TI'INAANGW 28:9 - Biblía Axweesantá Hhohho' ar Mungú 2004

⁹ Daqaní tlaa/aá tsár awa ta bay sardoníki ki sleér as umér xoorór Israeli kawa gawaadá' i gooiin.

TI'INAANGW 28:9 Iomraidhean Croise

IIMU/UUNGW 2:12

Nee sahaábuú yaamuudá' ku ló'wa hhohhó'. Slám baraadae tlaa/aá hhohho' awa ta bay bedoóla i dayá', nee tlaa/aá tlaxo gawden awa ta bay shohamu.

1 QOM'I 29:2

Aníng umuú gaaro aga iiár burumburto as tleehhamór doó Munguúeé', muruú naa burumbuúr a kwí: Sahaábu as muruú ta sahaábúr tleehhi, nee muqslár peésa ar ta muruú muqslár peésár ar tleehhi, nee muqsla sirda/aten ar ta muruú muqslár sirda/atén ar tleehhi, nee muqsla ar ta xoslár muqslár ar tleehhi, nee xaai awa ta xooslár xaaír tleehhi. Sleeme tlaa/aá kal'i iga amohhe'eés nee tlaa/aá tar tipin, tlaa/aá ta bay njumu, tlaa/eedá' kal'i nee awa tlaxo uren awa da'aweemaá dimbadiimbé, nee awa ta bay marumarúr yaariir.

2 QOM'I 2:7

Naagáy, heé xooslár sahaábu ga xuú' tlehhtuuwo ya/aawang, nee ar peésa, nee muqsladá' sirda/aten nee muqslár hatlae, nee tlabaadá' sirda/aten nee awa da/atene nee awa sirbo/e, heé qaali ga baál as iwa algadiyuusiyá' nee mukwí xu'utír koóm oo Yuda nee oo baraakaá Yerusalemu, kudá' taa tsawaár nee baabuúeé' Daudi.

YOBU 28:16

Afhhamitu'uumarós a alqoomeská ar sahaábuudá' Ofiriír daáhh. Tam tlaa/eedá' ta bay Sardoniki laqaá yakuútír sirboo/ dirose i saapiiaaká.

TI'INAANGW 25:7

nee tlaa/aá tlaxo gawden awa ta bay sardoniki, nee tlaa/aá hatlá' awa tlaxo gawden awa ta qaasi gawaá naifeéra, nee gawaá tlakoó da/eewo.

TI'INAANGW 28:10

Umér tlahh'aá lahhoó' ka gawaá tlaa/anoó wakí gooiín, nee umér hatlá' lahhoó' gooimeek gawaá tlaa/anoó hatlá'. Umérí ka gooiín ar adór xwaylaro tira harahariyé'.

TI'INAANGW 28:20

Hháw tsiyáhh a tlaa/aá ta bay sambarajaádi nee shohaámu nee yáspi. Tlaa/eeká' sleémeero kin qaas baraá qoloqoloó sahaábu.

TI'INAANGW 28:36

«Daqaní parereehhamtá sahaábu hhohhó' ka tléhh ar adór laya nee /aymi'iiká' ki gooiín gawaadá' i ale, awa kaaha', ‹Gaarí kaa paraátl as AAKOÓ MUNGÚ.›

TI'INAANGW 28:8

Himuú afeetlo gár kur tleehhi aqo muruudá' naifeéra kara tleéhh, neewór sahaábu nee neewór se'éngw bee/aangw ar sirbo/, nee ar sirdaa/aaten, nee ar da/aten, nee kitaánír hhohho' ar taa hhuútl, himuudá' kuri gawaá naifeéradií hiriit.

TI'INAANGW 31:5

Ugwa aleesleemií haniís oo tlaa/e ngiwa tlaaqi, nee peehháy nguwa parootuusi, nee gadiyér umuú adooro ngiwa aleeslay tleehhamooro.

TI'INAANGW 39:13

Hháw tsiyáhh kuna qaalín ar tlaa/aá ta bay sambarajaádi nee awa shohaámu nee awa yáspi. Tlaa/eeká' sleémeero kina qamín baraá qoloqoloó sahaábu.

TI'INAANGW 39:6

Aluuwo tlaa/aá ta bay sardoniíki kiri amohhe'eés, kiri qaás baraá qoloqoloó sahaábu, qoloqoláydá' adór kura tleéhh a adór laya as umér tlahh'aá mibaá nee tsár awa xoorór Israeli kawa gooin.

DAA'AANGW 8:6

Aníng baraá muunaáwók i qaasáng adór laya. Masók a adór laya baraá dabaawoge. Asma sla'aari i /uuruú koón adór gwa'ara, Da/i i dae tláq adór /aanta, ohmaá sla'aari a adór ohmángw asla. In tsaara'aamís adór tsángw asla.

ISAYA 49:16

Ga/aawaak, aníng kuungá' naa gooiím baraá tsa/oó dakw'eé', koo/ír gixsarhúng i dír geeraaeé' daqisleém.

ESEKIELI 28:13

Ana Edenír wa hót, dír asalmoó Mungú, tuna qaalín ar tlaa/aá tlaxo uren, awa akiíki, nee topaási, nee yáspi, nee sabarajaádi, nee beriíli, nee sardoniíki, nee yakuúti-sirboo/, nee miisli, nee sumariídi. Tuna qaalín ar sahaábu hhohhó'. Muruuwí sleémeero kuna amohhe'eés as kuúng, iimír bál tuwa tleéhh.

SEKARIA 9:16

Nee AAKOÓ MUNGÚ Munguúín gi ba/amis bal deeloodae, asma inooín a daqtós, inooín niri qwiirii/iyá' baraá yaamuwo adór tlaa/aá taa slamángw ar parootuús.