TI'INAANGW 3:8 - Biblía Axweesantá Hhohho' ar Mungú 2004

⁸ Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 3:8 Iomraidhean Croise

IIMU/UUNGW 11:5

AAKOÓ MUNGÚ nay aweér baraá yaamu as gixsa nee tsitsini ngiwa ari, tidá' taa tleéhh nee muu.

IIMU/UUNGW 11:7

Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

IIMU/UUNGW 15:13

AAKOÓ MUNGÚ Abramu guri báy, «Xueek, xwaylarók ka /aytiis baraá yaamaá kooineeká, tari /eetuuse. Inooín kiri lawaale tleehh, kiri slahh'eemiis ar har afi qoomár kureeraá tsiire tsiyáhh.

IIMU/UUNGW 15:14

Ala xooroodá' inooín ta sagadiyuusi, aníng a sakwasleemuút. Daqaní inooín aluuwo daqaari'iimár yaariir ngarir ti'iitiyá'.

IIMU/UUNGW 18:21

daxta, án a aweér ngiwa ar tidá' i tlehhitiya', áx a harqoomoó /aa/eedá' naa amor'eé' hardihií'i. Nee bar adooriheeká, masók a xuú'.»

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

IIMU/UUNGW 46:4

Aníng an /eét dinkwa nee kuúng ay baraá yaamaá Misri. Aníng kuúng u malé tsa/aás ar xurewasle. Kuúng bara gwá', heé kuúng u amohhe'eés a Yosefu.»

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

1 QOM'I 1:15

nee xoorór Hifi, nee ar Arki nee ar Sini,

NEHEMIA 9:8

Kuri aán adór ir ganaá' dír geeraawoge, tari dirósí alqadiín xwaylarós kawa yaamaá múk Kana'ani i hanis, nee oo Hiti, nee oo Amori, múk Perisi, nee oo Yebusi, nee múk Girgashi. Al'axweesantók kari boo/és, asma kuúng tu inkihhím.

WARA'AMI 12:5

AAKOÓ MUNGÚ i kaahi, «Asma liitlakuuse kawa baraamaanusi nee narkuute iwa wa/aa/us, aníng daxta ni hardáh, aníng kudá' i harahhiifá' i amohhooárií haniís.»

WARA'AMI 12:6

Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

WARA'AMI 34:8

Áx araak, adór AAKOÓ MUNGÚ kur hhoó', heé amohhoó' a kudá' goów amór AAKOÓ MUNGÚ.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 12:51

Baalaarí an tidá' AAKOÓ MUNGÚ múk Israeli nguwa duúx baraá yaamaá Misrír wa ale ar bohhu.

TI'INAANGW 13:5

Bál barnaxés AAKOÓ MUNGÚ kuungá' naa hardahaás baraá yaamaá múk Kana'ani, nee awa Hiti, nee awa Amori, nee awa Hifi, nee awa Yebusi, ar adoodá' ngira al'axweés dír baabi'iihúng, yaamaá diihhooár ilwa nee dane ngiwa kuungá' i haniisi. Baalaarí niwa ti'ité' baraá lawaali'iimaro ka insleerá' umuúqo kurko.

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 34:11

Hara'ayaarí laarí ni kuúng babaw harmagahheek! Ga/aaweek aníng xoorór Amori nee ar Kana'ani, nee ar Hiti, nee ar Perisi, nee ar Hifi, nee ar Yebusi an geerahúng wa tlatlahhaás.

TI'INAANGW 5:23

Iimír wa'aá geeraawo niwa hardáh dír Farao, niwa axwees ar umuuwók, inós mukwí guna adoorí tlaákwií tleéhh, nee kuúng tam adór niina ar taa tléhh i káhh ar mukók kuwa tu/.»

ISAYA 36:17

ay dír aníng nay hardah nuri huúw ay baraá yaamaá adór koohúng kuká'. Yaamaá balaangw iwa hamdiiti nee difaáiro, yaamaá angaáno nee qamaá sabiíbu kiwa sleera'.›

ISAYA 64:1

«Ahaá gár kuúng doori ngis feehhiská niri yaamií awét, as tlom'i niwa daaraxiya' kuúng bura ariyé'.

YEREMIA 11:5

Múk Israeli bar adoorí ngaa tleéhh, aníng al'axweesantadá' naa baabi'ii'ín báw an boo/eés, tidá' niwa káh, «Yaamaá diihhooár ilwa nee dane i inooín i haniís adór hám laarí i dirii'iya! Aníng niri oó', ‹Masók an adoosíng, AAKOÓ MUNGÚ.› »

YEREMIA 2:7

Aníng kuungá' nuri huúw baraá yaamaá hhooa, as mamaá yaamuudá' kiwa /aga' nee tawa hota' ar diihhooa. Ala tawa hardaté' yaamuudá' ina hhitiindé', nee aalir'eé' kari slasla/aresé'.

