TI'INAANGW 32:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ inslawaywós kudá' tlákw guri máy, kudá' geeraawo i tleehhamór wa slai dír mukós.

TI'INAANGW 32:14 Iomraidhean Croise

IIMU/UUNGW 6:6

AAKOÓ MUNGÚ iri oó', «Gár hám hee ngusa tleéhh nguri qaás baraá yaamií alé.» Ina ló'wa gurhamuút baraá muunaáwose, iri oó', «Masók una tleehhiiká.»

2 SAMUELI 24:16

Ala qoomár malaykamo dakós nguwa tleés amór gixsár Yerusalemúrí ale, as ngiwa hhaamisi, AAKOÓ MUNGÚ inslawaywós guna warqeés, malaykamoodá' múk tsuú/ guri báy, «A ido daxta.» Dakók har'ooheek. Qoomaadae malaykamoó AAKOÓ MUNGÚ aa sihhiít dír bihhaá afeenír balaangw muxta ar Arauna heé Yebusi.

1 QOM'I 21:15

Mungú malaykamo gway ya/aáw as gixsár Yerusalemu ngiwa qwaareesi, ala inslawaywós gway warqeés, malaykamoowí gway báy, «Aido, dawar ki/eek.» Malaykamo qoomaadae i sihhmiit dír afeenír balaangw muxta ar doó Ornani heé Yebusi.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

TI'INAANGW 33:13

Na'ás aníng kuúng u firiím, barnaxes iga qo tsuwa gurií bá/, lohuuwók dir'eé' laqaamang as kahhó' aníng ngiwa tsaahh adór aníng ira gurií bá/. Ka insleér sleeme adór xoororí tar tók.»

YEREMIA 18:8

ala xooroodá' naa daanda oó', bar muruú tlákw gwaa meér tlehhtuwo, aníng tidá' naa ístí tsaát daanduuine aqo an máw tleehharo.

YEREMIA 26:13

Gimsé', hám daxta hotaahúng gan'aasaak, nee tlehhmi'iihúng gan'aasaak, nee afór AAKOÓ MUNGÚ Munguúhúng iialooeesaak. Adoorí bar aga tlehhé', AAKOÓ MUNGÚ inslawaywós gu warqees, nee amotlakweedá' aa uín ngi huwiiká dirhunge.

YEREMIA 26:19

Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

AMOS 7:3

Aakoó MUNGÚ guruuwós iri tláy, iri oó', «Adoorí i tleehharutká.»

AMOS 7:6

AAKOÓ MUNGÚ guruuwós iri tláy, iri oó', «Tí sleeme i tleehharutká.»

YONA 3:10

Mungú adór tlehhmi'ii'ín kudá' tlakw kira máy gari ár, Mungú iri ya/án /aymuudá' tlaákw nguwa may, kudá' geera i dir'ín i tleehhi.

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

FAARO 14:20

AAKOÓ MUNGÚ Mose guri báy, «Iga gurtláw adoodá' kara firiín.

DABE 10:10

«Aníng ana gawaá tloomár wa hoót deelo mibeeri tsiyáhh xweera nee tlaatla/aango adoodá' aáng geeraawo naa tleéhh. AAKOÓ MUNGÚ wa'aá hatlae ina male iiárií qaás, nee iri ya/án as munduwa hhaamiís.

DABE 32:26

Aníng ana oó', ‹Inooín in diyaá/ ay amór saaw, kiri inslayká nee muu gawaá daanduú yaamuwo.›

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.

HAR'OHUUSE 2:18

Nee umuúqo qoomár AAKOÓ MUNGÚ har'ohusmo nguwa ya/aawi, AAKOÓ MUNGÚ a dinkwa nee har'ohusmoodá', AAKOÓ MUNGÚ múk Israeli guna ba/amís baraá dabér wakuuser'ín wa alé, deelo sleémeero ar har'ohusmoodá' iwa slafi. Asma AAKOÓ MUNGÚ kuna gurtleés nee /aa/eeín, as adoodá' kiwa slahh'eemiís nee kiwa baramaanuús nee wakuuser'ín.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.