TI'INAANGW 32:17 - Biblía Axweesantá Hhohho' ar Mungú 2004

¹⁷ Qoomár Yoshua tseeór muu ngiwa axaás, Mose guri báy, «Baraá xafaywo afór slaqwara i deer.»

TI'INAANGW 32:17 Iomraidhean Croise

1 QOM'I 7:27

Elishama ina laqwaál Nuni, Nuni ina laqwaál Yeshua.

YOBU 39:25

Qoomár afór tarumbeéta birnga axás, inós in amoodií áhh, slaqwara gan amór sáwií tsá', Afór geeraharuusér slaqwara gan axamís qoomár bir tseeaminá' as iwa hara'ayár oina'.

WARA'AMI 47:1

Kuungá' muu sleémeero tsa/i'i tahhaak, Mungú diidi'iimisaak ar daa'ángw bara/.

TI'INAANGW 17:9

Mose Yoshua guri báy, «Tláw, hhawaate tsawaareek, ta slaqwarár eerá' amór xoorór Amaleki. Aníng matlo a tsa/ám gawaá ságw tlooma, nee hhartadár Mungú dakw'eene a koóm.»

TI'INAANGW 24:13

Mose nee alee/isusmoowós Yoshua tari tláy. Mose iri tsa/án gawaá tlooma amór Mungú.

TI'INAANGW 32:16

Nee tlaa/eedá' parereehhayen Mungú gina tleéhh, nee gooidár gawaadá' a Mungú inósuú kilá' gana gooín.

TI'INAANGW 32:18

Mose iri oó', «Afór ni axamiis ar múk baaliliimaaká, nee slám a afór múk ta balitiiká, ala afór ni axamiis a afór múk daá'.»

TI'INAANGW 32:6

Matlaatlér boo/e tari tseewa ti'iít, ilahhooár da/a/aangw ngiri hanisiyé' nee ilahhooár wayda ar muruú ta tsu/i ngiri hanisiyé', muu iri iwiít tawa /ayin nee tawa wahan, tari sihhiít as tawa neeti.

YEREMIA 51:14

AAKOÓ MUNGÚ Aleesleemusmo lo'o gaa /aáy ar slafiingós. Aníng múk yaariír adór ingigi ngu amorhúng i huúw. Inooín daa'ángw bara/ oo baali kuri daa' daanduú Babuloniro.»

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

AMOS 2:2

Gawaá adoorihe múk Moabu aníng u faák ar asla, nee koo/ír gawit ar Kerioti asla gari fák. Múk Moabu barta uú' nee tarumbeéta ngari ufaahhiyé' ni baraá tsimaahhidií qatliyá'.

YOSHUA 6:10

Ala Yoshua mukós guri báy, «Ma tseeara', aforhúng makawa axaás, tam /aymu mu ooara', ay baalár aníng kaangw ngway oo', daqaní ta tseá'.»

YOSHUA 6:16

Harweermór faanqw kawa hhe'eés, qoomár kaahamuusér Mungú tarumbeetadu ngiwa ufáhh, Yoshua mukós guri báy, «Tsee'é'! Asma AAKOÓ MUNGÚ gixsarí nga dirhúngí haniís.»

YOSHUA 6:20

Naagáy muu iri tseé', tarumbeetadu kiwa ufaáhh. Muu afór tarumbeetadu kawa axaás, tari ak tseé' ar afór ur, nee koo/i iri huhu'uún, muu iri dáh baraá gixsa umuú heewo ar didií sihhiít, inooín gixsa ngiri hayoohiyé'.

YOSHUA 6:5

Qoomár kaahamuusér Mungú tarumbeéta binga ufáhh ar afór ur, kuungá' sleémeero bar aga axasé', ta tseá' ar afór ur, daqaní koo/ír Yeriko iqo hú', umuúqo heewo didií dirii'i i geerií hi'iiti, gixsa ngi i haratlay.»

HAR'OHUUSE 15:14

Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

1 SAMUELI 17:20

Looaytleérose Daudi ina matlaatlér boo/ ti'iít, bee/aangw guna geexáy dír de'eemo. Muruú /aymaadá' taa oó' nee baabuúwós Yese guri huúw. Iwa hardáh dír xafayduú múk Israeli, gina harati'iít naxés ta slaaqw dír yaamuudaá slaqwarár wa ale ta uu'umín.

1 SAMUELI 17:52

Múk Israeli nee oo Yudawo, tsimahhiro yaamu kiri gaamiís, múk Filisti kuri almaahhaát ay Gati, ay afkú gixsár Ekroni. Múk Filisti oo ta tlaaqaaqán baraá slaqwara wa ale, lohu gina tsataát, iimír Sha'arimu ay Gati nee Ekroni.