TI'INAANGW 30:7 - Biblía Axweesantá Hhohho' ar Mungú 2004

⁷ Umuúqo matlaatleero qoomár Aroni bir tsaa'asór da/tá áy, ilahhooár mooyángw tsuú' gan gawaá kitaángwí da/tá áy.

TI'INAANGW 30:7 Iomraidhean Croise

1 QOM'I 23:13

Daaqoó Amramu a Aroni nee Mose, Aroni kuri qaás as xosluudá' ak ló'wa hhohho' ngiwa paraatli as Mungú, as inós nee daaqaywós mooyaangw nguwa da/a/ana' dír AAKOÓ MUNGÚ, nee nguwa sagadiyuusiya', nee muu nguwa tsuuquna' ar umuú AAKOÓ MUNGÚ ay alhhe'eesay wasle.

1 QOM'I 6:34

garmoó Elkana, garmoó Yerohamu, garmoó Elieli, garmoó Toa,

2 QOM'I 2:3

Solomon afo gari haniís amór waawutmo Hiramu oo Tiro, ar iwa kaahi, «Adoodá' taa baabuúeé' Daudi tléhh kuwa sahhtaárí weerís qoomár iwa tlehhiti, gimáy adoodá' aníng i tleehhang.

2 QOM'I 2:4

Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

2 QOM'I 26:18

ngway ilaa/iyé' mooyaangw da/to, ngway bayé', «Gaarí a gadiyeérogeeká, Usía, AAKOÓ MUNGÚ kuwa mooyángw i da/. Gaarí a gadiyér kaahamuusér Mungú ar tlahhoó Aroni, an mukdá' taa paraátl gadiyeérí wa alé. Diirí ka hhoohhoo', diirí geexaweek. AAKOÓ MUNGÚ ugwa sadakús, ilaiwa/amér ta sleer i káhh dirose.»

2 QOM'I 29:7

Inooín sleeme afér do' ngina tseegiyé', nee tsaa'aso ngay gaasiyé', mooyangwdá' tsuú' laqaá ilahhooár da/a ngaa da/i'iiká dír kitangwdá' hhoohhoó' oo Munguú múk Israelír wa ale.

WARA'AMI 141:2

Firor'eé' ilaooheek adór mooyángw tsuú'. Dabaaeé' ngi amoorógií tleés adór ilahhooár muruú ta tsu/i ar tsiindo.

TI'INAANGW 30:34

AAKOÓ MUNGÚ Mose guri báy, «Qoomoó alqoóm oo muruuwí tsuú' slaweek, moqonjoó xa'anoó ta bay natafi, nee oo xa'anoó ta bay shekeleti nee oo xa'anoó ta bay kelbena nee mooyángw tsuú'.

TI'INAANGW 30:6

Kitaanguú ilahhooa ku qás daanduú tsee/a oo inqwaaridá' do' gwaa tla/a qasis, bihhaá sandakmoó alqado, geeraá kitángw gurtleemu kuduú gawaá sandakmoó alqado, didá' án nee kuúng tay dogitaan.

TI'INAANGW 30:8

Qoomár tsiindoowo bira tsaa'asór da/tá áy ilahhooarír mooyángw tsuú' gan daa/ sleeme. Ilahhooarír mooyángw tsuú' koom an hanmisá' dír AAKOÓ MUNGÚ umuúqo qarto ay qari sleémeero.

TI'INAANGW 40:27

Nee ilahhooár mooyángw tsuú' guri gawaadá' i daá/ ar adoodá' AAKOÓ MUNGÚ Mose ngura ádbáy.

TLAHHOÓ LAÁWI 6:5

laqaá umuúqo gár lama ar aa lo'ór wa /ayi, inós umuú gaaro gan buu', muruú kooán gun aldaaf ar gár wák.

FAARO 16:40

Gaarí an gurbu'utá múk Israeli, hee bar a kaahamusmoó xwaylár Aroniwooká, miwa daqáy dír kitángw AAKOÓ MUNGÚ kuwa ilahhooár mooyángw tsuú' i da/a/an. Bar adooriheeká aqo kun qwaarees, ar adoodá' Kora nee mukós kira hhaamiís. Adoorí sleémeero ina tleehharút adoodá' AAKOÓ MUNGÚ Eleasari ngura ádbáy ar loohír Mose.

FAARO 7:56

Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

Luka 1:9

inós kuna tsawaár, adoodá' /iisí kaahamuusér Mungú i tlehhaahhit, iwa dahi baraá Doó Aako as kahhó' ilahhooár mooyángw tsuú' ngiwa da/i dír Mungú.

Tlehhema'aá ya/Abuuse 6:4

Atén tari kumiitaán gadiyér firooro nee alki/ituú axweesantá Munguhe.»

DABE 33:10

Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.

1 SAMUELI 2:28

Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?

1 SAMUELI 3:3

Qoomaadae tsaa'astá Doó AAKOÓ MUNGÚ kaa gaasiiká, Samueli ina qaát baraá Doó AAKOÓ MUNGÚ, didá' sandakmoó alqadór Mungú i dirii'i.