TI'INAANGW 30:15 - Biblía Axweesantá Hhohho' ar Mungú 2004

¹⁵ Daqaarmo peésár dír tihe waraahh mingiwa huúw, laqaá narkutmo peésár tlaqtá tihe aa /aaruur mingiwa huúw, qoomár anuú AAKOÓ MUNGÚ bir ilahhooarí hanmisá' as haraki/isarhúng.

TI'INAANGW 30:15 Iomraidhean Croise

2 SAMUELI 21:3

Daudi múk Gibeoni guri yaahaás, «Gár nuy tleehh a milá? Tlakweemaadá' tunduy tleéhh gár ngir buu'. As kahhó' yaamuuká' nee muk'ín kuduú AAKOÓ MUNGUHE kiwa tsuqa'.»

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

TI'INAANGW 30:12

«Qoomár bar xoorór Israeli a faarór eér, umuú heewo gár hhiintluuwós ngur tu/i baraá dabaeene ngi bui, as kahhó' tiqtír tlakw mingiwa sleér qoomár birki fadiit.

TI'INAANGW 30:14

Umuúqo heé taa faari iimír kureeri mibeeri tsár wá tleemu ay múk urén sleémeero ilahhooarí ngi dír anuú AAKOÓ MUNGÚ i hanisiye'.

TI'INAANGW 30:16

Kuúng peésasíng tinda huúw as haraki/isa ka ilaaót dír múk Israelír wa alé, daqaní afér heémaadár Mungú ngi tlaq, as kahhó' peésaarí aníng iwa inslawtamis daanduú múk Israeliwo, asma peésaarí slafingw'ín guna tú/.»

TI'INAANGW 38:26

Umuúqo heé kureeraá mibeeri tsár gaa ay nee oo gaa ba/i kuna faár, hhawaate a kume tsiire lahhoó' nee tám nee tsiire kooán nee mibeeri kooán. Umuú heewo ohmeero gár aa haniís a muqslár peésa ar graámu kooán.

AXWEESANOÓ SAGALOOA 22:2

Daqaarmo nee narkutmo ti slayá' ar gár wák, Tleehharusmooín an AAKOÓ MUNGÚ.

ESEKIELI 45:16

«Muu sleémeero oo yaamaá Israeli ilahhooar'ín ngi haniisiye' dír geeraharusmoó Israeli.

TLAHHOÓ LAÁWI 17:11

Asma slafíngw umuú gaaro i baraá tseere. Hara'aya ngina haniís as tseere ngiwa huba' dír kitángw ilahhooa, as haraki/isa kawa tleehhi as kuungá'. Asma tseere i haraki/isár tlehhít, asma slafiingw i baraá tseere.

FAARO 31:50

Hám daxta umuúqo heewo direne muruuwí nguna huúw tawa ilahhooár AAKOÓ MUNGÚ. Xooslaá sahaábu, nee himtaawe nee bangeélaywo, nee munga'aá baraá ditsa' ta layárár qamina, nee saaqaán nee kwasluuwo, adoodá' umuú heewo ngira sláy. Muruuwí ngun haniisaán as atén tiwa haraki/isárií tleehhi dír geeraá AAKOÓ MUNGUHE.»

Efeso 6:9

Kuungá' daqaáre, gár tunduwa hariím sleeme, aqo tí an tlehhá' dír lawaalerhunge. Lawaalerhúng ma dae tlaaqara'. Nee xuaak adór kuungá' nee inooín Aakoohúng tar wak. Inós i gawaá doorií dirii'. Dirose barqaanti i káhh.

Kolosai 3:25

Ala umuúqo heewo oo tidá' ganaa' gaa tleehhiiká, inós slaasláwarós ar hariim gan sláy, slám ar barqaanti wasl.