TI'INAANGW 3:18 - Biblía Axweesantá Hhohho' ar Mungú 2004

¹⁸ «Inooín afoorók ngi axaasiyá', kuúng nee bariisér Israeli ta amór waawutmoó Misri keerá', ku beera', ‹AAKOÓ MUNGÚ, Munguú múk Ebrania, nee atén tina doogaán. Daxta u firiimaán, ya/aám haniisang tawa tlawaan deelo tám baraá xaanxaay, as ilahhooár muruú ta tsu/i kawa hanisaan dír AAKOÓ MUNGÚ Munguúrén.›

TI'INAANGW 3:18 Iomraidhean Croise

IIMU/UUNGW 12:1

AAKOÓ MUNGÚ Abramu guri báy, «Ti'iít, kuúng, baraá yaamuuwoge nee baraá mar'eefowoge nee doó baabuúwoge, tláw ay baraá yaamaá án ni kuúngií laqaam.

IIMU/UUNGW 14:13

Heeko wák ina kotsqoót, iri tláy, kaangw guri ooár áy dír Abramu, heé Ebrania. Inós aa iwiít dír ta/eewír heé ta bay Mamre, heedaáduú Amori, hhiyoó Eshkoli, nee hhiyoó Aneri. Kuká' nee Abramu tina axweesani slayé'.

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 48:3

Yakobo Yosefu guri báy, «Munguú duú Aleesleemusmo ina i ti'iít baraá Lusu, ar baraá yaamaá Kana'ani, iri tsuúq.

2 QOM'I 30:12

/Uuruú Mungú gadiyeé gana tleéhh baraá munér múk Yudawo, inooín nay iialooeesiyé', hara'ayár waawutmo nee geeraharuuser'ine ngay eehariyé' adoodá' AAKOÓ MUNGÚ ngira oó'.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

TI'INAANGW 17:5

AAKOÓ MUNGÚ Mose guri báy, «Kuúng nee bariisér Israeliro geeraá muksíng i waarahhaak, hhartók tidá' yaaér Nili kara sláhh, masók a koón dakoge.

TI'INAANGW 19:1

Slahhángw tám iwa iimu/ún iimír xoorór Israeli iwa ti'ít baraá yaamaá Misriír wa ale, tana hardáh baraá xaanxoó Sinai.

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

TI'INAANGW 3:16

Tláw, bariisér Israeli dinkwár i burumbureek, ki beer: AAKOÓ Mungú, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng ina harati'iít iri báy, ‹Inooín ádbaweek adór ngira i hardáh nee slahh'amuudá' taa sláy baraá yaamaá Misriro ugwa ár.›

TI'INAANGW 30:36

Daqaní ku bahh xósl ay dír i natsatsauuti, kuri bahh qás dír geeraá sandakmooduú alqado baraá heémaadá' aníng nee kuúng ti dogagitaan. Daqaní mooyangwsíng dirhunge kwa ló'wa hhoohhooeés.

TI'INAANGW 30:6

Kitaanguú ilahhooa ku qás daanduú tsee/a oo inqwaaridá' do' gwaa tla/a qasis, bihhaá sandakmoó alqado, geeraá kitángw gurtleemu kuduú gawaá sandakmoó alqado, didá' án nee kuúng tay dogitaan.

TI'INAANGW 4:1

Mose guri mu/aywaáts, iri oó', «Ala qaytsiít, inooín aníng i haratlinti'iaaká, laqaá afor'eé' ngi iiárií qaasiaaká, asma tan ooi, ‹AAKOÓ MUNGÚ taa dirógí geehooeesiiká.› »

TI'INAANGW 4:23

Aníng kuúng un báw, garmaaeé' geemaweek as án iwa sluufmisuú ay. Barnaxes kuúng aga sí' kuwa geemeer, qaytsiít, aníng garmaawók oo baris u gaás.› »

TI'INAANGW 4:24

Qoomár tawa loohír i dirii'i dír qata, AAKOÓ MUNGÚ nee inós tiri doogiyé', guri gaasár wa slaá'.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

TI'INAANGW 5:1

Aluudae Mose nee Aroni tari amór waawutmo Farao káy, kuri báy, «AAKOÓ MUNGÚ, Munguú Israeli, i kaahi, ‹Muk'eé' geemaweek, deelór ur ngi baraá xaanxáy wa tleehhiye' as aníng.› »

TI'INAANGW 5:3

Inooín nguri bayé', «Munguú Israeli tina dirén i geehhooeés. Atén ti geemeer tawa aa'aá kawaan baraá xaanxaay deelo tame, as ilahhooár murú ta tsu/i ngiwa haniisár awaan dír AAKOÓ MUNGÚ Munguúrén. Bar adooriheeká inós atén tin tsuu/ ar tiqtír pu/i, laqaá ar slaqwara.»

TI'INAANGW 7:16

Inós ku beer, AAKOÓ MUNGÚ, Munguú múk Ebrania, aníng iga amoorók i ya/aáw i kaahi, ‹Muk'eé' geemaaweek, inooín aníng i sluufmisuú aye' baraá xaanxaay. Ala ga/aaweek, kuúng tam ay hamí aga iialooeská.›

TI'INAANGW 8:1

Aluuwo AAKOÓ MUNGÚ Mose guri báy, «Tláw amór Farao ku beer, AAKOÓ MUNGÚ i kaahi, ‹Muk'eé' geemaweek as aníng iwa sluufmisuú aya'.

TI'INAANGW 8:20

Aluuwo AAKOÓ MUNGÚ Mose guri báy, «Matlo matlaatlér boo/e tseewa tláw ta hardát dír Farao qoomár inós bir baraá yaaér káy, nee ku beer, AAKOÓ MUNGÚ i kaahi, ‹Muk'eé' geemaweek, i tlay án iwa sluufmisuú aya'!

TI'INAANGW 8:23

Aníng muk'eé' u paraátl dír mukoge. Layaarí i geehhoouur a matlo.› »

TI'INAANGW 9:1

AAKOÓ MUNGÚ Mose guri báy, «Tláw amór Farao, ku beer, AAKOÓ MUNGÚ, Munguú Ebrania, i kaahi, ‹Muk'eé' geemaweek i tlay as aníng iwa sluufmisuú aya'.

TI'INAANGW 9:13

AAKOÓ MUNGÚ Mose guri báy, «Matlaatlér boo/e tseewa ti'iít amór Farao, ku beer, AAKOÓ MUNGÚ, Munguú múk Ebrania, i kaahi, ‹Muk'eé' geemaweek iwa tlay as aníng iwa sluufmisuú aya'.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

YEREMIA 26:5

nee axweesanoó sagadiyuuser'eé' tidár aaruuse bura axasé', tidá' naa amorhúngí ya/ababiít umuú daqto, tam handá' iga iiárií qasi'iikahe,

FAARO 17:4

Hhadoodá' ki qás baraá heémár Mungú dír geeraá sandakmoó alqado, didá' aníng nee kuúng tay dogaagitaan.

YOSHUA 1:17

Adoodá' atén Mose kura iialooeesaán an adoodá' kuúng sleeme ur iiaalooeesaan. Nee AAKOÓ MUNGÚ, Munguúwók masók a dinkwa nee kuúng, adoodá' ira dinku'uús nee Mose.