TI'INAANGW 30:34 - Biblía Axweesantá Hhohho' ar Mungú 2004

³⁴ AAKOÓ MUNGÚ Mose guri báy, «Qoomoó alqoóm oo muruuwí tsuú' slaweek, moqonjoó xa'anoó ta bay natafi, nee oo xa'anoó ta bay shekeleti nee oo xa'anoó ta bay kelbena nee mooyángw tsuú'.

TI'INAANGW 30:34 Iomraidhean Croise

NEHEMIA 13:5

Kutuwír ur gana amohhe'eés as Tobia, kutuwidá' ta ilahhooár balaángwí qamaamín nee ar mooyaango nee xoosla, nee ilahhooár balaangw ar gár wák baraá mibaango nee difaái nee di/i, tidá' taa hara'ayín kawa hanmiisi dír múk tlahhoó Laáwi nee daauuse, nee xuumuusér afér doó Mungú, nee ilahhooa as kaahamuusér Mungú.

TI'INAANGW 25:6

nee di/tá tsaa'asi, nee muruudá' ta di/tá iimbalaxángwár aleedogiiti, nee mooyangwdá' tsuú' ta da/aa/an,

TI'INAANGW 30:23

«Muruuwí afhhamít taatahheek, mooyángw manemane kuduú ma'aay oo harqoomoó kílo lahhoó' nee xa'anoodá' ta bay dalasini oo mooyángw koóm oo kílo tám huwang, nee miíwa oo mooyángw koóm kílo tám huwang.

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

TI'INAANGW 30:35

Mooyángw tsuú' tleehheek ar muruusíng adoodá' kur tlehhahhiiti nee mukdá' mooyaangw gu baál tlehhtuuwo, díwtií qaaseek as kahhó' kuwa hhohhó' nee as kuwa paraátl as aníng.

TI'INAANGW 30:7

Umuúqo matlaatleero qoomár Aroni bir tsaa'asór da/tá áy, ilahhooár mooyángw tsuú' gan gawaá kitaángwí da/tá áy.

TI'INAANGW 31:11

Nee di/tadá' tar iimbalaxan, nee mooyangwdá' tsuua, kudá' taa tleéhh as gadiyér didaádá' hhoohhoo'. Muruuwí sleémeero ngu tleehhiye' ar adoodár kilá' aníng kuúng ura hara'ayiím.»

TI'INAANGW 35:15

nee kitángw ilahhooár mooyángw tsuú' kuwa da/a/an, nee xaaiiwós awa kur loohisi, nee di/tá iimbalaxaangw nee mooyángw tsuú', nee inqwaarír afkú heémár Mungú.

TI'INAANGW 37:29

Di/tá hhohho' ar iimbalaxaangw gari tleéhh, nee mooyángw tsuú' oo taa aleedoók nee gár adór mooyaangw.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

ISAYA 43:23

Kuungá' aníng iga bee/ángw ilahhooár dá/tí hubi'iiká, laqaá iga ilaiwa/i'iiká ar ilahhooár muruú ta tsu/i. Aníng kuungá' naa al'iloouwiiká ar ilahhooa, laqaá naa slaaqatisiiká ar ilahhooár mooyángw tsuú' ar ta da/aa/an.

TLAHHOÓ LAÁWI 16:12

Xooslmoó taa tleéhh ar tleei guri taataahh, guri gil'oodár gawaá kitángw ilahhooárí qaas, kuduú dír geeraá AAKOÓ MUNGÚ, nee tsa/a'aá tsár awa mooyángw taa xoosla hhe'eés. Inós ngiri huuw baraá guruú inqwaaridá' do' gwa tla/a qasis.

TLAHHOÓ LAÁWI 2:1

«Umuúqo heé ilahhooár bu'uungw nga huuw dír AAKOÓ MUNGÚ, ilahhooarí masók a puuruú natsaatsaá'. Heedá' ilahhooa ngaa huuw puuruúdá' gun dí/tí qaas, nee mooyángw tsuú' sleeme guri baraadií qaas.

TLAHHOÓ LAÁWI 2:15

Kari dí/tí tsiririxís, kari mooyángw tsuúí qás. Gaarí a ilahhooár bu'uungw.

TLAHHOÓ LAÁWI 24:7

Nee umuúqo hhaywo ku mooyángw tsuú' i qás as tiwa alkona' nee mikaátedá' nee tawa ilahhooár da/a ar inslaslaangw dír AAKOÓ MUNGUHE.

TLAHHOÓ LAÁWI 5:11

«Barnaxes hhooka tsár ga aleeslayká laqaá na/aá tsár awa hhooka, tawa ilahhooár tlakweemaadá' aa tleéhh hingeesa, puuruú kílór wák ngu huwi, ala munguwa dí/tí qaás laqaá mooyángw tsuú', asma gaarí a ilahhooár tlakweema hingeesa.

FAARO 4:16

«Eleasari garmoó kaahamusmo Aroni, di/tá tsaa'aso gan amohhe'eemiis, nee mooyángw tsuú', nee ilahhooár balaangw oo umuú daqi nee di/tá tar iimbalaxan, nee umuúqo gár taa paraatli ar baraá heémadá' nee didá' hhoohhoo' nee xosluuwose.»

FAARO 7:14

Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

Matayo 2:11

Tari dáh baraá do', na/aydá' kuri ár nee aayoorós Mariawo. Kuri i tumbarara'aát kuri sluufmiís. Nee inooín muruuín kudá' i kona' nguri gweeriyé', nguri haniisiyé' dír na/aay. Muruú taa hanimiís a kwí: Sahaábu nee mooyángw tsuú', nee mooyangwko ta babay manemane.