TI'INAANGW 32:22 - Biblía Axweesantá Hhohho' ar Mungú 2004

²² Aroni iri oó', «Aakooeé' aníng miwa ló'wa i buúhh, kuúng mukwí u xú' adór tar múk amohhoó' tlakweema tlehhtuuwo.

TI'INAANGW 32:22 Iomraidhean Croise

IIMU/UUNGW 44:18

Naagáy Yuda Yosefu guri i tseewúy guri báy, «Aáko, án ya/aamáng tiwa aleekalaa/. Án kuúng u firiím mi i buhhaar, asma kuúng aqo adór Farao sleeme.

WARA'AMI 36:4

Muruú tlákw oo i tleehhamór wa slai gun aldakuut gawaá qatuuwós wa ale. Tin dahmiis baraá lohaá tlakw, inós muruú tlákw gun eeharahaar.

TI'INAANGW 14:11

Mose nguri bayé', «Gár atén tisa dúx baraá yaamaá Misriro, tari qatlór awaán baraá xaanxaay, a as /aantu iwa kahhiía baraadaá yaamaá Misriro? Gaarí a milá naa atén i tléhh tiwa baraá yaamaá Misrír wa dúx?

TI'INAANGW 15:24

Naagáy muu Mose guri i qununuú/, ta kaahi, «Gár ta wahaan a milá?»

TI'INAANGW 16:20

Ala muu Mose gu iiárií qaasiiká. Bahh'ale muruú /aymaadá' nguna meetisiyé' ay matlaatle. Naxés matlaatleero muruú /aymaadá' aa diíx, nee nanaaga gwa eér. Mose iri buúhh amór múkí ale.

TI'INAANGW 16:28

AAKOÓ MUNGÚ Mose guri báy, «Hara'ayduueé' nee daber'eene ki siaiinda' ay xaylá?

TI'INAANGW 32:1

Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

TI'INAANGW 32:21

Mose Aroni guri báy, «Gár mukwí naa kuúngií tleéhh a milá, tlakweemaá ur awa adór kuká' kiri dir'ínií húp?»

AXWEESANOÓ SAGALOOA 4:16

Asma múk tlákw gu'ute gu oohahiindaaká bar tlakweema nga tleehhi'iiká, gu'uter'ín in /akút bar hee ngwa dahhi'iiká.

DABE 31:27

Aníng a xuú' adór kuungá' tar múk sage gawdén nee oo aa dee/anuut. Hamí qoomár aníng niwa slaaf kuungá' AAKOÓ MUNGÚ ugwa ahhé', xáy, daqaní ma meerá' qoomár aníng bara gwaá'!

DABE 9:24

Iimír aáng ilaaeé' niwa pa/iia, kuungá' aqo múk AAKOÓ MUNGÚ gu ahhahhiít.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

1 SAMUELI 15:15

Saulo iri oó', «Kingina huúw amór múk Amalekír wa alé, asma muu bee/aangw nee hikwawo kingina slafi huúw as kiwa ilahhooár wa tsu/i dír AAKOÓ MUNGÚ, Munguúwók, nee awa naa meetiye' ina kángw kilá' wa hhaamisaán.»

1 SAMUELI 15:21

Ala muu haasaáng nguna huúw, bee/aangw nee aweedá' hhoe nee muruudá' hhohhó', taa amaasli as kuwa ilahhooár wa tsu/i dír AAKOÓ MUNGÚ, Munguúwók, amoodár Gilgalír wa ale.»

1 SAMUELI 15:24

Saulo Samueli guri báy, «Tlakweema iga tleéhh, asma hara'ayár AAKOÓ MUNGÚ aga sii', tam axweesantók sleeme aga ilaiwa/iiká, asma muu una da'ayuút, afor'ín ngiri ilaiwaá/.