TI'INAANGW 32:1 - Biblía Axweesantá Hhohho' ar Mungú 2004

¹ Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

TI'INAANGW 32:1 Iomraidhean Croise

IIMU/UUNGW 19:14

Loti iri ti'iít, hhawaataá dasuuwós giri ádbeemuú áy, iri oó', «Qwalaasaré', ti'iitaré' baraá ayaawihe, asma AAKOÓ MUNGÚ gixsarí ga qwaarees.» Ala Loti tari adór heé tatlkuús dír hhawaataá dasuuwose.

IIMU/UUNGW 21:26

Abimeleki iri oó', «Gaasíng an baloó xuaaká, nee heé adoosíng gaa tleehh u xuaaká, slám kuúng adoosíng ngaa baloó o'ká. Án adoosíng aga baloó axasiiká, aqo har laarí kilós.»

IIMU/UUNGW 39:8

Ala Yosefu iri sií', harér aakoowós gari báy, «Ga/aaweek, aakooeé' gár iwa daawimiti i káhh diirír do'o, inós daqaari'iimarós sleémeero ngaa aníng i saayín.

IIMU/UUNGW 44:15

Yosefu giri yaahaás, «Tlehhmuuwí naa aníng i tlehhé' a milá? Ahaá xua'aakáhe heé adór aníng gár taa luú/ ngiwa tsaahhi?»

IIMU/UUNGW 44:4

Alaá tawa ti'iít baraá gixsaro, Yosefu sagesihhtusmooduú oo do'ós guri báy, «Tláw, mukdá' eehareek, bar iga aán, ki beer, ‹Gár hhooeema kisa tlakweemár bué'? Isaangir'eé' tidár muqslír /awak gár kasa fisé'?

WARA'AMI 106:19

Damár sahaábu kana tleéhh amór Horebu, murslaaqatuú taa tleéhh nguri sluufmisuú ayé'.

TI'INAANGW 13:21

AAKOÓ MUNGÚ gina geeraharahaár tlaatla/aango ar uhmoó huunki, as loohi ngiwa laqaaqan, nee xweeraawo gina geerahaár ar uhmoó asla iwa gwa/aati, as kahhó' aai iwa ya/ana' tlaatla/aangw nee xweeraawo.

TI'INAANGW 14:11

Mose nguri bayé', «Gár atén tisa dúx baraá yaamaá Misriro, tari qatlór awaán baraá xaanxaay, a as /aantu iwa kahhiía baraadaá yaamaá Misriro? Gaarí a milá naa atén i tléhh tiwa baraá yaamaá Misrír wa dúx?

TI'INAANGW 16:3

Ta kaahi, «A tsiní geeraawo bar ana qatlaán baraá Misri ar dákw AAKOÓ MUNGÚ bihhaá hutla'aá fu'unaay, nee muruú /aymaadá' kuri /ayaán gur'e kari dala/aamaán, ala kuungá' atén tina baraá xaanxaywí hubé' as mukwí sleémeero kuwa tsu/a' ar qwari.»

TI'INAANGW 20:23

Slaqsi'iidaá munguaá hatlá' awa taa tleéhh ar peésa nee sahaábuwo mi koomara' dinkwa nee aníng.

TI'INAANGW 24:12

AAKOÓ MUNGÚ Mose guri báy, «Qwaláng amor'eé' gawaakaá tlooma, daqaní aníng parhheemaá tlaa/e, kudá' naa hara'aya nee dabeérí gooiím ngi haniís as múk Israeli intsaahhasa ngiwa slay.»

TI'INAANGW 24:18

Mose iri dáh baraá huunkidá', iri tsa/án gawaá tlooma, iri gawaá tloomár wa hoót deelo mibeeri tsiyáhh tlaatla/aangw nee xweeraawo.

TI'INAANGW 32:11

Ala Mose AAKOÓ MUNGÚ Munguúwós guri harhheehhe'eés, guri báy, «Aá AAKOÓ MUNGÚ, gár buhhtaawo tas daa/atuur dír mukók kwí naa baraá yaamaá Misrír wa dúx ar /uuruuwók kudá' úr nee ar dákw aleesleemuú koóm.

TI'INAANGW 32:22

Aroni iri oó', «Aakooeé' aníng miwa ló'wa i buúhh, kuúng mukwí u xú' adór tar múk amohhoó' tlakweema tlehhtuuwo.

