TI'INAANGW 3:7 - Biblía Axweesantá Hhohho' ar Mungú 2004

⁷ AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

TI'INAANGW 3:7 Iomraidhean Croise

IIMU/UUNGW 16:11

Malaykamoó AAKOÓ MUNGÚ gari báy, «Ga/aaweek, kiíng a tsiiháy, na/oó garma u xwayluúr, umuuwós kway beer Ishmaeli. asma AAKOÓ MUNGÚ /aa/aá baramaanirók gaa axaás.

IIMU/UUNGW 18:21

daxta, án a aweér ngiwa ar tidá' i tlehhitiya', áx a harqoomoó /aa/eedá' naa amor'eé' hardihií'i. Nee bar adooriheeká, masók a xuú'.»

IIMU/UUNGW 21:17

Mungú afór garma gari axaás, nee malaykamoó Mungú Hagari gari gawaá doorí wa ateét, gari báy, «Gár kiíng i daawitimiis a milá? Hagári, ma da'ayumiitaar, asma Mungú afór garma gaa axaás didií dirii'i.

IIMU/UUNGW 29:32

Lea iri tsít, iri xwayluúr na/oó garma, guri beér Reubeni, iwa kat, «Asma AAKOÓ MUNGÚ slahh'amaayer'eé' gaa ár, dooqa daxta hhawaatuueé' i slaa'.»

IIMU/UUNGW 31:12

Inós aníng iri báy, ‹Qaytsiít, gurtaawerqá' sleémeero ar baraá sluma ar aaraá ga/aw, ar biifayen nee ar meehhaya tlaanqwayen, gaarí sleémeero a asma tidá' Labani ni dirók i tlehhiiti ana ár.

IIMU/UUNGW 31:42

Geera bar Munguú baabuúeé', Munguú Abrahamu, Kudá' Isaka i da'ayumiiti, bir barte'eeneeká, geera án kuúng iga gús ar dabaá kaaharen. Ala Mungú slahh'amaayer'eé' nee gadiyér dabaaeé' gaa ár. An gár kuúng Mungú usa iigahhaát xweeraá laarí ni dahhaana.»

2 SAMUELI 22:28

Kuúng kudaádá' tsaen i ba/amís, ala kudaá daara/uuse in íltií tlamá/, kiri /arara'ás.

2 WAAWITÁ 13:4

Yehoahasi AAKOÓ MUNGÚ guri harhheehhe'eés, AAKOÓ MUNGÚ adoodá' múk Israeli kura slahh'eemiís nee waawutmoó Aramu ngiwa ár, firor'ín gari iiaárí qaás.

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

NEHEMIA 9:9

«Slahh'ámuú baabi'iirén una aán qoomár iwa baraá yaamaá Misrírí dirii'iya' nee alee/isaywók nguwa firiné' dír afaá tlawtá Shamuwo, kuúng ina iiárií qás.

WARA'AMI 106:44

Ala tam adoorihe Mungú slahh'amuuín guna gaárí xuú', qoomár /aa/eeín ngiwa axaás,

WARA'AMI 12:6

Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

WARA'AMI 142:3

Qoomár diqyaá ya'aaeé' birna tsatiitiyé', adór án ni laaq inós ga xuu'. Baraá loohidaádá' án niwa hi'iimiita, tlakuuse án iga tsaaxweelír i qás gari lú/.

WARA'AMI 145:19

Kudaádá' ngu ilaiwawa/á' gi qáy tidaádá' i slaiia, /aa/eeín gi axaas giri ba/amiis.

WARA'AMI 22:24

Asma inós slahh'amaayér liitlakusmo gaa waaqaiiká, nee gu mayká i qaytaro. Ala qoomár burungu i /aa/amín gun mu/aywaats.

WARA'AMI 34:4

AAKOÓ MUNGÚ una firiím iri mu/aywaáts, daer'eé' sleémeero gari hingeés.

WARA'AMI 34:6

Liitlakusmoowí AAKOÓ MUNGÚ guna i /aá/, AAKO iri axaás, guri ba/amís baraá slahh'amaayeerós sleémeero.

WARA'AMI 35:22

Ala kuúng tí aga aán! Ma xasliitaar! AAKOÓ MUNGÚ, ma saweesaar dir'eene!

WARA'AMI 9:14

Asma xirfuuwók sleémeero nguwa alki/iit, dír afér gixsár Yerusalemuwo. Ba/amarók an sa qwalaalaá/.

TI'INAANGW 1:11

Gawaá adoorihe inooín múk Israeli kuri sagesihhtuuseérí qaás as kiwa slahh'eemisi nee kiwa /uurutimiisi baraá gadiyér tawa bihhií noongo'ootiiká. Inooín Farao nguri gixsadaá Pitomu nee Ramesesírí tleehhiyé' awa ta murií babaatsi.

TI'INAANGW 1:8

Aluuwo waawutmoó /abén kuri qaás yaamaá Misriro oo Yosefu gu xuaaká.

TI'INAANGW 22:23

Barnaxes mukwí ugwa slahh'eemís, inooín niri amor'eé' /aa/iyé', looeemaawo án /aa/eeín i axaás.

TI'INAANGW 33:13

Na'ás aníng kuúng u firiím, barnaxes iga qo tsuwa gurií bá/, lohuuwók dir'eé' laqaamang as kahhó' aníng ngiwa tsaahh adór aníng ira gurií bá/. Ka insleér sleeme adór xoororí tar tók.»

TI'INAANGW 5:10

Mukduú sagesihhtuuse nee Ga/aawuusér muko tari tláy amór múk Israeli, kiri báy, «Waawutmo Farao ina oó', ‹Aníng kuungá' nu gitsoórí haniisaaká.

TI'INAANGW 5:6

Baalaadár kilae Farao hara'aya gari oó' dír mukduú sagesihhtuusér muu, nee dír ga/aawuuseero, giri báy,

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

FAARO 20:16

AAKOÓ MUNGÚ atén kuri i /aa/amimaán, inós /aa/eerén giri axaás, malaykamoowós nguri ya/aáw as tiwa duuxi baraá yaamaá Misrír wa ale. Ala hamí daxta a diirír Kadeshír i diriaán, gixsár dír digmuú yaamuuwógí dirii'.

Tlehhema'aá ya/Abuuse 7:34

Aníng slahha'amaayér muk'eé' aga ár, kudá' baraá Misrír i dirií'. /Aa/eeín iga axaás, aníng nina aweér as ngiwa ba/amis. Gawaá adoorihe, qwaláng, aníng kuúng u ya/aáw ay yaamaá Misri.›

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»