TI'INAANGW 30:13 - Biblía Axweesantá Hhohho' ar Mungú 2004

¹³ Umuúqo heé ta faari gár i haniisi a tí: Tlaqtá sheleéli gan haniis ar harqoomoó didá' hhoohhoo'. Gaarí an ilahhooár ni anuú AAKOÓ MUNGÚ haniisi.

TI'INAANGW 30:13 Iomraidhean Croise

IIMU/UUNGW 23:15

Qaymór hariímár tlaxór shekeélír tsiire tsiyáhh ar muqslár /awaak ar ta peésár tlehhaahhiti a gár milá dír án nee kuunge? Tuuár hareerók fooleek.»

2 WAAWITÁ 12:4

Yoashi kaahamuusér Mungú sleémeero gana ateét, giri báy, «Peésaadá' tindi huwaahuwi nee muu baraá doó AAKOÓ MUNGÚ, ar adoodá' hee kura peésaarós i gooín, laqaá hee gana tawo slaá' ar muunaáwós peésaarós haniisaro, dír doó AAKOÓ MUNGÚ,

2 WAAWITÁ 12:5

kaahamuusér Mungú peésa ngi ilaót dír umuú heewo, nee inooín daqaní wa/aameedá' aa hhiturumit baraá do'o ngi amohhe'eesiye'.»

TI'INAANGW 30:14

Umuúqo heé taa faari iimír kureeri mibeeri tsár wá tleemu ay múk urén sleémeero ilahhooarí ngi dír anuú AAKOÓ MUNGÚ i hanisiye'.

TI'INAANGW 38:24

Sahaábu sleémeero oo muu naa hanmiís as gadiyér tlehhmuú heémár Mungú a har qoomoó kílo tsiire dakaát mibeeri faanqw nee faanqw nee graámu tsiire tám, ar harqoomayduú heémár Mungú i dirii'i.

TI'INAANGW 38:26

Umuúqo heé kureeraá mibeeri tsár gaa ay nee oo gaa ba/i kuna faár, hhawaate a kume tsiire lahhoó' nee tám nee tsiire kooán nee mibeeri kooán. Umuú heewo ohmeero gár aa haniís a muqslár peésa ar graámu kooán.

ESEKIELI 45:12

«Bar muruú iiló' qoomeemesá' xooslmoodá' ta bay geéra mibeeri tsár i qoná' nee shekeélír wák nee shekeélír mibeeri kooán i qoná' nee xooslmoodá' ta bay miína wák.

TLAHHOÓ LAÁWI 27:25

«Umuú qoomaywo kun qoomees ar peésaadár shekeéli ar didá' hhoohhoo', qoomaydá' ta bay geéra bar mibeeri tsár, kan tlaaxw ar shekeélír wák.

TLAHHOÓ LAÁWI 27:3

Hhawaatuú kureeri mibeeri tsár ay kureeri mibeeri lahhoó' kun tuu/ ar peésár shekeéli mibeeri kooán ar qoomoó peésár didá' hhoohhoo'.

TLAHHOÓ LAÁWI 5:15

«Barnaxes hee tlakweema gaa tleéhh ar adór aa haraxuiiká daanduú muruudá' hhohhó' ta AAKOÓ MUNGÚ i hanmiisi, inós gwaanduú xaslxaansli wásl ngu ilahhooár dakuús hingeesár wa haniisi. Kuúng tlaxór gwaandudá' an alqoomés nee tlaxór didá' hhoohhoo'. Tí an ilahhooár dakuús hingeesa.

FAARO 18:16

Na/iikaá baris ki tu/i a qoomár bar slahhángw wák ngwaa ayé', gár kiri tu/i a peésár shekeéli kooán ar qoomayduú heémaadá' hhoohhoo'.

FAARO 3:47

Shekeéli kooán ooheek daanduú umuúqo heewo ar qoomoó didaádá' hhoohhoo', tidá' handá' alqoomá' nee gadaádá' ta bay geéra mibeeri tsár,

FAARO 7:67

Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedook nee di/i, as tawa ilahhooár balaangw.

FAARO 7:86

Slooqi'iidá' taa tleéhh ar sahaábu a mibaá nee tsár, kudá' hatsá' mooyango, umuú slooqayhe iilooeemaawós a graámu tsiiruú wák nee mibaangw, ar qoomoó didá' hhoohhoo', sleémeero iilooeemaawo a kílo wák nee graámu tsiire tám nee mibeeri tsár.

Matayo 17:24

Tawa Kapernaúmúrií hardáh, mukdá' ohmér Doó Mungú ohiím Petro kuri i daqáy, kuri báy, «Intsaahhatusmoowók ohmér Doó Mungú ga hanmaamisiikáhe?»

Matayo 21:12

Yesu iri dáh baraá Doó Mungú, muu sleémeero, kudá' muruú weerimiís nee kudá' muruú tlaxuuma guri baraá Doó Mungú wa gusiisín. Meesadaá múk peésár gaamiís giri /aankwartsín, nee kiteeraá múk hhookár weerimiisa.

Matayo 27:24

Qoomár Pilato ngiwa ár gár i bui i káhh, ala a tsimaahhi in tlahhaatláhh, ma'aay giri taataáhh, dabaawós giri hamaátl dír geeraá múk wa ale, iri oó', «Aníng tlakweemaá ni koom i kahhiyá' gawaá daanduú heewí gan'amuú kooma. Ala kangwsíng a koohúng.»