TI'INAANGW 3:16 - Biblía Axweesantá Hhohho' ar Mungú 2004

¹⁶ Tláw, bariisér Israeli dinkwár i burumbureek, ki beer: AAKOÓ Mungú, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng ina harati'iít iri báy, ‹Inooín ádbaweek adór ngira i hardáh nee slahh'amuudá' taa sláy baraá yaamaá Misriro ugwa ár.›

TI'INAANGW 3:16 Iomraidhean Croise

IIMU/UUNGW 1:7

Adoodá' iri tleehharút. Mungú kaandaftadá' gari tleéhh, ma'aay giri paraátl, kuqá' gawaá daanduú kaandafi, kuqá' baraá guruú kaandafi.

IIMU/UUNGW 21:1

AAKOÓ MUNGÚ Sara gari insláy, nee adoodá' aa dirós i oó', gari tleéhh.

IIMU/UUNGW 28:13

Nee ga/aaweek, AAKOÓ MUNGÚ aa sihhiít gawaá tsa/a/amtoodaádí alé. Yakobo guri báy, «Aníng an AAKOÓ MUNGÚ, Munguú Abrahamu baabuúwók, nee Munguú Isaka. Yaamusíng taa i qát án ngi kuúng i haniís nee xwaylarók.

IIMU/UUNGW 48:15

Yosefu guri tsuúq, guri báy, «Munguú duú baabi'iieé' Abrahamu nee Isaka naa eehariyé', Munguúdá' aníng iga geeraharahaar slafingw'eé' sleémeero ay laarí,

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

WARA'AMI 102:21

Umuú AAKOÓ MUNGÚ ku alki/iiti baraá Siyoniro. Xirfuuwós ku alki/iiti Yerusalemuwo,

WARA'AMI 33:18

Ga/aaweek, iltá AAKOÓ MUNGÚ i dír kudá' ngu ilaiwawa/á', kudá' sla'aarirós ar warqawaaká ngi harahhifá',

WARA'AMI 8:4

hee a gár milá kuwa inslasleer, laqaá na/oó hee a gár milá kuwa sadaawimit?

TI'INAANGW 1:8

Aluuwo waawutmoó /abén kuri qaás yaamaá Misriro oo Yosefu gu xuaaká.

TI'INAANGW 13:19

Mose fadaá Yosefu giri huúw sleeme, adoodá' Yosefu ngira alqadín qoomár iwa slafi, asma ina oó', «Mungú kuungá' nu qo tu/tá áy, ala faduueé' ar ti'iitaak.»

TI'INAANGW 15:14

Xoordu ngiwa axaasiyé' inooín niri daaraxiyé'. Kudá' baraá yaamaá Filistír wa hootá' naa daandeemo feehhamiitiyé'.

TI'INAANGW 17:5

AAKOÓ MUNGÚ Mose guri báy, «Kuúng nee bariisér Israeliro geeraá muksíng i waarahhaak, hhartók tidá' yaaér Nili kara sláhh, masók a koón dakoge.

TI'INAANGW 18:12

Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

TI'INAANGW 2:25

Mungú xoorór Israeli gana ár, nee adór i diri'iya' gari tsaáhh.

TI'INAANGW 24:11

Ala geeraharuuseedár Israeli Mungú gár nga /iís i káhh, inooín Mungú nguri ariyé', niri /ayiné', nee niri wahané'.

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

TI'INAANGW 4:1

Mose guri mu/aywaáts, iri oó', «Ala qaytsiít, inooín aníng i haratlinti'iaaká, laqaá afor'eé' ngi iiárií qaasiaaká, asma tan ooi, ‹AAKOÓ MUNGÚ taa dirógí geehooeesiiká.› »

TI'INAANGW 4:29

Aluuwo Mose nee Aroni tari tláy, bariisér Israeli sleémeero kari burumbuúr.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

TI'INAANGW 4:5

AAKOÓ MUNGÚ Mose guri báy, «Daqaní inooín i haratlintii'iyá' adór AAKOÓ MUNGÚ, Munguú baabi'ii'ín tira dirógí laqán, Munguú Abrahamu, Munguú Isaka nee Munguú Yakobo.»

Matayo 26:3

Qoomaadae kaahamuusér uren ar Mungú nee bariisér muu tari burumburiít baraá afeenír doó kaahamusmoó Mungú, kudá' umuuwós ta bay Kayafa.

Luka 1:68

«Aakoó Munguú Israeli i xirfuuti, asma aa dír mukósií hardáh nguwa gweeri.

Luka 19:44

tiri yaamií daahh, kiíng nee mukók, tam tlaa/anoó gawaá kuqí meét i kaahh oo ta fee/iiká. Asma siiwadá' Mungú iwa i hardáh aga tsahhiká.»

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 15:14

Simeon ngaa alki/iít dirén i alé adór Mungú iimír iimu/uungo múk xoordu ngura sa daawimiít, as mukko nguwa tsawaár baraá tla/angw'ine as tawa mukós.

Tlehhema'aá ya/Abuuse 20:17

Dír Miletoro Paulo muu guri ya/aáw ay Efeso as geeraharuusér kríshaanáy kawa ateeti.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 5:1

Kuungá' bariíse, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam aníng a dinku'uús baraá xirfuudá' tindi geehhooeesi.

RUTI 1:6

Naomi iwa baraá Moabu, gana axás adór AAKOÓ MUNGÚ mukós oo baraá Yuda ngura qeemuú bu'úngw hhó' i haniís. Tiri amohhe'és iwa tleer yaamaá Moabú wa alé dinkwa nee tlaawoó daaqaywós.