TI'INAANGW 3:10 - Biblía Axweesantá Hhohho' ar Mungú 2004

¹⁰ Gimáy daxta, án kuúng u ya/aáw amór Farao, asma muk'eé' kuduú Israeli oo baraá yaamaá Misri nguwa dux baraadae.»

TI'INAANGW 3:10 Iomraidhean Croise

IIMU/UUNGW 15:13

AAKOÓ MUNGÚ Abramu guri báy, «Xueek, xwaylarók ka /aytiis baraá yaamaá kooineeká, tari /eetuuse. Inooín kiri lawaale tleehh, kiri slahh'eemiis ar har afi qoomár kureeraá tsiire tsiyáhh.

IIMU/UUNGW 15:14

Ala xooroodá' inooín ta sagadiyuusi, aníng a sakwasleemuút. Daqaní inooín aluuwo daqaari'iimár yaariir ngarir ti'iitiyá'.

WARA'AMI 105:26

Aluuwo lawaalmoowós Mose guri ya/aáw, nee Aronidá' aa tsawaár guri ya/aáw.

WARA'AMI 77:20

Mukók una geerahát adór daqtá bee/ángw wa ale, ar dákw Mose nee Aroni.

TI'INAANGW 12:40

Xoorór Israeli baraá yaamaá Misriro kureeri ngaa hót a tsiire tsiyáhh nee mibeeri tám.

TI'INAANGW 12:41

Baalaadár kilá' ar alhhe'eesáy ar kurkú tsiire tsiyáhh nee mibeeri tám xoorór AAKOÓ MUNGÚ ina ti'ít baraá yaamaá Misrír wa ale.

TI'INAANGW 33:12

Mose AAKOÓ MUNGÚ guri báy, «Ga/aaweek, kuúng aníng ina beér, ‹Mukwí ar tlaweek.› Ala heé nee aníng ti alkoomá' ngwa o'oká. Tam adoorihe ina beér, ‹Aníng kuúng u xuú' nee ugwa gurií baá/.›

TI'INAANGW 33:13

Na'ás aníng kuúng u firiím, barnaxes iga qo tsuwa gurií bá/, lohuuwók dir'eé' laqaamang as kahhó' aníng ngiwa tsaahh adór aníng ira gurií bá/. Ka insleér sleeme adór xoororí tar tók.»

TI'INAANGW 6:26

Aroni nee Mose an múk AAKOÓ MUNGÚ aa báy, «Múk Israeli duuxare' baraá yaamaá Misriro ar adoodá' daqooráy'ín i dirii'i.»

HOSEA 12:13

Ar loohír aarusmoowo AAKOÓ MUNGÚ múk Israeli guna duúx yaamaá Misrír wa ale, nee ar loohír aarusmoowo giri amohhe'eemiís.

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

Tlehhema'aá ya/Abuuse 7:34

Aníng slahha'amaayér muk'eé' aga ár, kudá' baraá Misrír i dirií'. /Aa/eeín iga axaás, aníng nina aweér as ngiwa ba/amis. Gawaá adoorihe, qwaláng, aníng kuúng u ya/aáw ay yaamaá Misri.›

Tlehhema'aá ya/Abuuse 7:36

Kwí an kudá' inooín nga duux, layu gina tlehhiít nee muruú waa/oo/amór koóm baraá yaamaá Misriro, nee baraá tlawtá Shamú wa ale, nee baraá xaanxaay, ar har kureeri mibeeri tsiyáhh.

Tlehhema'aá ya/Abuuse 7:6

Mungú iri oó', ‹Xwaylarók i /eetuuse tleehhít baraá yaamaá múk hatlae. Nee mukdá' giri lawaaler'ín tleehh, nee kiri tlehhma'aá tlákw i tlehhiit ay har qoomár kureeraá tsiire tsiyáhh.›

Tlehhema'aá ya/Abuuse 7:7

Mungú iri malé oó', ‹Ala án xooroodá' inooín gi lawaale tleehh, aníng a sakwasleemuút. Aluuwo inooín tindiri ti'iit baraá yaamuudae, aníng iri baraá yaamuuká' wa sluufmiisiyá'.›

HAR'OHUUSE 6:14

AAKOÓ MUNGÚ iri warqáy amór Gideoni guri báy, «Tláw ar /uuruuwók kwí úr, múk Israeli tu/ang gawaá dabaá múk Midianiwo. Ahaá heé kuúng u ya/abiít a aningeekáhe?»

1 SAMUELI 12:6

Samueli muu guri báy, «AAKOÓ MUNGUÚDÁ' Mose nee Aroni gaa tsawaar, inósuudá' baabi'iihúng ngaa tuu/ baraá yaamaá Misrír wa alé, an lamabu'usmo.

1 SAMUELI 12:8

Qoomár Yakobo iwa dáh baraá yaamaá Misri, baabi'iihúng AAKOÓ MUNGÚ nguna i /aa/aminé', AAKOÓ MUNGÚ Mose nee Aroni giri ya/aáw, asma inooín kina slahh'eemiís nee múk Misri, inooín baabi'iihúng kingiri duúx baraá Misrír wa alé, kingiri qaás baraá yaamuuká'.