TI'INAANGW 28:11 - Biblía Axweesantá Hhohho' ar Mungú 2004

¹¹ Umeesíng gooimeek adór kareeramo laya ngir gooaain, kari qaaliín kari qás gawaá qoloqoloó sahaábu.

TI'INAANGW 28:11 Iomraidhean Croise

YOBU 19:24

Geera masók kana gooín ar kalaámú muqsli nee oo harsaási, nee ar muqslír taa weeqatís baraá asla gawaá tlaa/árí ale, as kahhó' iwa fiitsitká ay kureeraá kureér.

TI'INAANGW 28:10

Umér tlahh'aá lahhoó' ka gawaá tlaa/anoó wakí gooiín, nee umér hatlá' lahhoó' gooimeek gawaá tlaa/anoó hatlá'. Umérí ka gooiín ar adór xwaylaro tira harahariyé'.

TI'INAANGW 28:12

Tlaa/eedá' tsaraawo kin qaas gawaá daanduú naifeéra, Aroni ngi tseegi gawaá sum'iiwós bir dír geeraá AAKOÓ MUNGÚ káy, as tawa inslaslángw tlahh'aá mibaá nee tsár awa xoorór Israeli.

TI'INAANGW 28:21

Tlaa/eedá' a mibaá nee tsár awa umér tlahh'aá mibaá nee tsár awa xoorór Israeli ki gooin. Umuúqo tlaa/anoowo tari adór laya ar sihhmiit daanduú tlahhoó wák baraá tlahh'aá mibaá nee tsár awa múk Israeliro.

TI'INAANGW 28:25

Sagér himtaweedá' tsár ar sahaábu ka tsék gawaá daanduú qoloqoláydá' taa qás gawaá daanduú naifeéra.

TI'INAANGW 28:36

«Daqaní parereehhamtá sahaábu hhohhó' ka tléhh ar adór laya nee /aymi'iiká' ki gooiín gawaadá' i ale, awa kaaha', ‹Gaarí kaa paraátl as AAKOÓ MUNGÚ.›

TI'INAANGW 39:13

Hháw tsiyáhh kuna qaalín ar tlaa/aá ta bay sambarajaádi nee awa shohaámu nee awa yáspi. Tlaa/eeká' sleémeero kina qamín baraá qoloqoloó sahaábu.

TI'INAANGW 39:18

Afér hatlá' ar himtaweedá' kari tseék gawaá qoloqoláydá' tsár, kari dinkwárí óh nee tsaafáydá' tsár oo geera oo naifeéra.

TI'INAANGW 39:6

Aluuwo tlaa/aá ta bay sardoniíki kiri amohhe'eés, kiri qaás baraá qoloqoloó sahaábu, qoloqoláydá' adór kura tleéhh a adór laya as umér tlahh'aá mibaá nee tsár awa xoorór Israeli kawa gooin.

YEREMIA 22:24

Daanduú Koniawo, waawutmoó Yuda garmoó Yehoyakimu, AAKOÓ MUNGÚ i kaahi, «Aníng lo'o aga /aáy, tam geeraawo kuúng bar an mungay'eene, kuduú gawaá diitsár dakw'eé' oo doó /iyáy, kudá' ni layárár qamaamiim, aqo un duúx, nee uri amór saáwí kwaáhh,

SEKARIA 3:9

Tlaa/anoowí naa qaás geeraá Yoshua ga/aawaak, inós gitsee/e ngi kon faanqw, aníng gooi an tleéhh gawaawósí ale, án tlakweemaá yaamuuká' in hingeés looár wák ale.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

Geehhoeemaá 7:2

Nee malaykamoó hatlá' nguri malé ár oo tsa/a/ám amoodá' looa niwa tsiirarihh. Inós i layár kón ar Munguú slaáf. Inós malaykeedá' tsiyáhh gari i tseé' ar afór ur, tidá' aleesleemu gwa sleer yaamu ngiwa hhitiin nee tlawi.