TI'INAANGW 3:12 - Biblía Axweesantá Hhohho' ar Mungú 2004

¹² Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

TI'INAANGW 3:12 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 15:8

Abramu iri oó', «Aá Aakoó MUNGÚ, adór án ngir tsaahh a adoomá adór yaamuuká' ngir aál?»

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

IIMU/UUNGW 31:3

An qoomár AAKOÓ MUNGUÚ Yakobo nguwa báy, «Kií/ baraá yaamaá taati'iiwók nee mukók, án nee kuúng a dinkwa.»

2 WAAWITÁ 19:29

Aluuwo Isaya waawutmo Hesekia guri báy, «Gaarí an laya diroge, kurkí nee kurkuquú hatlae kuúng balángw ta /ak a kudá' aa kilós ti'iit. Ala bál kurkú tame balaangw un dahasá' nee kuri fiqá', nee sabiíbu kuri dahasá' mamuuwós kiri /agá'.

1 QOM'I 9:20

Finehasi garmoó Eleasari aáng a geeraharusmooín. AAKOÓ MUNGÚ nee inós a dinkwa.

WARA'AMI 86:17

Aníng layár hhooeemaawógií laqaamáng, kudá' aníng i ahhiitá' layaarí ngi ariye' nee ki mureekeesi. Asma AAKOÓ MUNGÚ, aníng kuúng iga alee/ís nee iga gurkwa/ás.

TI'INAANGW 18:5

Yetro, taatawuú harér Mose, nee dasiirose nee haywaá hatose, Mose nguri baraá xaanxáy ayé', inós xaftós gaa tleéhh dír tloomár Mungú.

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

TI'INAANGW 3:13

Mose Mungú guri báy, «Qaytsiít, aníng bara hardáh dír múk Israeliwo, nguwa baw, ‹Munguú baabi'iihúng aníng ina ya/aáw amorhúng,› inooín aníng bira yaahasiyé', ‹Umuuwós a heemá?› aníng mi báw?»

TI'INAANGW 33:14

Mungú iri oó', «Anínguú kilá' ti koomaán nee kuúng, aníng kuungá' u amohhooár i haniís.»

TI'INAANGW 4:12

Daxta tláw, aníng kuúng u alee/iís gár ta oa, nee aníng gár kuúng ta o' ngi oó'.»

TI'INAANGW 4:15

Kuúng tari axwés nee inós, nee /aymi'iiká' kiri qás baraá afkós. Aníng a dinkwa nee afkók, nee afkose, aníng kuungá' nu intsaahhatís ar ta tlehha'a.

TI'INAANGW 8:27

Gár hariím aqo atén an aa'aá kawaán deelo tame baraá xaanxaay, as ilahhooár muruú ta tsu/i ngiwa haniisár awaan dír AAKOÓ MUNGÚ, Munguúrén ar adoodá' atén taa báy.»

ISAYA 37:30

«Hesekía, layár kuúng ta aan a tí, kurkí gár ta /aga' a kwaláydá' naa ti'iit baraá qaymór wá ale, kurko sleeme aqo adoorí. Kurku tame ta dahasiín nee ku fiiqít, sabiíbu ku dahasá' nee mamuuwós ki /agá'.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

FAARO 16:28

Qoomaarihe Mose giri báy, «Adoorí an adoodá' kuungá' AAKOÓ MUNGÚ kur tsahha' adór aníng ira ya/aáw, aníng tí aga sagw'ér tleehhár awiiká.

FAARO 23:21

Mungú tlakweema dír múk Yakobowo gaa ariiká, tam tlií/ gaa ariiká dír múk Israeliwo. AAKOÓ MUNGÚ, Munguúín i dinkwa nee inooín. Inós baraá tla/angw'ine kun sabaraa/ adór waawutmoó wa ale.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Marko 16:20

Inooínadá' tari tláy, Ya/abtór hho' kari alki/iít umuúqo diiro. Aako nee inooín tay al gadiyuús, /uuruú axweesantós guri geehhooatís ar layaá naa tleehharumiitiye' qoomaadae.]

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Tlehhema'aá ya/Abuuse 7:7

Mungú iri malé oó', ‹Ala án xooroodá' inooín gi lawaale tleehh, aníng a sakwasleemuút. Aluuwo inooín tindiri ti'iit baraá yaamuudae, aníng iri baraá yaamuuká' wa sluufmiisiyá'.›

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

HAR'OHUUSE 6:12

Malaykamoó AAKOÓ MUNGÚ Gideoni guri haraaxáy guri báy, «Aá migusámo, AAKOÓ MUNGÚ i dinkwa nee kuúng.»

HAR'OHUUSE 6:16

AAKOÓ MUNGÚ guri báy, «Adoorí tleehharo a aleesleér, asma aníng a dinkwa nee kuúng, kuúng múk Midiani sleémeero un múx adór heé wákár alé.»

HAR'OHUUSE 6:17

Gideoni iri oó', «Gimáy, aníng kuúng bur ugwa sla'atís, laya laqaamang adór kuúng tar tsuwa Mungú.

HAR'OHUUSE 6:21

Malaykamoó AAKOÓ MUNGÚ hhartadár gawaá dakós gari looloqoós, fu'unaay nee mikaáte giri kwatiít ar ságw hhara, asla niri ti'ít baraá tlaa/ár wa alé, fu'unaay nee mikaáte giri /ák. Malaykamoó AAKOÓ MUNGÚ iri ilaá wa qwaár.

HAR'OHUUSE 7:11

Kuúng kángw inooín ta axweesi u axás, /uuru kuri sleér as tawa slaqwarár eer.» Naagáy Gideoni nee sagadiyusmoowós Pura tari tláy ay wa/aameedá' xuumuusér múk Midiani iwa xuun ar baalaqaasi.

1 SAMUELI 14:10

Ala barnaxes taa oó', ‹Gimsé'! Kuungá' atén ti haratsa/aande',› daqaní atén tari amor'íní tsa/amán, asma daqaní AAKOÓ MUNGÚ inooín ngaa dabaaréní qaás, nee tí iri laya tleehhít direne.»