TI'INAANGW 30:23 - Biblía Axweesantá Hhohho' ar Mungú 2004

²³ «Muruuwí afhhamít taatahheek, mooyángw manemane kuduú ma'aay oo harqoomoó kílo lahhoó' nee xa'anoodá' ta bay dalasini oo mooyángw koóm oo kílo tám huwang, nee miíwa oo mooyángw koóm kílo tám huwang.

TI'INAANGW 30:23 Iomraidhean Croise

1 WAAWITÁ 1:39

Amoodae kaahamusmo Sadoki xarmoó di/tá koóm guri baraá heémár wa taataáhh, Solomon guri iimbalaáx ar di/i as tawa waawutmo. Aluuwo tarumbeéta kari ufaáhh, muu iri oó', «Waawutmo Solomon i hotaatin.»

1 QOM'I 9:29

Nee bahh'ale baraá tla/angw'ine kina qaás sagesihhtuusér xooslár doó Mungú wa ale, as xosluudá' hhohho' ngiwa ga/aya', nee puuruúdá' hhohhó' nguwa ga/ay, nee difaái nee di/i nee mooyángw tsuú' nee muruudá' ta mooyángw tsuú' ar tlehhiiti.

1 QOM'I 9:30

Bahh'alé baraá daaqoó kaahamuuseero mooyángw tsuú' nguna amohhe'eemisiyé'.

WARA'AMI 45:8

Tsiitaywók sleémeero i tlatláy mooyángw manemanero, nee oo udi nee oo xaa'aá mdalasiniro. Kuúng taa qwal/atís nee afór daa'ángw mariímba, ar baraá maraá waawutmo awa taa parootuús ar xareemaá daawe.

TI'INAANGW 25:6

nee di/tá tsaa'asi, nee muruudá' ta di/tá iimbalaxángwár aleedogiiti, nee mooyangwdá' tsuú' ta da/aa/an,

TI'INAANGW 30:22

AAKOÓ MUNGÚ Mose guri báy,

TI'INAANGW 30:24

Kílo lahhoó' ar daa'awtá hatlá' ar dalasini huwang ar harqoomoó didá' hhoohhoo', nee kílo tsiyáhh ar di/tá seituúni.

TI'INAANGW 31:11

Nee di/tadá' tar iimbalaxan, nee mooyangwdá' tsuua, kudá' taa tleéhh as gadiyér didaádá' hhoohhoo'. Muruuwí sleémeero ngu tleehhiye' ar adoodár kilá' aníng kuúng ura hara'ayiím.»

TI'INAANGW 35:28

Muruudá' taa mooyángw ar tlehhahhiiti nguna huwiyé' sleeme, nee di/tá tsaa'aso nee di/tá iimbalaxaangw, nee mooyángw tsuú'.

TI'INAANGW 37:29

Di/tá hhohho' ar iimbalaxaangw gari tleéhh, nee mooyángw tsuú' oo taa aleedoók nee gár adór mooyaangw.

AXWEESANOÓ SAGALOOA 7:17

Mooyángw ta babay manemane, ugwa qaás, nee oo uúdi nee oo dalasiíniro sleeme.

DAA'AANGW 1:13

Sla'aarusmooeé' gawaá da/ewaaeene a adór tlakoó manemánér koóm dir'eene.

DAA'AANGW 1:3

Mooyángw di/tók tidár slikiingw naa tláy, Umuuwók a adór mooyángw taa tsipipi'iís, an gár /ameena kuúng us sla'.

DAA'AANGW 4:14

Nárdo nee tidá' ta bay safaraáni nee mehaái nee dalasiíni, manemáne nee mooyángw tsuú' oo ta bay uúdi nee xaa'aá hatlá' awa mooyángw koomá'.

ISAYA 43:24

Aníng kuungá' iga mooyángw tsuúi tlaxwi'iiká ar peésarhúng. Laqaá aníng iga aaxisi'iiká ar ilahhooár muruú ta tsu/i oo wahhaár. Ala aníng tlakweemaahúng iga al'iloouyé'. Aníng iga slaaqatisé' ar dakumisuuhúng.

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

ESEKIELI 27:19

Fedani nee Yafani xooslaarók ngina huwiyé' iimír yaamaá Usalír wa ale, tam muqslár taa kwahhuút, dalasiíni nee chaichai as xooslaarók ngiwa slaya'.

ESEKIELI 27:22

Mukdaádá' muruú tlaxuúm oo Sheba nee oo Rama halaanu'uuma ngina tleehhiyé' nee kiíng, muruudá' ta baraá muruú /aymárií qamin nguna huwiyé', nee tlaa/aá tlaxo uren, nee sahaábuwo, xooslaarók tidá' hhohho' kari sláy.

FAARO 4:16

«Eleasari garmoó kaahamusmo Aroni, di/tá tsaa'aso gan amohhe'eemiis, nee mooyángw tsuú', nee ilahhooár balaangw oo umuú daqi nee di/tá tar iimbalaxan, nee umuúqo gár taa paraatli ar baraá heémadá' nee didá' hhoohhoo' nee xosluuwose.»

1 SAMUELI 10:1

Naagáy Samueli chupiito'ór di/i gari óh, gari tsiririxiís gawaá ságw Saulo, guri ma'aás, iri oó', «AAKOÓ MUNGÚ ugwa iimbalaáx ar di/i, as tawa geeraharusmoó mukós oo Israeli, nee kuwa ba/amis baraá dabaá wakuuser'ín wa ale. Layár kuúng kar tsahh adór AAKOÓ MUNGÚ ura di/tár iimbalaáx tawa geeraharusmo daanduú aalirose a tí,