TI'INAANGW 28:34 - Biblía Axweesantá Hhohho' ar Mungú 2004

³⁴ In tla/eeri slahhaán komamaánga gár aluudá' a mitingari, ay dír ki harwet.

TI'INAANGW 28:34 Iomraidhean Croise

WARA'AMI 89:15

AAKOÓ MUNGÚ, múk amohhoó' a kudá' kuúng u sluufmiisá' ar daa'ángw bara/, kudaádá' hootá' baraá loohír gwa/aateemaawók wa ale.

TI'INAANGW 28:33

Afaayeerós ar baraay ka harweeri ar slaqsoó mamaá komamaángár sirbo/, nee ar sirdaa/ate, nee ar da/aten. Mitingartá sahaábu sleeme ka tléhh baraá tla/eeraá komamaángadá'.

TI'INAANGW 28:35

Aroni hiyaysíng ngu dahamiisi a qoomár bir gadiyeérós ar kaahamusi'iimár tleehh, nee afór mitingaraydá' ka axamiis qoomár bira dáh dír geeraeéní ale, nee qoomár bir ti'iimiit daqaní inós ku gaasiiká.

TI'INAANGW 39:22

Aluuwo hiyaay guri tleéhh ar neewór se'éngw bee/aangw ar sirbo/, oo ta dahaasi guruú naifeérár wa ale.

TI'INAANGW 39:26

Gawaá adoorihe mitingiri alaá mamaá komamaánga tina wa qaás, tiri hhay neesliyé' afaayér hiyayduú gadiyeé kari adoorír harweér, ar adoodá' AAKOÓ MUNGÚ Mose ngura ádbáy.

DAA'AANGW 2:3

Sla'aarusmooeé' baraá tla/ángw daaqaywo a adór xa'anoó tofaá'a oo baraá tla/ángw darma, aníng a qwalalaá/ niwa huungu/uus dír mahhtirós, nee mamuuwós bira tsaáq i ló'wa tsuuiyá'.

DAA'AANGW 4:13

Harma/tók adór asalmoó komamaánga dinkwa nee mamaá ló'wa hhohho' sleémeero kudá' ta bay hína nee nárdo.

DAA'AANGW 4:3

Slufoowók a adór hhutlmoó daa/aát. Afkók u ló'wa slaá'. /Uuntle'eeriiwók baraá sheélaroge a adór kaeemaá tsár awa mamito'ór komamaánga.

DAA'AANGW 6:11

Aga dáh dír asalmoó xaa'aá ta babay miloósi as niwa harma/ór baraá qaymór artá aw. As ngiwa ar axáy xaa'aá sabiíbu naa /ayusií'i, nee axáy xaa'aá komamaánga naa /ayusií'i.

DAA'AANGW 6:7

/Uuntle'eeriiwók a adór kaeemaá tsár awa mamito'ór komamaánga dír alaá sheélaroge.

DAA'AANGW 8:2

Geeraawo án kuúng un huúw ay amór doó aayor'eé', ay baraá tla/afír aayoodá' aníng iga laqwal. Didaádae uri difaáír i haniís, ma'aydá' naa tsoó/ awa mamaá komamángaro uri qáw.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.