Mungú iri ló'wa buúhh, asma mukwí ilahhooár AAKOÓ MUNGÚ gana waaqaá'.