TI'INAANGW 28:3 - Biblía Axweesantá Hhohho' ar Mungú 2004

³ Kuúng mukdá' tlaba' tlehhtuuwo gi baál ádbaweek, kudá' aníng naa fuqurángwí haniís, Aroni ngu tlabií tleehhiye' as kuwa paraatli as gadiyér'eé' ar kahamuusi'iima.

TI'INAANGW 28:3 Iomraidhean Croise

1 WAAWITÁ 7:14

Inós an garmoó kwaalo'o ar tlahhoó Naftali, nee baabuúwós a heé Tiro, kareeramoó muqslár da/aten. Hiramu ku ló'wa dahár nee ku sagaloó', a heé gadiyér muqsla ga ló'wa xuú'. Iri hardáh amór Solomon, gadiyeeduuwós sleémeero giri tleéhh.

TI'INAANGW 35:10

«Umuúqo heewo dirhunge oo xu'utír muruuko tlehhit ga koóm ni hardihi, nee muruuwí sleémeero oo AAKOÓ MUNGÚ naa oó' ngu tleehhi:

TI'INAANGW 35:25

Nee /ameena sleémeero ar gadiyér daba' ga aleesláw, muruuín kudá' naa tlatlawiné' nguri huwiyé', neewór sirbo/ ar se'éngw bee/aangw nee ar sirdaa/aten nee ar da/aten nee ar kitaánír hhohhoe.

TI'INAANGW 35:30

Aluuwo Mose múk Israeli guri báy, «Ga/aawaak, AAKOÓ MUNGÚ Besaleli garmoó Uri, nángw naangoó Huri oo tlahhoó Yuda gwa tsawaár.

TI'INAANGW 35:31

Inós kwa hatsiís qeeruú Munguhe, as aleesleemu nee fuquraangw nee xu'uti ngiwa slay as gadiyér umuúqo adooro ngiwa aleeslay tleehhamooro.

TI'INAANGW 35:35

Mukwí tsaraawo kwa hatsiís sagalooaro, as gadiyér umuúqo daa'awto ngiwa tleehhiya', gadiyér tlaa/e parootusa nee gadiyér fuqurángw slaa', gadiyér parootír neewór se'éngw bee/aangw ar sirbo/ nee ar sirdaa/aten nee ar da/aten, nee kitaánidá' hhohho' ar taa hhuútl, nee gadiyér tlaba' tlehhit, nee umuúqo daa'awtá gadiyeede, nee daa'awtá gadiyér xuaawaslen.»

TI'INAANGW 36:1

«Besaleli nee Oholiabu gadiyeé ngi tleehhiye', dinkwa nee umuúqo hhawaatuú sagalooár kooma, oo AAKOÓ MUNGÚ aa sagalooár i haniís nee fuquraango, as xu'utír gadiyér heémaadár Mungú sleémeero ngiwa aslay, nee as sagadiyuusi'iimár hhoohhoo' ar adór AAKOÓ MUNGÚ ngira hara'ayín.»

TI'INAANGW 36:2

Mose, Besaleli nee Oholiabu nee umuúqo heé fuqurángw kooma, oo ta sagalooár i haniís nee AAKOÓ MUNGÚ, nee umuúqo heé baraá muunaáwose taa tliw/ina, giri ateét as gadiyeérí ngiwa tleehhiya' ar sla'aari.

AXWEESANOÓ SAGALOOA 2:6

Asma AAKOÓ MUNGÚ sagalooa gan hanmiis, baraá afkose gár ti'imiit a xu'uti nee tsaahha.

ISAYA 11:2

Qeeruú AAKOÓ MUNGÚ i gawaawós i iwiit, qeeruú sagalooa nee oo tsaahha, qeeruú hara'aya nee oo aleesleemu, qeeruú xu'uti nee oo AAKOÓ MUNGÚ nguwa ilaiwawa/i.

Efeso 1:17

Munguú Aakoorén Yesu Kristo, Baabuú xirfuú koóm, aníng un firiiriím, as kahhó' kuungá' nuwa qeeruú sagalooárí haniisi nee geehhooeema as inós kuwa xua'.

DABE 34:9

Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.