TI'INAANGW 3:9 - Biblía Axweesantá Hhohho' ar Mungú 2004

⁹ Qaytsiít, /aa/aá múk Israeli naa hardihiyé' dir'eé', slám slahh'eemisudá' múk Misri ngir slahh'eemisi ugwa ár.

TI'INAANGW 3:9 Iomraidhean Croise

IIMU/UUNGW 16:11

Malaykamoó AAKOÓ MUNGÚ gari báy, «Ga/aaweek, kiíng a tsiiháy, na/oó garma u xwayluúr, umuuwós kway beer Ishmaeli. asma AAKOÓ MUNGÚ /aa/aá baramaanirók gaa axaás.

IIMU/UUNGW 31:12

Inós aníng iri báy, ‹Qaytsiít, gurtaawerqá' sleémeero ar baraá sluma ar aaraá ga/aw, ar biifayen nee ar meehhaya tlaanqwayen, gaarí sleémeero a asma tidá' Labani ni dirók i tlehhiiti ana ár.

2 WAAWITÁ 13:4

Yehoahasi AAKOÓ MUNGÚ guri harhheehhe'eés, AAKOÓ MUNGÚ adoodá' múk Israeli kura slahh'eemiís nee waawutmoó Aramu ngiwa ár, firor'ín gari iiaárí qaás.

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

NEHEMIA 9:9

«Slahh'ámuú baabi'iirén una aán qoomár iwa baraá yaamaá Misrírí dirii'iya' nee alee/isaywók nguwa firiné' dír afaá tlawtá Shamuwo, kuúng ina iiárií qás.

WARA'AMI 12:5

AAKOÓ MUNGÚ i kaahi, «Asma liitlakuuse kawa baraamaanusi nee narkuute iwa wa/aa/us, aníng daxta ni hardáh, aníng kudá' i harahhiifá' i amohhooárií haniís.»

WARA'AMI 9:14

Asma xirfuuwók sleémeero nguwa alki/iit, dír afér gixsár Yerusalemuwo. Ba/amarók an sa qwalaalaá/.

TI'INAANGW 1:11

Gawaá adoorihe inooín múk Israeli kuri sagesihhtuuseérí qaás as kiwa slahh'eemisi nee kiwa /uurutimiisi baraá gadiyér tawa bihhií noongo'ootiiká. Inooín Farao nguri gixsadaá Pitomu nee Ramesesírí tleehhiyé' awa ta murií babaatsi.

TI'INAANGW 1:22

Aluuwo Farao mukós sleémeero guri ádbáy iwa kaahi, «Umuúqo na/oó garma oo tindi laqwaali nee /ameenír múk Ebrania /aytisaak baraá yaaér Nili, ala bar a na/oó dasi mu /aytisaara'.»

TI'INAANGW 1:8

Aluuwo waawutmoó /abén kuri qaás yaamaá Misriro oo Yosefu gu xuaaká.

TI'INAANGW 2:23

Alaá qoomár deelór yaariir iwa waaráhh, waawutmoó Misri iri gwaá'. Xoorór Israeli slahh'amuú úr guri sleér baraá lawaali'iimaro, tari /aa/amín. /Aa/eeín niri hardihiyé' amór Mungú.

TI'INAANGW 2:25

Mungú xoorór Israeli gana ár, nee adór i diri'iya' gari tsaáhh.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

DAHARUSMO 5:8

Ala ma waa/oo/amór wa araar baraakaá yaamuwo bara aán múk liitlakwén ku baramaanuus nee hariímar'ín kaa hayóh dir'ine. Umuú heé múk litlaakwén /aytiím, heé úr dír inose i deer, tam dír múk urene múk dir'ine uren i deer.

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

DABE 26:7

Aluuwo atén AAKOÓ MUNGÚ, Munguú baabi'iirén una i /aa/aán nee AAKOÓ MUNGÚ /aa/eerén giri axaás, nee slahh'amuudá' taa slawaán guri ár, nee gadiyeédaá gawdene, nee baramaanirene.

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»