TI'INAANGW 28:2 - Biblía Axweesantá Hhohho' ar Mungú 2004

² Kuúng daqaní hhiyaawók Aroni ku tlabaá hhohhó' i tléhh, kahhó' bar ku ga/áy tawa heé xiríf nee oo hhoohhoó'.

TI'INAANGW 28:2 Iomraidhean Croise

YOBU 40:10

Bar asleér gimáy xirfuuwók laqaamang nee uraywoge, ilaiwa/ame nee aleesleemuuwoge laqaamang.

WARA'AMI 132:16

Kaahamuuserós ka tuuntuuk ar ba/ama. Nee mukós kudá' hhohhó' iri baraa/ ar qwala/.

WARA'AMI 132:9

Kaahamuuseerók ka tuuntuuki ar gan'amu. Mukók kudá' hhohhó' i baraa/ ar qwala/.

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 96:6

Ilaiwa/ame nee aleesleemu i dír geeraawós i dirii'iyá', /uuru nee hhohhoaari i baraá do'ós kudá' hhoohhoó'.

TI'INAANGW 28:40

«Daaqoó Aroni ku hiya'aá ququmadií tléhh nee him'ér afeetle nee kofiyadu, masók birki ga/áy ki xirfayen nee ki hhohho'.

TI'INAANGW 29:28

Gawaá adoorihe xoorór Israeli daqisleém baraá ilahhooar'ín tidár wayda i hanmamisia dír AAKOÓ MUNGÚ, da/eewo nee manguú aluuwo kin haniis dír Aroni nee daaqaywós. Gaarí an ilahhooar'ín ar wayda ar ta haniisi dír AAKOÓ MUNGÚ.

TI'INAANGW 31:10

Nee tlabaadá' tlehhma hhohho', nee tlabaadá' taa paraátl as gadiyér kahamuusi'iima awa Aroni nee daaqaywós.

TI'INAANGW 40:13

Daqaní Aroni ku tsiitís tlabaadá' hhohhoe nee ku iimbaláx di/to as kuwa paratl, as kahhó' tawa kaahamusmoó Mungú.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

TLAHHOÓ LAÁWI 8:30

Naagáy Mose di/tá iimbalaxaangw nee tseerero giri taataáhh gawaá kitángw ilahhooaro, giri hikimiís gawaá Aroni nee daaqaywós nee gawaá tsitay'ín. Gawaá adoorihe Mose Aroni nee daaqaywós nee tsitay'ine giri paraátl.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Galatia 3:27

Asma kuungaásingá' sleémeero awa taa haragaás nee Kristo ar loohír baatiísmo, kuungá' Kristo ugwa tsité' adór inqwaarír wa ale.

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

2 Petro 1:17

Asma Mungú Baabá guna ilaiwa/amér i haniís nee xirif, qoomár afoodá' baraá xirfuú úr daahh nguwa i hardát, tidá' kah, «Kwí an Garmaaeé', sla'aarusmooeé', oo aníng iga qwal/atis.»

1 Yohana 3:2

Sla'aaruúse, daxta atén a na/aá Mungú, ala adór aluuwo ta laqaan hamírihe naa gehhoouuriiká, ala tí a xuaán Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

Geehhoeemaá 19:8

Nee slám Mungú dasidá' gaa aleesleemií haniís kawa tsiitisi ar inqwaruú /awák oo taa tleéhh ar kitaánír hhohho'.» Inqwaruudá' /awák oo hhohhó' a tlehhemi'iidá' ganaa'á' awa múk hhohhó' oo Mungú.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»