TI'INAANGW 30:12 - Biblía Axweesantá Hhohho' ar Mungú 2004

¹² «Qoomár bar xoorór Israeli a faarór eér, umuú heewo gár hhiintluuwós ngur tu/i baraá dabaeene ngi bui, as kahhó' tiqtír tlakw mingiwa sleér qoomár birki fadiit.

TI'INAANGW 30:12 Iomraidhean Croise

1 QOM'I 21:1

Neetlaangw ina sihhiít múk Israeli nguwa slahh'amií huwi, Daudi guri tliwií/ múk Israeli nguwa faari.

1 QOM'I 21:12

Kureeraá tám awa qwari, laqaá slahheeraá tám awa tuwa slakaati nee wakuuseerók ar paánga, turi qororo'oos, laqaá deelo tám ar muxtár paángár AAKOÓ MUNGÚ ar tiqtír pu/i ngiwa huwi, nee malaykamoowós yaamu sleémeero awa Israeli ngiwa hhaamisi.› Daxta tsawdiím kudaádá' iga ya/aaw mu báw.»

1 QOM'I 21:14

Naagáy AAKOÓ MUNGÚ tiqtír pu/i gari kwaáhh gawaá múk Israeli, múk kume mibeeraá faanqw iri qaátl oo Israeli.

1 QOM'I 21:3

Yoabu iri oó', «AAKOÓ MUNGÚ múk Israeli ngu doogi sagaá wa tsiiru. Aá mukwí sleémeero a sagadiyuusér aakooeé' waawutamoowokáhe? Ahaá waáy, gár kuúnguú aakooeé' adoorí kasa slá'? Ahaá waáy, mas slá' tlakweema ngiwa húp gawaá múk Israeli?»

1 QOM'I 27:24

Yoabu garmoó Seruya, múk Israeli guna iiár faarooro ala gwaa faakiiká. Tam adoorihe, múk Israeli slahh'amuú úr guna sláy ar faaroorí, faarór múk Israeli kari dahaasiika baraá kitaábuú inslaslángw waawutmo Daudiwo.

2 QOM'I 24:6

Naagáy waawutmo geeraharusmooín Yehoyada guri ateét, guri yaahaás, «Ahaá baré múk tlahhoó Laáwi ugwa kángw beeriiká ohmér peésa kawa buruumburi dír múk Yudawo, nee oo Yerusalemuro, ohme adoodá' Mose sagadiyusmoó AAKOÓ MUNGÚ ngira oó', ohmeedá' taa uhín as heémadá' hhoohhoo' ar AAKOÓ MUNGÚ.»

2 QOM'I 24:9

Afoorí kari ilahariís baraá yaamaá Yuda nee Yerusalemu, as muu sleémeero ohme ngiwa huwi dír AAKOÓ MUNGÚ, adoodá' Mose sagadiyusmoó Mungú ngira oó' baraá xaanxáy wa alé.

YOBU 33:24

Inós heedaádá'guna gurtláy, Mungú guri báy, ‹Ba/amiseek, miwa /eét baraá gi'i. Asma gár afkós gu /aay aga sláw.›

YOBU 36:18

Ti kilók ila/ xarasleema muwa niqár ayé', laqaá muruú yaariír oo tir tu/ muwa qwaareés.

WARA'AMI 49:7

Ar looeemawo hee kilós ba/amisaro ti aleeslayká, tam gár i haniisi kitángw slafiingose i káhh dír Munguhe.

TI'INAANGW 30:11

AAKOÓ MUNGÚ Mose guri báy,

FAARO 31:49

Mose kuri báy, «Ataá sagadiyuuseerók mukduú slaqwara sleémeero ugwa faaraán, kudá' atén taa geeraharaharaán, naxés tam heé wák oo kaáhh i kaahh.

FAARO 31:50

Hám daxta umuúqo heewo direne muruuwí nguna huúw tawa ilahhooár AAKOÓ MUNGÚ. Xooslaá sahaábu, nee himtaawe nee bangeélaywo, nee munga'aá baraá ditsa' ta layárár qamina, nee saaqaán nee kwasluuwo, adoodá' umuú heewo ngira sláy. Muruuwí ngun haniisaán as atén tiwa haraki/isárií tleehhi dír geeraá AAKOÓ MUNGUHE.»

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Marko 10:45

Asma tam Garmoó Hee sleeme naa hardihiiká as kuwa sagadiyuusi, ala nina hardáh as inós muu nguwa sagadiyuusi, nee slafiingós nguwa duuxi tawa bu'utuú múk yaariír ngur tu/i.»

1 Timoteo 2:6

Inós kilós tina haniís tawa bu'utuú gweermór muu sleémeero. Adoorí ina tleehharút qoomaadá' Mungú aa qaroó qaás iwa bó/.