TI'INAANGW 3:21 - Biblía Axweesantá Hhohho' ar Mungú 2004

²¹ «Aníng mukwí oo Misri un gur'e wananaeés as kahhó' qoomár bar tlatleerá' tawa dabaá kaaharen ar tleera'aaká.

TI'INAANGW 3:21 Iomraidhean Croise

IIMU/UUNGW 15:14

Ala xooroodá' inooín ta sagadiyuusi, aníng a sakwasleemuút. Daqaní inooín aluuwo daqaari'iimár yaariir ngarir ti'iitiyá'.

IIMU/UUNGW 39:21

Ala tam baraá doó tseegmuuwo AAKOÓ MUNGÚ i dinkwa nee Yosefu, AAKOÓ MUNGÚ Yosefu guri tsuúq, tam geeraharusmooduú doó tsegma guri gurií baá/.

1 WAAWITÁ 8:50

Mukók gurtlaweek tlakweemaá naa tleehhi'i, nee dee/anuuine, gurtlaweek geeraá wakuuser'ine, kahhó' inooín sleeme ngi gurtlayá'.

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

WARA'AMI 105:37

Aakoó Mungú múk Israeli guri geerahaár tawa ti'iiti baraá yaamudae, nay tlayé', i peésár koná' nee sahaábu, sleémeero ki slaqo hho', i /uuruú koná'.

WARA'AMI 106:46

Kudá' sleémeero inooín ngaa oohine' haasaáng wa ale, ngiri gurtlayé'.

TI'INAANGW 11:2

Kuúng múk Israeli i axweeseek, umuú hhawaatuuwo nee umuú /ameeniro inslawmoowós ngu firin xoslaá peésa nee awa sahaábuwo.»

TI'INAANGW 11:3

AAKOÓ MUNGÚ múk Misri guri gur'e wananaeés as múk Israeli nguwa gurií ba/iya'. Slám Mose iri ló'wa iia tleerúy baraá yaamaá Misriro dír geeraharuuse nee dír muko.

TI'INAANGW 12:35

Adoodá' Mose nga báy ngiri tleehhiyé', múk Misri nguri firiné' xooslaá muqslír peésaaro nee ar sahaábuwo nee tlabaawo.

TI'INAANGW 12:36

AAKOÓ MUNGÚ múk Misri guri gur'e wananaeés as kahhó' múk Israeli kuwa gurií ba/i, nee umuúqo gár múk Israeli aa firini kari haniís, xooslaá yaariir awa múk Misri kiri ar tláy.

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.

DABE 15:13

qoomár kuúng bura gwét, miwa dákw kaahaár ar tláy.