TI'INAANGW 30:1 - Biblía Axweesantá Hhohho' ar Mungú 2004

¹ «Kuúng kitángw mooyángw tsuú' kuwa da/aa/an tleehheek ar xa'anoó masqaryaandi as tawa dír ilahhooár mooyángw tsuú' kawa da/aa/an.

TI'INAANGW 30:1 Iomraidhean Croise

1 WAAWITÁ 6:20

Kutuwirí tlenaango a miíta gwaleél, nee bihheero aqo malé miíta gwaleél, nee tlenángw gawa sleeme a miíta gwaleél, kari parootuús ar sahaábuú hhohhó'. Kitángw ilahhooa guri tleéhh ar peehhoó sahhta.

1 WAAWITÁ 6:22

Do' sleémeero guna parootuús ar sahaábu, do' sleémeero iri hhooáy. Kitángw ilahhooa oo didá' ak ló'wa hhoohhoo' guri parootuús as sahaábu.

1 WAAWITÁ 7:48

Solomon xosluudá' sleémeero dáw baraá doó AAKOÓ MUNGUHE gana tleéhh, kitangwduú ilahhooa oo sahaábu nee meésár sahaábu as kawa mikaátér Mungú i qamin.

1 QOM'I 28:18

Sahaábuú hhohhó' guri haniís oo ta kitángw ilahhooár mooyángw tsuú' i da/aa/an ar tleehhi, guri slaqsoó gaárír sahaábuú i haniís ar slaqsa'aá keruúbi, tidá' sandakmoó alqadór AAKOÓ MUNGÚ gwaa hhampe'eeri'ín ar tuuntukuun.

1 QOM'I 6:49

Aroni nee xwaylarós ilahhooár da/a nee ilahhooár mooyángw tsuú' ngin hanmamisiyá' gawaá kitángw ilahhooa nee kuduú ilahhooár mooyángw tsuú'. Inooín gadiyeé sleémeero ar didá' ak hhoohhoo' ngin tlehhahhitiyá', nee gadiyér múk Israeli nee Mungú kiwa haraki/imiis, adoodá' Mose ngira dir'íní oó', kuduú sagadiyusmoó Mungú.

2 QOM'I 26:16

Qoomár Usia /uuru nguwa sláy, iri daara/uút, daara/angwdá' guri amór qwanáy huúw. Iri dee/anuút dír AAKOÓ MUNGÚ, Munguúwose. Iwa dáh baraá Doó Mungú ina tsabín mooyángw tsuú' nguwa da/tá wa slai dír kitangwduú ilahhooa.

TI'INAANGW 30:10

Aroni haraki/sa ngi tleehhi gawaá xareemaá kitangwdá' baraá kurko sagaáwa wak. Gár haraki/isa ngir tleehhi a tseerér ilahhooár tlakweema hingeesa, tidá' ta hanmiisi sagaáwa wak umuúqo kurko baraá umuúqo qarto, asma kitangwsíng ku ló'wa hhoohhoó' dír anuú AAKOÓ MUNGUHE.»

TI'INAANGW 30:2

Tlenaangós umuú barto a sentimiíta mibeeri tsiyáhh nee kooán, tlenaangós iimír baráy wá ooha ay gawa a sentimiíta mibeeri gwaleél, xareemiiwós masók ti alkoná' tlehhmuwo nee kitangwdá'.

TI'INAANGW 31:8

Meésadá' nee xooslaarose, nee kitangwdá' hhoohhoó' oo tsaa'aso ki qamin nee xooslaarose, nee kitángw ilahhooár mooyángw tsuú' kuwa da/aa/an.

TI'INAANGW 35:15

nee kitángw ilahhooár mooyángw tsuú' kuwa da/a/an, nee xaaiiwós awa kur loohisi, nee di/tá iimbalaxaangw nee mooyángw tsuú', nee inqwaarír afkú heémár Mungú.

TI'INAANGW 39:38

nee kitángw sahaábu, oo ilahhooa nee di/tá iimbalaxaango, nee mooyángw tsuua, nee inqwaarír afkú heémár Mungú,

TI'INAANGW 40:5

Kuúng kitangwduú sahaábu oo mooyángw tsuú' kuwa da/a/an ku qás geeraá sandakmooduú alqado, daqaní inqwaari ka tareeré' afkú heémár Mungú.

ESEKIELI 41:22

adór kitángw ilahhooa oo taa tleéhh ar peehháy i deer. Tlenaangós a tlaqtá miíta nee bihheerós a miíta wak, xareemiiwós iwitanangós nee bihheerós sleémeero kina tleéhh ar peehháy. Heedaádá' aníng iri báy, «Gaarí an meésadá' hoot dír geeraá AAKOÓ MUNGÚ wa ale.»

TLAHHOÓ LAÁWI 4:18

Tseere gay bahh taataahh gari xareemaá kitángw ilahhooár sliik dír geeraá AAKOÓ MUNGÚ baraá heémár Mungú, tseerér aa met gari ku'uus dír gwe'eedaá kitángw ilahhooár da/a/aangw, kuduú dír afkú heémár Mungú.

TLAHHOÓ LAÁWI 4:7

Kaahamusmo tseereedá' gari bahh taataahh, gari sliik ar xareemaá kitángw ilahhooár mooyángw tsuú' kawa da/aa/an dír geeraá AAKOÓ MUNGÚ baraá heémár Mungú. Tseerér aa met gari ku'uus dír gwe'eedaá kitángw ilahhooa kay da/aa/an, kuduú dír afkú heémár Mungú.

FAARO 3:31

Gadiyér'ín an sandakmoó alqado amohhe'eemis, nee meésa, nee kitángw tsaa'aso kay qamaamin, nee kitángw ilahhooa nee xoosladár didá' hhoohhoo' ar tar gadiyuusi nee kaahamuuse, nee inqwaruú tarereiingw. Gadiyeduuká' sleémeero inooín ngin tlehhiitiyá'.

FAARO 4:11

«Aluuwo inqwaarír sirboo/ ka tuuntuuki ar kitángw ilahhooa kuduú sahaábu, nee ku tuuntuuki ar kaahartá natsaatsaa' ar leei, aluuwo xaaidaá loohiso ki dahaasi baraá dungáydá'.

Ebrania 9:4

Baraadae kitángw ilahhooa i deer oo taa tleéhh ar sahaábu. Kitaangwí kun ilahhooár mooyángw tsuú í da/aa/an. Gár hatlá' baraadane a sandakmooduú alqado, oo taa ninkiriíts ar sahaábu umuúqo barto. Muruú baraá sandakmoowí a sirwír taa tleéhh ar sahaábu, tidá' muruudá' ta babay maána gu koom, nee hhartá Aroni, tidá' naa harma/, nee tlaa/eedá' tsár awa taa axweesantá alqadór i gooín.

Geehhoeemaá 8:3

Malaykamoó hatlá' niri hardáh iri sihhiít dír geeraá kitángw ilahhooa. Inós xooslmoó sahaábu gu kón oo muruudá' mooyángw tsuú' koóm ku i da/a/an ilahhooár wa ale. Muruudá' mooyángw tsuú' koóm oo yaariír kuri inós i haniís, as nguwa haragaasi dinkwa nee firór múk hhohhó' oo Mungú, gawaá kitángw ilahhooa, kuduú sahaábu. Kitaangwí i dír geeraá kitángw aleesleemu.