TI'INAANGW 32:23

Asma inooín án ina bayé', ‹Munguiirén tleehhang awa atén ti geerahará', asma heewí ta bay Mose, kudá' geeraawo atén taa duux baraá yaamaá Misrír wa ale, gár gwa sleer a xuaanaaká.›

TI'INAANGW 32:7

AAKOÓ MUNGÚ, Mose guri báy, «Tláw aweér ar gaanslaay, asma mukók kudá' naa dúx baraá yaamaá Misrír wa ale, taa kilooín qwaareesiyé'.

TI'INAANGW 33:3

Ta hardatá' baraá yaamuudaá diíhhooár ilwa nee dane. Ala aníng nee kuungá' ti alkoomanaaká, asma kuungá' a múk sagegawdén, aluuwo aníng kuungá' nu baraá loohírí hhaamiís.»

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

HOSEA 12:13

Ar loohír aarusmoowo AAKOÓ MUNGÚ múk Israeli guna duúx yaamaá Misrír wa ale, nee ar loohír aarusmoowo giri amohhe'eemiís.

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

Matayo 24:43

Slám /aymuuwí na xuaak barnaxes, heé do' loó' ga xuu' adór fisusmo ir do'ós gaasár áy, geera alók aa dalaá'. Geera do'ós gu mayká kuwa gaasi.

Matayo 24:48

Ala sagadiyusmoó tlaákw a kudá' aa baraá muunaáwósí oo', ‹Aakooeé' naa tliík.› Iri tláy,

Tlehhema'aá ya/Abuuse 17:29

Ala atén barnaxes a na/aá Mungú, a hariímarooká atén tawa kaahaan Mungú a slaqás nee sahaábu, laqaá peésa, laqaá tlaa/ano. Asma muruuwí a muruú taa tleéhh ar aleesleemuú muu nee sagalooa.

Tlehhema'aá ya/Abuuse 19:26

Kuungá' aga aandé' nee aga axasé' adór heewí ta bay Paulo i tlehhiiti. I kaahi, ‹Munguaá ta tlehhiiti ar dabaá muu a munguiwooká.› Inós múk yaariír gwa harakeemiís guri warqeés, ala a diirír gixsár Efeso kiloseeká, ala tam baraá yaamaá Asia sleémeero.

Tlehhema'aá ya/Abuuse 7:40

Aroni kuri báy, ‹Mungui tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwa eer a xuanaaká.›

DABE 31:8

AAKOÓ MUNGÚ kuungá' nun geerahaar. Inós nee kuungá' a dinkwa. Inós i surukiiká dirhunge, laqaá nu geexayká. Mada'ayumiitaara', laqaá ma amoqwaqwadimara'.»

DABE 9:1

«Aá xoorór Israeli, kuungá' iia qaasaak, laarí kuungá' aga naka/é' yaaér Yordani kawa waarahha', as yaamaá xoorduudá' uren nee awa /uureemaá koomá' ta kuungae kiwa ala'. Kudá' gixsaduuín ló'wa uren, nee koo/ír gixsaduuín ka tlet ay gawaá doori.

DABE 9:9

Qoomár aníng niwa tsa/ám gawaá tlooma, niwa tlaa/eedá' parereehhayen kudá' hara'ayár koomá' ngiwa leéhh dír Mungú, kudá' taa alqadoórí gooín, alqadoodá' AAKOÓ MUNGÚ aa tleéhh nee kuungá', aníng ana gawaá tloomár iwiwiít deelo deeloo mibeeri tsiyáhh xweera nee tlaatla/ango, aga /ayiimiiká tam gár naa wáh i káhh sleeme.

YOSHUA 7:13

Sihhiít, muu hheehhe'eeseek nee ti amohhe'eesiye', matlo tindiwa dír geeraaeé' hardihi. Asma aníng AAKOÓ MUNGÚ, Munguú Israeli, muu gár ngu baw i deer. Asma xosluudá' aníng niwa oó', qororo'oosaak, i baraá tla/angwhúng i dirii'iyá'. Gawaá adoorihe kuungá' sihhtanór geeraá wakuuserhúng a aleesleera'aaká ay dír xosluudá' ki qororo'osa' baraá tla/angwhunge.

2 Petro 3:4

tawa kaahi, «Inós al'axweesani ngina haniísiíke ar niwa ki/i, ala i amá? Baabi'iirén naa qaroó qatliyé', ala mura' sleémeero u ga/eerá'aáke i adoodaádí kaahh, adoodár aáng iimír yaamu kiwa tleéhh.»