TI'INAANGW 29:1 - Biblía Axweesantá Hhohho' ar Mungú 2004

¹ «Muruuwí tleehheek dír Aroni nee daaqaywós as kiwa paratl tawa kaahamuusér aníng i sagadiyuus: Tsa/atamoó awu na slaweek, nee gwaandaawér tsár ar xaslxaansli wasl,

TI'INAANGW 29:1 Iomraidhean Croise

2 QOM'I 13:9

Xáy, kuungá' kaahamuusér AAKOÓ MUNGÚ tidár xwaylár Aroni nee múk tlahhoó Laáwiwo iga gusi'iikáhe, kaahamuuserhúng kari qasi'iíke adór xoordaá hatlá'? Umuúqo heewo oo naa dirhúng i hardah ar awu, laqaá gwaandaawér faanqw, un paratlá' tawa kaahamusmoohúng.

TI'INAANGW 12:5

Deelmoohúng kwisíng oo bee/i masók i xaslxaanslír konká, gwaanduú kurkú wák un sleerá' laqaá gurta.

TI'INAANGW 20:11

Asma AAKOÓ MUNGÚ ina gadiyuús deelo lahhoó', yaamu nee doori gina tleéhh nee tlabeemo nee umuúqo gár dawa, ala bál faanqwe iri hungu/uús. Gawaá adoorihe AAKOÓ MUNGÚ baalár Sabaáto gari tsuúq, gari hhoohhooeés.

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 28:3

Kuúng mukdá' tlaba' tlehhtuuwo gi baál ádbaweek, kudá' aníng naa fuqurángwí haniís, Aroni ngu tlabií tleehhiye' as kuwa paraatli as gadiyér'eé' ar kahamuusi'iima.

TI'INAANGW 28:41

Hhiyaawók Aroni nee daaqaywose in tsiitís ar tlabaasingá', daqaní ki iimbaláx di/to, kiri dákwí qás as kiwa paratl tawa kaahamuusér aníng i sagadiyuus.

TI'INAANGW 29:21

Tseereedár gawaá kitángw ilahhooárí dirii' ka bahh taatáhh, nee di/tadár iimbalaxaango ka tsipipi'ís gawaá Aroni nee gawaá tlabaawós, ka male tsipipi'ís gawaá daaqaywós nee gawaá tlabaaín. Daqaní Aroni nee daaqaywose kaa hhoohhooeés tawa kwe'eé' nee sleémeero.

ESEKIELI 43:23

Qoomár hheehhe'eesaro bura hhe'és, daqaní awuú niiná oo xaslxaansli wásl, nee gwaanduú xaslxaasli wásl oo wák,

TLAHHOÓ LAÁWI 14:11

Heedaádá' taa hhoohhooeés kaahamusmoó Mungú guri huuw dír geeraá AAKOÓ MUNGÚ, bihhaá afkú heémár Mungú, dinkwa nee muruuwós kudá' sleémeero naa huwi.

TLAHHOÓ LAÁWI 16:3

Aroni in didá' hhoohhoó' i dah ar tsa/atmoó awu as ilahhooár tlakweema hingeesa, nee gwaanda as ilahhooár da/a.

TLAHHOÓ LAÁWI 22:20

I baloó ya/aandaaká gár xaslxaanslír koom kawa haniisi, asma i kuungá' wa hariindaaká.

TLAHHOÓ LAÁWI 4:3

Barnaxes heé adoosíng gaa tleehh a kaahamusmoó Mungú, kudá' taa iimbalaáx ar di/i, inós gár kuwa hariím a awuú niiná oo xaslxaansli wásl gun ilahhooár wa haniis dír AAKOÓ MUNGÚ as tlakweemaadá' hingeesa.

TLAHHOÓ LAÁWI 6:13

Asla in kumaamít ohmaango gawaá kitángw ilahhooár wa ale, miwa baloó gwá'.»

TLAHHOÓ LAÁWI 6:6

Gwaanduú xaslxaansli wásl gun huuw dír kaahamusmoó Mungú as tawa ilahhooár dakuús hingeesa dír AAKOÓ MUNGUHE, laqaá gár alqoomá' nee tidár tlakweema hingeesa.

TLAHHOÓ LAÁWI 7:35

Muruuwí kuna paraátl as Aroni nee xwaylarós baraá ilahhooadár da/a ta hanmiisi dír AAKOÓ MUNGÚ iimír bál kiwa kaahamuusér AAKOÓ MUNGÚ wa qaás.

TLAHHOÓ LAÁWI 8:1

AAKOÓ MUNGÚ Mose guna báy,

TLAHHOÓ LAÁWI 9:2

Mose Aroni guri báy, «Tsa/atamoó awu taataahheek, as ilahhooár tlakweema hingeesa, nee gwaanda as ilahhooár da/a, muruuwí masók ku xaslxaansli wásl. Daqaní ki hanís dír AAKOÓ MUNGÚ.

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

1 Petro 1:19

Ala gár kuungá' tundura tlaáxw a tseerér afhhamít ar Kristo, kuduú adór deelmoó bee/i, oo slasla/areeká, oo xaslxaansli wásl.