TI'INAANGW 32:11 - Biblía Axweesantá Hhohho' ar Mungú 2004

¹¹ Ala Mose AAKOÓ MUNGÚ Munguúwós guri harhheehhe'eés, guri báy, «Aá AAKOÓ MUNGÚ, gár buhhtaawo tas daa/atuur dír mukók kwí naa baraá yaamaá Misrír wa dúx ar /uuruuwók kudá' úr nee ar dákw aleesleemuú koóm.

TI'INAANGW 32:11 Iomraidhean Croise

IIMU/UUNGW 18:27

Abrahamu iri ilawaáts, iri oó', «Aga qo qiítl nee Aako tawa axweesaan, aníng aqo adór teeri nee da/ara.

1 WAAWITÁ 8:51

Asma inooín a mukók, nee a slaasláwaarók, mukók kwí taa dúx baraá yaamaá Misrír wa ale, baraá asltadár gufteeri, tidá' ta muqslaárár weeqatmaamiisi.

NEHEMIA 1:10

«Mukwí an lawaaleerók nee an mukók kudá' taa ba/amís ar aleesleemuwók kudá' yaariír, nee ar dakók kudá' /uuruú koóm.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

TI'INAANGW 32:7

AAKOÓ MUNGÚ, Mose guri báy, «Tláw aweér ar gaanslaay, asma mukók kudá' naa dúx baraá yaamaá Misrír wa ale, taa kilooín qwaareesiyé'.

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

TI'INAANGW 8:8

Farao Mose nee Aroni giri ateét, giri báy, «AAKOÓ MUNGÚ firiimaak as aamaxupaarí ngiwa hingeesi dir'eene nee dír muk'eene. Daqaní aníng múk Israeli u geemáw as ilahhooár muruú ta tsu/i ngiwa haniisár aya' dír AAKOÓ MUNGÚ.»

ISAYA 63:17

Aá AAKOÓ MUNGÚ, ahaá waáy atén misti paslmís baraá lohduuwoge, muneerén masa gawdeemís kuúng uri ilaiwawa/anaaká. Ki/áng as daanduú sagadiyuuseerók. As tlahh'iidaá aaliirók.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

DANIELI 9:15

«Hám daxta, aá Aakoó Munguúrén, kuúngudá' mukók ngwaa dux baraá yaamaá Misrír wa ale, umuuwók kway iia tleerés ay laarí. Hamí an kaahaan atén aga dakusaán, tlakweema iga tleehhaán.

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

FAARO 11:11

Naagáy Mose AAKOÓ MUNGÚ guri báy, «Ahaá waáy gár adór tí mas sagadiyusmoowók i tlehhít. Ahaá aníng mis sla'aká, ahaá mustu sla'aatamisiiká nee aníng, ahaá misa huwár iiloóí tsa/ás ar mukók amohhe'eemis?

FAARO 14:13

Ala Mose AAKOÓ MUNGÚ guri báy, «Kuúng mukwí una dúx baraá yaamaá Misrír wa ale ar /uuruuwók. Múk Misri adoosíng mukók kway tlehh birnga axaás,

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 21:7

Naagáy, muu iri tláy amór Mose, nguri bayé', «Tlakweema iga tleehhaán qoomár AAKOÓ MUNGÚ nee kuunge nuwa i qununu/aán. AAKOÓ MUNGÚ firiimang daysheerí ngi hingeesi.» Gawaá adoorihe Mose muu guri aleefirín.

FAARO 27:4

Asma milá umuú baabuúrén musku fiits baraá tlahhaywose, as adoodá' na/oó garma nguwa konkáhe? Aalirén haniisang dír tla/ángw hha'aá baabuúrén wa ale.»

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.