TI'INAANGW 30:10 - Biblía Axweesantá Hhohho' ar Mungú 2004

¹⁰ Aroni haraki/sa ngi tleehhi gawaá xareemaá kitangwdá' baraá kurko sagaáwa wak. Gár haraki/isa ngir tleehhi a tseerér ilahhooár tlakweema hingeesa, tidá' ta hanmiisi sagaáwa wak umuúqo kurko baraá umuúqo qarto, asma kitangwsíng ku ló'wa hhoohhoó' dír anuú AAKOÓ MUNGUHE.»

TI'INAANGW 30:10 Iomraidhean Croise

1 WAAWITÁ 1:50

Adonia sleeme Solomon guri da'ayuút, ina sihhiít iri ta'aaín baraá heémár Mungú, xareemaá kitángw ilahhooa giri óh as iwa /uy.

1 QOM'I 6:49

Aroni nee xwaylarós ilahhooár da/a nee ilahhooár mooyángw tsuú' ngin hanmamisiyá' gawaá kitángw ilahhooa nee kuduú ilahhooár mooyángw tsuú'. Inooín gadiyeé sleémeero ar didá' ak hhoohhoo' ngin tlehhahhitiyá', nee gadiyér múk Israeli nee Mungú kiwa haraki/imiis, adoodá' Mose ngira dir'íní oó', kuduú sagadiyusmoó Mungú.

TI'INAANGW 30:11

AAKOÓ MUNGÚ Mose guri báy,

TI'INAANGW 30:9

Mooyángw daa'awtá hatlá' oo hhohhoeeká mu gawaá kitaangwií duuxara' laqaá tam ilahhooár da/a/aangw, laqaá ar balaangw, laqaá ar tsipipi'iimis.

TLAHHOÓ LAÁWI 16:16

Naagáy haraki/isa gari tleehh as didá' hhoohhoo' taa slasla/areés nee tlakweema nee dakumisuú xoorór Israeli. Adoorí gari malé tleehh as heémár Mungú, tidá' baraá tla/ángw inooínadaá tlakuuse.

TLAHHOÓ LAÁWI 16:18

Aluuwo niri tsee/áy ti'iit ay dír kitangwduú ilahhooa oo dír geeraá AAKOÓ MUNGÚ, tseerér awu nee ar gurtuuwo gari bahh taataahh, gari sliik ar xareemaá kitangwduú ilahhooa.

TLAHHOÓ LAÁWI 16:2

Guna báy, «Hhiyaawók ádbaweek, umuúqo qoomaaro miwa daráh didá' hhoohhoo', ar alaá inqwaaridá' do' gwaa tla/a qasis, dír geeraá kitángw gurtleemu, kuduú gawaá sandakmoó alqado, as kahhó' miwa gwaá'. Asma aníng ti geehhooeés ar baraá huunki gawaá kitangwdú gurtleemuú wa ale.

TLAHHOÓ LAÁWI 23:27

«Bál slahhángw faanqw bar mibaangw a baalár haraki/isa. Baalaasíng an baalár dinku'uumár hhoohhoo' kawa tlehha'. An gwaawiindá', nee ilahhooár da/a kari hanisá' dír anuú AAKOÓ MUNGÚ.

TLAHHOÓ LAÁWI 4:18

Tseere gay bahh taataahh gari xareemaá kitángw ilahhooár sliik dír geeraá AAKOÓ MUNGÚ baraá heémár Mungú, tseerér aa met gari ku'uus dír gwe'eedaá kitángw ilahhooár da/a/aangw, kuduú dír afkú heémár Mungú.

TLAHHOÓ LAÁWI 4:7

Kaahamusmo tseereedá' gari bahh taataahh, gari sliik ar xareemaá kitángw ilahhooár mooyángw tsuú' kawa da/aa/an dír geeraá AAKOÓ MUNGÚ baraá heémár Mungú. Tseerér aa met gari ku'uus dír gwe'eedaá kitángw ilahhooa kay da/aa/an, kuduú dír afkú heémár Mungú.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 9:25

Slám Kristo inós aa darahiiká daqtá yaariire as tiwa haniisi, adoodá' kaahamusmoó úr oo Mungú ir dararahi umuúqo kurko ar tseerér hikwaá ilahhooa.

Ebrania 9:7

Ala baraá matla/angwduú tsár oo heémaro, heé daraaráh a kaahamusmoó úr oo Mungú kilós. Slám inós in dah sagaáwa wák wa ale baraá kurkú wake. Slám i dahiiká tawó alé barnaxes tseere i káhh. Tseereerí gan haniis dír Mungú as inós nee as tlakweemaá muu, kudá' taa xuiiká.

Geehhoeemaá 9:13

Malaykamoó lahhoó' tarumbeéta gari ufaáhh. Afór wák ngiri axaás. Afoorí amór i dahh a amór xareemiidá' tsiyáhh awa gawaá kitangwduú ilahhooa, kuduú sahaábu, kudá' geeraá Mungú i dirií'.