TI'INAANGW 3:15 - Biblía Axweesantá Hhohho' ar Mungú 2004

¹⁵ Mungú Mose guri malé báy, «Múk Israeli gár ku beer a tí: AAKOÓ MUNGÚ, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng iga amorhúng i ya/aáw. Umuuwós an kwí ay alhhe'eesay wasle, nee adoorí an adór tir inslaslay baraá qari sleémeero.

TI'INAANGW 3:15 Iomraidhean Croise

IIMU/UUNGW 24:12

Inós iri firín, «AAKOÓ MUNGÚ, Munguú aakooeé' Abrahamu, án kuúng u firiím laarí, alee/iisáng, nee aakooeé' Abrahamu hhooeemií tleehheek.

1 QOM'I 16:16

Alqadoodá' aa oó' dír Abrahamu, nee al'axweesantós tidá' aa lo'ór wa /aáy dír Isaka,

1 QOM'I 29:18

AAKOÓ MUNGÚ, Munguú baabi'iirén, Abrahamu nee Isaka nee Yakobo, adoorí mukók aa tleéhh tsuuqeek, nee munér inkihhimuú koom i kumaamit, nee munér mukók amoorók xu'usek.

2 QOM'I 28:9

Alaá deelór niinawe heeko wák ta bay Obedi aarusmo AAKOÓ MUNGÚ kudá' Samariár hoót ina ti'iít, slaqwaruusér Israeli gana al'áy dinkwa nee muruudá' naa haasaáng wa huwi'i oo múk Yuda nee muko qoomár niwa tseewúy Samaria, giri báy, «AAKOÓ MUNGÚ, Munguú baabi'iihúng, múk Yuda guna i buúhh, an gár kuungá' kusa balé', ala gaarí amór i dahh a amór Mungú.

WARA'AMI 102:12

Ala kuúng AAKOÓ MUNGÚ, kuúng an waawutmo kureeri sleémeero. Umuuwók kun inslasláy umuúqo qarto.

WARA'AMI 102:13

Kuúng an sihhít gixsár Siyoni kay gurtleér. Asma qoomár gurtleemuwós aa xeér. Eeít, qoomaadá' taa ó' an tí.

WARA'AMI 135:13

AAKOÓ MUNGÚ, umuuwók i alhhe'eesoó konká. AAKOÓ MUNGÚ, kuúng tu alki/aa/iit nee qari sleémeero.

WARA'AMI 30:4

AAKOÓ MUNGÚ i daa'aak, kuungá' mukós kudá' inkihhím, umuuwós oo hhoohhoó' diidi'iimisaak.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

WARA'AMI 68:5

Mungú baraá do'ós kudá' hhoohhooe an baabuú panaay nee har'ohusmoó kwaeeli.

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

TI'INAANGW 15:3

AAKOÓ MUNGÚ an migusmoó slaqwara, umuuwós an AAKOÓ MUNGÚ.

TI'INAANGW 3:13

Mose Mungú guri báy, «Qaytsiít, aníng bara hardáh dír múk Israeliwo, nguwa baw, ‹Munguú baabi'iihúng aníng ina ya/aáw amorhúng,› inooín aníng bira yaahasiyé', ‹Umuuwós a heemá?› aníng mi báw?»

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

TI'INAANGW 4:1

Mose guri mu/aywaáts, iri oó', «Ala qaytsiít, inooín aníng i haratlinti'iaaká, laqaá afor'eé' ngi iiárií qaasiaaká, asma tan ooi, ‹AAKOÓ MUNGÚ taa dirógí geehooeesiiká.› »

TI'INAANGW 4:5

AAKOÓ MUNGÚ Mose guri báy, «Daqaní inooín i haratlintii'iyá' adór AAKOÓ MUNGÚ, Munguú baabi'ii'ín tira dirógí laqán, Munguú Abrahamu, Munguú Isaka nee Munguú Yakobo.»

TI'INAANGW 6:2

Naagáy Mungú Mose guri báy, «Aníng a AAKOÓ MUNGÚ.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

ISAYA 63:12

Inós handá' ar /uuruuwose tlehhma'aá waa/oo/amo gina tleéhh ar dákw Mose. Kudá' tlawi gaa dír geeraaín wa tla/a tsaat as tiwa umuú alhhe'eesay wásl i slay.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 33:2

AAKOÓ MUNGÚ kudá' yaamu gaa tleehh, nee kudá' iihhafirír yaamu ga kumiitiís, kudá' umuuwós ta bay AAKOÓ MUNGÚ, inós aníng iri báy,

DANIELI 2:23

Aá Munguú baabi'iieé', án kuúng un xirfayeemiís nee un diidi'iimiís, kuúngudá' án iga sagalooár i hanis nee aleesleemu. Nee hamí gadaádá' uwa yaahasaán ngaa dir'eénií xu'utís, asma gadaádár waawutmo ngaa aténí xu'utís.»

HOSEA 12:5

Eeít, AAKOÓ MUNGÚ, MUNGÚ Aleesleemusmo, AAKOÓ MUNGÚ an umuuwós.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

TLAHHOÓ LAÁWI 24:11

Looarka wake garmaadá' aayorós ta bay Shelemoti, dasír Diberi, ar tlahhoó Dani, umuú Mungú guna /ooslín, nee guri lu'ús. Naagáy muu masoomoodá' guri huúw dír Mose.

MIKA 4:5

Asma xoordu sleémeero nin hootiyá' nee umuú xoorooro ar baraá umér mungu'ii'ín. Ala atén an hootaán ar baraá umuú AAKOÓ MUNGÚ, Munguúrén, ay kureeraá kureér.

MALAKI 3:6

AAKOÓ MUNGÚ Aleesleemusmo i kaahi, «Aníng a AAKOÓ MUNGÚ, kudá' warqaaqawaaká, an gár kuungá', xwaylár Yakobo, tundusa qwaareesiiká.

Matayo 22:32

‹Aníng a Munguú Abrahamu nee Munguú Isaka nee Mungú Yakobo.› Mungú a Mungú tu'uuwooká, ala a Mungú múk slaáf.»

Tlehhema'aá ya/Abuuse 3:13

Munguú Abrahamu nee oo Isaka nee oo Yakobo, Mungú baabi'iirén, sagadiyusmoowós Yesu guna xirfayeés, ala kuungá' sagadiyusmoowí kuri saki/é', kuri geeraá Pilató wa sié', qoomár Pilato iwa inós gweerár wa slai.

Tlehhema'aá ya/Abuuse 7:32

‹Aníng a Munguú baabi'iiwók, Munguú Abrahamu nee oo Isaka nee oo Yakobo.› Mose iri daaraxaát, iri naá/ tam qaytaro.

DABE 1:11

AAKOÓ MUNGÚ, Munguú baabi'iihúng kuungá' nu ló'wa tlahhasi ay sagáwa kumér yaariir, adoorí hám tay diria' ba/a, nee nu tsuuqi adoodá' aáng ngira al'axweés.

DABE 1:35

‹Hee tumu wák baraá qartahunge oo hardáh baraá yaamuudá' naa al'axweés dír baabi'iihúng i kaahh.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

Ebrania 13:8

Yesu Kristo an kuduú kilá', isá/ nee laarí tam ay alhhe'eesay wasle.