TI'INAANGW 32:10 - Biblía Axweesantá Hhohho' ar Mungú 2004

¹⁰ Hám daxa aníng mawáng, aníng mukwí u i daa/atúw buhhtaawo nguri hhaamiís. Ala aníng kuúng u xoorór ur tleéhh.»

TI'INAANGW 32:10 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

TI'INAANGW 22:24

Aníng niri daa/atúw buhhtaawo, nuri tsuú/ ar paánga, nee tlaawayhúng tari kwaeeli, na/iihúng kiri panáy geexeerá'.

TI'INAANGW 32:11

Ala Mose AAKOÓ MUNGÚ Munguúwós guri harhheehhe'eés, guri báy, «Aá AAKOÓ MUNGÚ, gár buhhtaawo tas daa/atuur dír mukók kwí naa baraá yaamaá Misrír wa dúx ar /uuruuwók kudá' úr nee ar dákw aleesleemuú koóm.

TI'INAANGW 32:19

Qoomár tawa tseewúy amór xafaay, Mose damaadá' taa tleéhh gari ár, nee ni/imadae, Mose iri daa/atúy buhhtaawo, tlaa/eedá' parereehhayen kudá' hara'aya kay gooín giri yaamií kwaáhh, niri qeqtiné' didár afaá tloomárí ale.

TI'INAANGW 33:3

Ta hardatá' baraá yaamuudaá diíhhooár ilwa nee dane. Ala aníng nee kuungá' ti alkoomanaaká, asma kuungá' a múk sagegawdén, aluuwo aníng kuungá' nu baraá loohírí hhaamiís.»

YEREMIA 11:14

Gawaá adoorihe, kuúng Yeremía, mukwí mu aleefiriirimaar, nee mi alee/aa/amimaar, mi aleefiriimaar, asma aníng i iiárií qaasaaká, tam i ateetia qoomár slahh'amuuine.»

YEREMIA 14:11

AAKOÓ MUNGÚ aníng ina báy, «Mukwí mu hhooeemá i aleefirimaar.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 7:16

Ala kuúng Yeremia, mukwí mu aleefirimaar, sleeme án mi i /aa/amimaar as inooín, nee mi aleefiririmaar, nee án mi harhheehhe'eemisaar as inooín, asma aníng kuúng u iiárií qaasaaká.

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

FAARO 14:12

Aníng i slaáhh ar tiqtír tlákw nee aalir'ín ngiri hingeés, ala aníng kuúng un xoorór ur tleéhh ar /uuruú koom, inooín ba/a.»

FAARO 16:21

«Kuungá' dír mukwihe ti paratle', as kahhó' hamír kilá' i adaá hhaamiís.»

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

DABE 9:14

Xaa mawáng i hhaamiís, umuuín u fiíts gawaá daanduú yaamuwo, aníng kuúng un xoorór ur tleéhh ar /uuruú koom, nee ar yaariir ta inooine.›

DABE 9:19

Aníng ana ló'wa da'ayuút as buhhtaá AAKOÓ MUNGÚ daanduuhunge, geeraawo naa hhaamiís, ala AAKOÓ MUNGÚ qoomaadae aníng ina malé iiárií qaás.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.