TI'INAANGW 31:3 - Biblía Axweesantá Hhohho' ar Mungú 2004

³ Aníng ugwa hatsiís qeeruueene as aleesleemu nguwa slay, nee fuquraangw, nee xu'uti, nee umuúqo gadiyeede ngiwa aleeslay,

TI'INAANGW 31:3 Iomraidhean Croise

1 WAAWITÁ 3:9

Gawaá adoorihe, anuú sagadiyusmoowók sagalooár i haniisáng as qaa/oó mukók nguwa tlaaq, muruú hhó' nee oo tlákw nguwa paraatl. Asma a heemá heé muruú mukók kwí yaariír gu aleesláw tlaquuwo?»

1 WAAWITÁ 7:13

Waawutmo Solomon muu guri ya/aáw Hiramu kuwa leehhi Tiro.

1 WAAWITÁ 7:14

Inós an garmoó kwaalo'o ar tlahhoó Naftali, nee baabuúwós a heé Tiro, kareeramoó muqslár da/aten. Hiramu ku ló'wa dahár nee ku sagaloó', a heé gadiyér muqsla ga ló'wa xuú'. Iri hardáh amór Solomon, gadiyeeduuwós sleémeero giri tleéhh.

2 QOM'I 2:7

Naagáy, heé xooslár sahaábu ga xuú' tlehhtuuwo ya/aawang, nee ar peésa, nee muqsladá' sirda/aten nee muqslár hatlae, nee tlabaadá' sirda/aten nee awa da/atene nee awa sirbo/e, heé qaali ga baál as iwa algadiyuusiyá' nee mukwí xu'utír koóm oo Yuda nee oo baraakaá Yerusalemu, kudá' taa tsawaár nee baabuúeé' Daudi.

TI'INAANGW 28:3

Kuúng mukdá' tlaba' tlehhtuuwo gi baál ádbaweek, kudá' aníng naa fuqurángwí haniís, Aroni ngu tlabií tleehhiye' as kuwa paraatli as gadiyér'eé' ar kahamuusi'iima.

TI'INAANGW 31:4

as kahhó' muruú xuaawaslén nguwa aleeslay tleehhamooro, ar sahaábu nguwa kwahhuuti nee muqslár peésa, nee muqslár sirdaa/atene.

TI'INAANGW 35:31

Inós kwa hatsiís qeeruú Munguhe, as aleesleemu nee fuquraangw nee xu'uti ngiwa slay as gadiyér umuúqo adooro ngiwa aleeslay tleehhamooro.

TI'INAANGW 35:35

Mukwí tsaraawo kwa hatsiís sagalooaro, as gadiyér umuúqo daa'awto ngiwa tleehhiya', gadiyér tlaa/e parootusa nee gadiyér fuqurángw slaa', gadiyér parootír neewór se'éngw bee/aangw ar sirbo/ nee ar sirdaa/aten nee ar da/aten, nee kitaánidá' hhohho' ar taa hhuútl, nee gadiyér tlaba' tlehhit, nee umuúqo daa'awtá gadiyeede, nee daa'awtá gadiyér xuaawaslen.»

AXWEESANOÓ SAGALOOA 2:6

Asma AAKOÓ MUNGÚ sagalooa gan hanmiis, baraá afkose gár ti'imiit a xu'uti nee tsaahha.

ISAYA 28:26

Hee gár i tleehhi ga xuu', asma kuna intsaahhatís nee Munguúwós.

ISAYA 28:6

Dír mukdá' kwasleemadaá tlaaqa, inós in qeeru tleehhiit oo kwasleemár ganaa', iri /uuru tleehhiit dír mukdá' gixsár xuuma.