TI'INAANGW 29:7 - Biblía Axweesantá Hhohho' ar Mungú 2004

⁷ Muruuwí bura hhe'és tleehhamooro, ku di/tár iimbaláx as kuwa baraá gadiyeédií dahas.

TI'INAANGW 29:7 Iomraidhean Croise

WARA'AMI 133:2

A adór di/tadá' naa gawaá ságw Aroni wa wa/ ay baraá daamoórós, iri hardát ay baraá pasltá tlawuuwós.

WARA'AMI 89:20

Daudi ugwa tsawaár, sagadiyusmooeé', nee ugwa iimbalaáx di/taeé' tidá' hhohhoe.

TI'INAANGW 28:41

Hhiyaawók Aroni nee daaqaywose in tsiitís ar tlabaasingá', daqaní ki iimbaláx di/to, kiri dákwí qás as kiwa paratl tawa kaahamuusér aníng i sagadiyuus.

TI'INAANGW 40:13

Daqaní Aroni ku tsiitís tlabaadá' hhohhoe nee ku iimbaláx di/to as kuwa paratl, as kahhó' tawa kaahamusmoó Mungú.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

TLAHHOÓ LAÁWI 10:7

Kuungá' ma baloó ti'iitara' afkú heémár Munguhe, bar adooriheeká a qatlá', asma di/tidá' tundura iimbalaáx ar AAKOÓ MUNGÚ i gawaahúng.» Aroni nee daaqaywós adoodá' Mose aa oó' kari tleéhh.

TLAHHOÓ LAÁWI 21:10

«Kaahamusmoó úr oo Mungú, as inós kuwa úr tla/ángw hhaeewose, nee kuwa dí/tár iimbalaáx kuri paraátl, as tsitoó hhohhó' nguwa tsiiti, se'eengós munguwa tawo máy, laqaá tlabaawós mingiwa feehhamiís as tsuunqumis.

TLAHHOÓ LAÁWI 21:12

As kuwa iimbalaáx ar di/tá Mungú, miwa baloó quútl didá' hhoohhooe, nee didaádá' hhoohhoo' mingiwa slasla/areés as adoodá' inós kuwa iimbalaáx ar di/tá Mungú. Aníng an AAKOÓ MUNGÚ.

TLAHHOÓ LAÁWI 7:35

Muruuwí kuna paraátl as Aroni nee xwaylarós baraá ilahhooadár da/a ta hanmiisi dír AAKOÓ MUNGÚ iimír bál kiwa kaahamuusér AAKOÓ MUNGÚ wa qaás.

SEKARIA 4:14

Aluuwo iri oó', «Gaarí a múk tsár oo taa iimbalaáx ar di/i oo sihhmiít bihhaá AAKOÓ MUNGÚ yaamu sleémeero wa ale.»

FAARO 35:25

Bariise heedaádá' gun tú/ gawaá dabaá heedaádá' li/oó bu'utuú wa sla'a, kuduú guruú doó heé taa gaás, nee heé aáng kuri ki/is baraá gixsaadár guwaay, too aáng aa i goów. Baraadá' gin wa hoot ay dír kaahamusmoó Mungú i gwaai kudá' qoomaadae taa tsawaár, kuri iimbalaax ar di/tá hhohho'.

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.