YEREMIA 32:22

inooín kiri yaamuukií hanís, kuúng kiri diihhooár ilwa nee daneérí hanís, adoodá' aáng kara qaro alqadiín dír baabi'ii'ín.

ESEKIELI 20:6

Baldá' lo'o ngiwa /aáy ina báw, ‹Aníng kuungá' nu duúx yaamaá Misrír wa alé nee nuri geerahaár ay baraá yaamaá naa kuungá' i tsawaár, yaamaá ilwa nee dane, yaamaá ak hhoohhoo' ta yaamaá hatlá' sleémeero.›

TLAHHOÓ LAÁWI 20:24

Ala án kuungá' naa qaroó báw, yaamuusíng a aalirhúng, yaamaá diihhooár ilwa nee dane. Aníng an AAKOÓ MUNGÚ, Munguúhúng, kudá' kuungá' naa paraatl dír xoordaá hatlae.

AMOS 2:10

Aníng kuungá' nuna duúx baraá yaamaá Misrír wa ale, nuri geerahaár baraá xaanxaywo har qoomár kureeri mibeeri tsiyáhh, nuri dahaás baraá yaamaá múk Amori as kiwa ala'.

FAARO 13:18

Yaamuudá' ngi tsawtsawusá', axáy adór i dirii'iya'. Nee múk ayaadá' hoót ngu aandá', axáy i /uureemaá koná'a, laqaá ki daqe tlakw, axáy ki yaariíre laqaá ki niina.

FAARO 13:19

Axáy yaamuudá' i hootiya' i wahhaaría laqaá gaa kwankwaari, nee gixsadaá ni hootiya' kaa tleéhhi ar koo/ír gawit laqaá aasla'áy.

FAARO 13:27

Mose nguri bayé', «Aga hardáh amór yaamuudá' ti ya/áp, yaamuudá' a yaamaá diihhooár ilwa nee dane, nee gaarí an /aroó mamaá baraá yaamuudá'.

Yohana 3:13

Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

DABE 1:25

Niwa ki/iyé' mamaá baraá yaamuudá' ngiri huwiyé', nee kángw yaamuudá' nguri dirénií ooiyé' tawa kaahi, ‹Yaamuudá' AAKOÓ MUNGÚ, Munguúrén ni aténií haniisár wa slai, ki ló'wa hhoohhoo'.›

DABE 1:7

Hám daxta xafaay fee/aak, aaiwo geeray kumiitaak. Tlawsé', baraá yaamaá tlom'aá koomá' awa xoorór Amori, nee yaamuudaá inslaawaay, kudaá baraá yaamaá Araba, baraá tlom'iidá' nee baraá xatsoodaá amór Negebu, nee yaamuudaá afaá tlawi, ta tleerá' ay yaamaá Kana'ani, nee yaamaá Lebanoni ay yaaeedá' ur ar Eufrate.

DABE 27:3

Gawaá dandeemaá tlaa/eedae /aymi'i sleémeero awa dabeerí ki gooiindá' qoomár bara daté' baraá yaamuudá' diihhooár ilwa nee dane, kudá' AAKOÓ MUNGÚ, Munguú baabi'iihúng naa al'axweés.

DABE 28:11

AAKOÓ MUNGÚ kuúng u ló'wa tsuuq baraá xwaylaroge, nee baraá hikwahunge, nee baraá balangoge, nee baraá qamuwoge, baraá yaamuudá' inós aa lo'ór wa /aáy dír baabi'iiwók ngiwa dirógií haniisi.

DABE 6:3

Gawaá adoorihe, kuungá' múk Israeli, ilakaaharu tleehhaak, as diihhooa kawa sleera' nee tawa ló'wa doogiinda' baraá yaamuudaá diihhooár ilwa nee dane, adoodá' AAKOÓ MUNGÚ, Munguú baabi'iihúng ngira al'axweés.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.

YOSHUA 9:1

Baalír xoorór Israeli kawa axaás, waawitá sleémeero oo yaaér Yordaniro gayuú /uwí dirií', nee oo yaamaá gongoama', nee oo baraá xatsoowo, nee kuduú afaá tlawtá Mediteraneárí tseewá' amór yaamaá Lebanoni, oo múk Hiti, nee oo múk Amori nee oo Kana'ani, nee oo Perisi, nee oo Hifi nee oo Yebusiro,

YOSHUA 9:7

Aluuwo múk Israeli iri oó' dír múk Hifi, «Atén nee kuungá' gár al'axwesantá wayda kas alkaahaan a milá? Hám wané kuungá' tundu yaameerí tseéw.»