TI'INAANGW 3:4 - Biblía Axweesantá Hhohho' ar Mungú 2004

⁴ Qoomár AAKOÓ MUNGÚ ngiwa ár Mose i amór kitikiintidá' i tseewuwúy, Mungú guri ateét baraá tla/ángw kitikiintidá' wa alé, i kaahi, «Móse, Móse!» Mose iri oó', «Aníng a diirí.»

TI'INAANGW 3:4 Iomraidhean Croise

IIMU/UUNGW 22:1

Nee alaá muruuwí sleémeero Munguú Abrahamu guri iiár, guri báy, «Aá Abrahamu». Abrahamu iri oó', «Aníng a diirí.»

IIMU/UUNGW 22:11

Ala malaykamoó AAKOÓ MUNGÚ iri gawaá doorí wa ateét, iri oó', «Abrahámu! Abrahámu!» Abrahamu iri oó', «Aníng a diirí.»

IIMU/UUNGW 28:16

Yakobo iri tláy baraá gu'uteero, iri oó', «Ar ló', AAKOÓ MUNGÚ i diirí dirii', aníng aga xuiiká.»

IIMU/UUNGW 46:2

Mungú iri axweés nee Israeli ar baraá iigu'utu qoomár xweera, guri báy, «Yakóbo, Yakóbo.» Inós iri oó', «Aníng a diirí.»

WARA'AMI 62:11

Wa'aá wake Mungú ina axweés, ki/imaá tsare tí ana axamiís, adór /uuru tar oo Mungú.

TI'INAANGW 19:3

Mose iri tsa/án gawaá tlooma amór Mungú. Gawaá tloomaro AAKOÓ MUNGÚ Mose guri ateét, guri báy, «Xwaylár Yakobo, inooínadaá múk Israeli ki beer,

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

TI'INAANGW 33:12

Mose AAKOÓ MUNGÚ guri báy, «Ga/aaweek, kuúng aníng ina beér, ‹Mukwí ar tlaweek.› Ala heé nee aníng ti alkoomá' ngwa o'oká. Tam adoorihe ina beér, ‹Aníng kuúng u xuú' nee ugwa gurií baá/.›

TI'INAANGW 4:5

AAKOÓ MUNGÚ Mose guri báy, «Daqaní inooín i haratlintii'iyá' adór AAKOÓ MUNGÚ, Munguú baabi'ii'ín tira dirógí laqán, Munguú Abrahamu, Munguú Isaka nee Munguú Yakobo.»

TLAHHOÓ LAÁWI 1:1

AAKOÓ MUNGÚ Mose guna ateét, iri amór Mose axweés baraá heémár Mungú wa ale, guri báy,

Tlehhema'aá ya/Abuuse 10:13

Afo gari axaás i kat, «Pétro, tláw, makaysíng tsu/eek, /ayeek.»

Tlehhema'aá ya/Abuuse 10:3

Looarka wake qoomár looár gwaleél ar tlaatla/aangw iigu'utu guna ár. Malaykamoó Mungú guna i daqáy, guri báy, «Kornelío.»

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

DABE 33:16

Yaamuuwós tsuuqaá yaariire i hatsiye', ki tsuuqi ar tsuuqaá AAKOÓ MUNGÚ, kudá' taa geehhoees ar baraá kitkiintidá' asltá wa oh. Tsuuqaaká' sleémeero i hardihiye' dír múk Yosefu, inósuuduú geeraharusmoó hhaeewós.

1 SAMUELI 3:10

Aluuwo Aakoó Mungú nay hardáh, iri sihhiít, iri ateét adór geeraá wa alé «Samuéli! Samuéli!» Samueli iri oó', «Ilawatsáng Aáko, asma sagadiyusmoowók i axmiis.»

1 SAMUELI 3:4

AAKOÓ MUNGÚ Samueli guri ateét, iri oó', «Samuéli, Samuéli» Samueli iri ooín, «Án areeng.»

1 SAMUELI 3:6

AAKOÓ MUNGÚ guri sagaáwa tsár wa ateét, «Samuéli!» Samueli iri tláy amór Eli, iri oó', «Aníng areeng, asma ina atét.» Guri mu/aywaáts, «Ugwa ateetiiká, garmaaeé', qati ki/eek male ale.»

1 SAMUELI 3:8

AAKOÓ MUNGÚ Samueli guri ateét sagaáwa tame. Inós iri tláy amór Eli iri oó', «Aníng areeng, asma kuúng nina atét.» Eli gari tsaáhh adór AAKOÓ MUNGÚ garmaadá' ngura ateét.