TI'INAANGW 28:21 - Biblía Axweesantá Hhohho' ar Mungú 2004

²¹ Tlaa/eedá' a mibaá nee tsár awa umér tlahh'aá mibaá nee tsár awa xoorór Israeli ki gooin. Umuúqo tlaa/anoowo tari adór laya ar sihhmiit daanduú tlahhoó wák baraá tlahh'aá mibaá nee tsár awa múk Israeliro.

TI'INAANGW 28:21 Iomraidhean Croise

1 WAAWITÁ 18:31

Tlaa/aá mibaá nee tsár giri taataáhh, ar qoomoó faarór tlahh'aá mibaá nee tsár awa na/aá Yakobo, kudá' AAKOÓ MUNGÚ iwa oó', «Umuuwók a Israeli.»

YOBU 19:24

Geera masók kana gooín ar kalaámú muqsli nee oo harsaási, nee ar muqslír taa weeqatís baraá asla gawaá tlaa/árí ale, as kahhó' iwa fiitsitká ay kureeraá kureér.

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

TI'INAANGW 28:11

Umeesíng gooimeek adór kareeramo laya ngir gooaain, kari qaaliín kari qás gawaá qoloqoloó sahaábu.

TI'INAANGW 28:20

Hháw tsiyáhh a tlaa/aá ta bay sambarajaádi nee shohaámu nee yáspi. Tlaa/eeká' sleémeero kin qaas baraá qoloqoloó sahaábu.

TI'INAANGW 28:22

Kuúng himtaawe tleehheek ar sahaábuú hhohhó' ar taa hhuútl adór hima as tlakwayduú da/eewo.

SEKARIA 9:16

Nee AAKOÓ MUNGÚ Munguúín gi ba/amis bal deeloodae, asma inooín a daqtós, inooín niri qwiirii/iyá' baraá yaamuwo adór tlaa/aá taa slamángw ar parootuús.

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

Geehhoeemaá 21:12

Gixsadá' koo/ír ur ga koón ar tleerantleer. Koo/irí afe ngi koon a mibaá nee tsár. Nee malaykér mibaá nee tsár afeerí mibaá nee tsár gana xuún. Nee gawaá afeerihe umér mibaá nee tsár kaa gooín, ar tlahhi'iidá' mibaá nee tsár awa múk Israeli.