TI'INAANGW 27:9 - Biblía Axweesantá Hhohho' ar Mungú 2004

⁹ «Afeenír heémár Mungú ka tléhh. Bihhaá basko inqwaarír tsiiriihh an qás ar taa tleéhh ar neewór kitaánír hhohho' ar taa hhuútl. Tlenaangós a miíta mibeeri tsiyáhh nee tsiyáhh bihhaá wake.

TI'INAANGW 27:9 Iomraidhean Croise

1 WAAWITÁ 6:36

Afeenidár guruú do' gana tleéhh ar hhai tám ar tlaa/aá taa daákw nee hháw wák guna tleéhh ar peehhoó sahhta.

1 WAAWITÁ 8:64

Baalaadár kilae waawutmo matla/angwdú tla/ángw i dirií' amór lak geeraá doó AAKOÓ MUNGÚ guna aldafín, asma diirí an didá' ilahhooadá' ta da/aa/an kawa hanmiisi, nee ilahhooár balaangw nee ar di/i nee ilahhooár wayda ar muruú ta tsu/i, asma kitangwduú ilahhooa oo taa tleéhh ar muqslír sirdaa/aat i bu'utiiká ilahhooa sleémeerowo.

2 QOM'I 33:5

Kiteeraá ilahhooa kawa hanmiisi dír tsatse/ sleémeero gina tleéhh baraá afeenaadá' tsár ar Doó AAKOÓ MUNGÚ.

2 QOM'I 4:9

Afeenír kaahamuuse gari tleéhh ar baraá guruú doó haar, afeenír ur gari tleéhh guruú tsee/a, afe gari tleéhh gari niinkiriíts ar muqslár sirda/aten.

WARA'AMI 100:4

Afkú do'ose dahé' ar sluufaay, xirfayeemisaak baraá gar/oó do'ose! Inós sluufmisaak, umuuwós diidi'iimisaak!

WARA'AMI 116:19

baraá afeenír Doó Mungú wa ale, baraá tla/ángw gixsár Yerusalemú wa ale. AAKOÓ MUNGÚ xirfayeemisaak!

WARA'AMI 84:10

Looár wák dír do'oge ka afhhamít, ta hotaá deelór kumér yaariire awa dír hatlá'. A tsiní bar aga sihhimiít dír afkú Doó Mungú wa ale, ta niwa hoota baraá maraá múk tlákw wa ale.

WARA'AMI 92:13

Kwaa dahaás baraá Doó AAKOÓ MUNGÚ, nin slu/ubibiná' baraá Doó Munguúrén wa ale.

TI'INAANGW 27:10

Inqwaaridá' tsiiriihh dír kay qaasi a gawaá uheemaá mibeeraá tsár awa muqslár sirdaa/aten. Yukumoó uheemidá' ki iwiitimisi sleeme a muqslár sirdaa/aten, ala muqslár afe mogól ar uheemidá' nee tlin'ii'ine a kin tleehh ar muqslár peésa.

TI'INAANGW 35:17

Nee inqwarudá' tsiiriíhh taa afeenadár harweér nee uheemi'ine, nee yukumayduú uheemiwo, nee inqwaarír afkú afeena,

TI'INAANGW 36:17

Aluuwo tlin'aá mibeeraá kooán giri hiriít baraá ka'amír wák, nee awa hatlá' mibeeri kooán gawaá ka'amír tsár.

TI'INAANGW 39:40

nee inqwaruudá' tsiiriíhh taa tsegiít, kudá' taa afeenír ar tleehhi, nee uheemiiwós kudae, nee yukumi'iiwose, nee inqwaarír afkú afeenadá', nee tlin'iiwose, nee kika'aarose, nee xoslu sleémeero awa gadiyér koomá' baraá heémadár Munguhe,

TI'INAANGW 40:33

Aluuwo Mose koo/idá' afeenír heéma gaa harwet nee kitángw ilahhooaro giri qaás, nee afkú dahmaá baraá afeeni guri inqwaarírí tarereé'. Gawaá adoorihe Mose gadiyeé sleémeero gari hhe'eés.

TI'INAANGW 40:8

Daqaní koo/ír afeena ka sihhtís bihhe sleémeero nee afkú dahma ku inqwaarír i tareeré'.

ESEKIELI 40:14

Kutuwidá' ar alhhe'eesáy, tidá' afkós amór afeeni, inós sleeme gari qoomeés, bihheerós a miíta mibaangw.

ESEKIELI 40:17

Naagáy heedaádá' iri huúw ay dír afeenidár tsee/a ar Doó Mungú. Didaádae kutuwoó ninákw oo mibeeri tám oo koo/idá' gaa tsee/aá wa harweer i deer, nee dír geeraá kutuwaywihe afeenír taa tlaa/ér tleéhh i deer.

ESEKIELI 40:20

Naagáy heedaádá' iri geeraaeé' wa tláy ay bihhaá /iya, tlenángw afkú bihhaá /iya guri qoomeés, nee uroó bihheero nee afeenidár tsee/a.

ESEKIELI 40:23

Iimír dír loohír dahmaá afkú bihhaá /iya nee afeeni bara waaráhh, loohír hatlá' i deer ar aa gana' ay dír afeenír baraá guruú do', aqo adór kuduú bihhaá da/aáw. Heedaádá' tlenaangw guna qoomeés iimír afkú tsee/aá wa tleemu ay kuduú baraá do', gár aa sláy a miíta mibeeri kooán.

ESEKIELI 40:28

Heedaádá' aníng iri waarahhaás ar loohír bihhaá basa, tari hardahaán ay afeenír baraá guruú do'. Loohidá' gana qoomeés, naxés i alqoná' nee lohduudá' daraahá' baraá koo/ír tsee/ií ale.

ESEKIELI 40:32

Heedaádá' aníng ina huúw bihhaá da/aáw awa afeenidár baraá guruú do'. Loohidá' tar daraahi gari qoomeés, naxés tleenangós a adór lohduudá' hatlá' baraá afeenír kawá'.

ESEKIELI 40:44

Tsee/aá loohidár baraá guruú do'o kutuwoó daauuse i deer oo baraá matla/angwduú baraá do'. Kutuwír wák i bihhaá afkú /iya i baskú ge/eér, kutuwír hatlá' i bihhaá afkú da/aáw i /iikú ga/eér.

ESEKIELI 42:3

Maraá tám awa taa daanduú kuqá' wa tleéhh i dayá', maraydá' bir kaa dinkwaárií haragaás a miíta mibaangw ar afeenidár baraá do', tidá' ti ga/aawá' nee sakafu oo afeenidár tsee/a.

FAARO 3:26

nee inqwaruudá' taa tarereín tla/ángw heémadá' hhoohhoo' nee kitángw ilahhooa, nee inqwaaridár dír afkú dahmaá afeeni, nee him'eerose. Gadiyeérí sleémeero a inooín ngin tleehhiyá'.

FAARO 4:26

Nee inqwaarudá' ta tarereín nee him'er'ine, kudá' taa afeenírár harweér nee didá' hhoohhooe, nee kitángw ilahhooa, nee inqwaaruú ta tarereín dír afkú dahma, nee xoosla sleémeero ar tar gadiyumaamisi. Inooín gadiyér'ín an muruú adór kwí.

FAARO 4:32

nee uheemaá afeeni nga harweeriye' bihhe sleémeerowo, nee yukmáy'ine, nee kika'aarose, nee him'eerose, dinkwa nee xoosla sleémeero nee xoslaá tar gadiyuusi sleémeero. Kuúng inooín ki xooslár loohisoórí qoomeemés ar adoodá' inooín i dirii'iya'.