TI'INAANGW 29:9 - Biblía Axweesantá Hhohho' ar Mungú 2004

⁹ Him'eedár afeetler'ín an tsék, nee kofiyaduín kiri dahás. Asma adoorí an adór Aroni nee daaqaywós kir hhohhoes tawa kaahamuuser'eé' daqisleém.

TI'INAANGW 29:9 Iomraidhean Croise

TI'INAANGW 27:21

Tsaa'astada' dír kay qas a baraá guruú heémár Mungú, daanduú tsee/a oo kutuwidá' sandakmoó alqadór koom. Aroni nee daaqaywós tsaa'astí ngin dír geeraaeé' wá amohhe'eemisiya', iimír tsiindoó wa tleemu ay matlaatle. Hara'ayaarí ka eehari nee xoorór Israeli qari sleémeero.»

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 32:29

Mose iri oó', «Kuungá' laarí taa kiloohúng hanisé' as gadiyér AAKOÓ MUNGÚ kawa tlehha', asma aga babaqaasi'iiká na/iihúng kiwa tsu/a', laqaá hhaeehúng, gawaá adoorihe tsuuqaá Mungú iga sleeré'.»

TI'INAANGW 40:15

Ki iimbaláx di/to adór baabuúín ar ale, as kahhó' inooín tawa kaahamuusér Mungú. Iimbalaaxar'ín tisíng gin dahás baraá gadiyér kaahamuusi'iima ay qari sleémeero.»

TLAHHOÓ LAÁWI 8:1

AAKOÓ MUNGÚ Mose guna báy,

TLAHHOÓ LAÁWI 8:13

Mose daaqoó Aroni guri dír geerií huúw, giri tsiitiís ar hiyi'i, giri afeetle him'eérí tsegiít, giri kofiyadúwí dahmiís, ar adoodá' AAKOÓ MUNGÚ ngira hara'ayín.

TLAHHOÓ LAÁWI 8:33

Ma baloó tsee/aá heémár Mungú i ti'iitara' deelo faanqw, ay dír deeloodá' hariim ar paraatlarhúng i fak, asma a deelo faanqw.›

FAARO 16:10

Mungú naa ilaiwa/amér i haniís inós kuwa i tseewuura', kuungá' dinkwa nee múk Laáwi sleémeero. Tam adoorí hám daxta a malé kaahamusi'iimár sla'á'a?

FAARO 16:35

Naagáy AAKOÓ MUNGÚ asla ngiri huúw, mukduú tsiire tsár nee mibeeri kooán aa mooyángw da/tá ay, guri hhaamiís.

FAARO 16:40

Gaarí an gurbu'utá múk Israeli, hee bar a kaahamusmoó xwaylár Aroniwooká, miwa daqáy dír kitángw AAKOÓ MUNGÚ kuwa ilahhooár mooyángw tsuú' i da/a/an. Bar adooriheeká aqo kun qwaarees, ar adoodá' Kora nee mukós kira hhaamiís. Adoorí sleémeero ina tleehharút adoodá' AAKOÓ MUNGÚ Eleasari ngura ádbáy ar loohír Mose.

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

FAARO 3:10

Aroni nee daaqaywós tsawaareek as gadiyer'ín tidár kahamuusi'iima ngiwa boo/eesiya', ala barnaxés heé hatlá' aa tseewúy bihhaadií ale, ku gasá'.»

DABE 18:5

Baraá tlahhi'iihunge AAKOÓ MUNGÚ, tlahhoó Laáwi guna tsawaár as nguwa sagadiyuusiya' ay alhhe'eesay wasle.

Ebrania 5:10

Nee slám Mungú guri kaahamusmoó úr wa qaás ar adoodár Melkisedeki.

HAR'OHUUSE 17:5

Heewí ta bay Mika, doó mungú nguwa sluufmiisi guna tleéhh, nee naifeéra gana tleéhh, nee slaqsa'aá munguaá hatlae, garmaawós gway kaahamusmoowós wa qaás.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.