TI'INAANGW 31:2 - Biblía Axweesantá Hhohho' ar Mungú 2004

² «Ga/aaweek aníng Besaleli ugwa ateét, inós a garmoó Uri, nángw naangoó Huri, heé tlahhoó Yuda.

TI'INAANGW 31:2 Iomraidhean Croise

1 WAAWITÁ 7:14

Inós an garmoó kwaalo'o ar tlahhoó Naftali, nee baabuúwós a heé Tiro, kareeramoó muqslár da/aten. Hiramu ku ló'wa dahár nee ku sagaloó', a heé gadiyér muqsla ga ló'wa xuú'. Iri hardáh amór Solomon, gadiyeeduuwós sleémeero giri tleéhh.

2 QOM'I 1:5

Kitangwduú ilahhooa oo muqslír sirdaa/aat, kudá' Besaleli garmoó Uri, garmoó Huri aa tleéhh, i dír geeraá heémár AAKOÓ MUNGÚ, Solomon nee mukdá' Mungú ngway didá' wa firiné'.

TI'INAANGW 17:10

Naagáy Yoshua adoodá' Mose ngwaa báy gari tleéhh, tari slaqwarár áy amór múk Amaleki. Mose nee Aroni nee Huri tari altsa/án gawaá ságw tlooma.

TI'INAANGW 33:12

Mose AAKOÓ MUNGÚ guri báy, «Ga/aaweek, kuúng aníng ina beér, ‹Mukwí ar tlaweek.› Ala heé nee aníng ti alkoomá' ngwa o'oká. Tam adoorihe ina beér, ‹Aníng kuúng u xuú' nee ugwa gurií baá/.›

TI'INAANGW 33:17

AAKOÓ MUNGÚ Mose guri báy, «/Aymuusíng taa ó' i qón, as aníng kuúng uwa gurií baá/, nee umuuwók nguwa xuú', adoosíng kuúng ta kat ngi tleéhh.»

TI'INAANGW 35:30

Aluuwo Mose múk Israeli guri báy, «Ga/aawaak, AAKOÓ MUNGÚ Besaleli garmoó Uri, nángw naangoó Huri oo tlahhoó Yuda gwa tsawaár.

TI'INAANGW 36:1

«Besaleli nee Oholiabu gadiyeé ngi tleehhiye', dinkwa nee umuúqo hhawaatuú sagalooár kooma, oo AAKOÓ MUNGÚ aa sagalooár i haniís nee fuquraango, as xu'utír gadiyér heémaadár Mungú sleémeero ngiwa aslay, nee as sagadiyuusi'iimár hhoohhoo' ar adór AAKOÓ MUNGÚ ngira hara'ayín.»

TI'INAANGW 37:1

Besaleli sandakmoó alqado guri tleéhh ar peehhoó masqaryaán. Tlenaangós a miíta wak nee sentimiíta mibaangw, bihheero uraywós a sentimiíta mibeeri lahhoó' nee lahhoó', baráy wa tleemu ay gawa a sentimiíta mibeeri lahhoó' nee lahhoó'.

TI'INAANGW 38:22

Besaleli garmoó Uri nángw naangoó Huri oo tlahhoó Yuda umuúqo gaaro ar AAKOÓ MUNGÚ aa oó' dír Mose gana tleéhh.

TI'INAANGW 38:23

Alee/isusmoó Besaleli kudá' ta bay Oholiabu garmoó Ahisamaki oo tlahhoó Dani, inós a heé dako ga xuú' nee parootír yaariir ga xuú' tlehhtuuwo, nee heé tlabaá tlehhahhiít ar neewór hhohho' ar kitaáni ar taa hhuútl, nee neewór taa tleéhh ar se'éngw bee/aangw ar sirbo/ nee ar sirdaa/aten nee ar da/atene.

Yohana 3:27

Yohane iri oó', «Hee gár i slay i káhh birkinga haniisiiká amór Mungú wa ale.