TI'INAANGW 27:3 - Biblía Axweesantá Hhohho' ar Mungú 2004

³ Xosluuwós sleémeero ki tléhh: Hutl'aá da/ara ki qamin, nee kureemi nee impuuwo, nee muqslár sihhnaá koom, nee xoslaá asla loohiso, xosluuká' sleémeero ki tléhh ar muqslár sirdaa/aten.

TI'INAANGW 27:3 Iomraidhean Croise

1 WAAWITÁ 7:40

Hiramu hutli'i gina tleéhh sleeme, nee kureemaá hhasaangw kwakwahh, nee búklaywo. Hiramu gadiyeédár waawutmo Solomon ar doó AAKOÓ MUNGÚ sleémeero gari adoorír faák.

1 WAAWITÁ 7:45

Nee hutli'i nee kureemi nee búklaay. Xosluudá' sleémeero Hiramu aa tleéhh as waawutmo Solomon baraá doó AAKOÓ MUNGÚ sleémeero ar muqslár taa weeqatís.

1 WAAWITÁ 7:50

Slooqi'i nee makasoó taámbay tlaqa nee búklayduú mooyango nee hhaansa'aá asla taatahhaango, sleémeero gár kira tleéhh a sahaábuú hhohhó', nee nahhtá taa tleéhh ar sahaábu ar afér maandár baraá guruú do', didá' ak hhoohhoo', nee afkú dahmuú baraá matla/ángw Doó AAKOÓ MUNGÚ, nahha sleémeero ar sahaábu.

2 WAAWITÁ 25:14

Tam sleeme hutli'i ngina ar tlayé', nee beleshi, nee makaási, nee hhaansa'aá ta gil'ór ohaahin qoomár barta mooyángw da/aa/án, nee xoosladár hatlá' ar muqslár sirda/aten, tidá' tar gadiyumamisi baraá Doó Munguhe.

2 WAAWITÁ 25:15

Geeraharusmooduú xuumuuse safuriyadu sleeme gina ar tláy, dinkwa nee búklaywo, nee umuúqo xooslár taa tleéhh ar saahaábu nee ar muqslár peésaaro.

1 QOM'I 28:17

Sahaábuú hhohhó' sleeme guna haniís kuwa muqslár afér koóm ar tleehhi, nee tlahhsa, nee slooqi'i, nee búkloó sla'amuút oo ta sahaábúr tleehhi nee oo peesaaro.

2 QOM'I 4:11

Huramu sleeme hutli'i nee beleshi, nee iimpuwo giri tleéhh. Huramu gadiyeédár Doó Mungú tidá' sleémeero aa tleéhh dír waawutmo Solomon gari hhe'eés.

2 QOM'I 4:16

Hutli'i nee beleshi nee muqslír sihhna tám nee xooslár hatlá' sleémeero ar doó AAKOÓ MUNGÚ tidá' Huramu-abi aa tleéhh dír Solomon, xosluuká' gár kira tleéhh a muqslár sirda/aten, giri mitshhayeemiís.

TI'INAANGW 24:6

Mose tlaqtá tseerér hikwaadá' gari qaás baraá isangaai, tlaqtá hatlá' gari hikimiís gawaá kitángw ilahhooa kawa hanimiisi.

TI'INAANGW 27:19

Xoslu sleémeero awa heémár hhoohhoo' ar gadiyér umuúqo daa'awto, dinkwa nee kik'aaro, tam tidá' taa afeenírár tleehhi, gár kir tleehhi a muqslár sirdaa/aten.»

TI'INAANGW 27:2

Umuúqo tsaafír kitangwduú ilahhooaro baduwós tsiyahhaawo xareemi ki tléhh, xareemiiká' masók nee kitangwdá' ti alkoná', ki ninkiríts ar muqslír sirdaa/aat.

TI'INAANGW 27:4

Daqaní muqslár tsiiriihh ka tléhh ar muqslír sirdaa/aat, qutúruú tsiyáhh oo muqslír sirdaa/aat ku tléhh ku qás gawaá tsaafoó muqslidá' tsiiriihh badu tsiyahhaawo.

TI'INAANGW 38:3

Xoslu sleémeero awa kitangwdá' giri tleéhh: Hutla'aá da/ara nee kureemi nee iimpu, nee muqslár sihhnaá koom, nee xooslaá asla loohisho. Xosluuwós sleémeero gina tleéhh ar muqslír sirdaa/aat.

TLAHHOÓ LAÁWI 16:12

Xooslmoó taa tleéhh ar tleei guri taataahh, guri gil'oodár gawaá kitángw ilahhooárí qaas, kuduú dír geeraá AAKOÓ MUNGÚ, nee tsa/a'aá tsár awa mooyángw taa xoosla hhe'eés. Inós ngiri huuw baraá guruú inqwaaridá' do' gwa tla/a qasis.

FAARO 4:14

Xosluudá' tar gadiyumaamisi didár kitángw ilahhooaro sleémeero ka qaasi gawaá daanduuwós. Muruú ta mooyángw tsuú' i da/a/an, nee muqslár sihhnaá kooma nee hhaansi'i nee búklaaywo. Aluuwo gawaawose kaahartá natsaatsaa' ar leei ka hhafi, nee xaa'aá loohiso ki dahaasi.