TI'INAANGW 27:21 - Biblía Axweesantá Hhohho' ar Mungú 2004

²¹ Tsaa'astada' dír kay qas a baraá guruú heémár Mungú, daanduú tsee/a oo kutuwidá' sandakmoó alqadór koom. Aroni nee daaqaywós tsaa'astí ngin dír geeraaeé' wá amohhe'eemisiya', iimír tsiindoó wa tleemu ay matlaatle. Hara'ayaarí ka eehari nee xoorór Israeli qari sleémeero.»

TI'INAANGW 27:21 Iomraidhean Croise

IIMU/UUNGW 1:5

Gwa/aateema giri báy Tlaatla/aangw, nee giwti gari báy Xweera. Tay tsiindo, tay matlaatle, tari baalár geera.

IIMU/UUNGW 1:8

Mungú kaandaftadá' gari báy «Doori». Tay tsiindo tay matlaatle, tari baalár tsár.

2 QOM'I 13:11

Umuú matlaatle nee tsiindoowo kaahamuusér Mungú ilahhooár da/a/aangw kan AAKOÓ MUNGÚ i hanmaamiis, nee mooyángw tsuua, nee mikaátér Mungú tidá' taa qaás gawaá meésaadá' taa tleéhh ar sahaábú hhohhó', nee kitángw tsaa'aso kay qamin ngun amohhe'eemisiyá', kudá' taa tleéhh ar sahaábu, as tsaa'aso kawa oohamiisi umuú tsiindoowo. Atén adoodá' AAKOÓ MUNGÚ, Munguúrén, i slai an tlehhiitaán, ala kuungá' inós ugwa geexeeré'.

WARA'AMI 134:1

Qwalaasé', kuungásingá' sagadiyuusér AAKOÓ MUNGÚ, AAKOÓ MUNGÚ xirfayeemisaak kuungá' sleémeero awa gadiyuusá' xweeraawo baraá Doó AAKOÓ MUNGÚ wa ale.

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 16:34

Aluuwo Aroni adoodá' Mose kwaa báy nee AAKOÓ MUNGÚ gari tleéhh, maánadá' gari qaás dír geeraá sandakmooduú alqado as kawa amohhe'eemisi.

TI'INAANGW 25:16

Daqaní parhheemoodá' tsár awa tlaa/e awa hara'ayar'eé' koomá' ni kuúng i haniis ki qás baraá sandakmoodá'.

TI'INAANGW 28:43

Suruwánaywí Aroni nee daaqaywose ngun dahamiisiyá' umuúqo barni baraá heémár Mungú kayá', laqaá barta dír kitángw ilahhooa káy, as gadiyér'ín ar kaahamuusi'iima ngiwa tleehhiya'. Adoorí birnga tleehhi'iiká, tlakweema ngaa tleehhiyé' nee nin qatliyá'. Dakwí i warqayká dír Aroni nee daaqaywose ay kureér.»

TI'INAANGW 29:28

Gawaá adoorihe xoorór Israeli daqisleém baraá ilahhooar'ín tidár wayda i hanmamisia dír AAKOÓ MUNGÚ, da/eewo nee manguú aluuwo kin haniis dír Aroni nee daaqaywós. Gaarí an ilahhooar'ín ar wayda ar ta haniisi dír AAKOÓ MUNGÚ.

TI'INAANGW 29:42

Ilahhooasír da/a/aangw umuú daqto kan hanmiis baraá qari sleémeero ar hi'iita geeraá afkú heémár Mungú, didá' aníng nee kuungá' ti dogitaan nee niwa amorhúng i axwees.

TI'INAANGW 29:44

Aníng heémaadá' ti dogiitaan ngari hhohhoeés dinkwa nee kitángw ilahhoa kawa hanmamisi. Tam Aroni nee daaqaywose sleeme in hhoohhooeés as inooín tawa kaahamuusér aníng i sagadiyuus.

TI'INAANGW 30:21

Inooín daba' nee ya'aawo ngin hamtliitiyá'. Adoorí ngi tleehhiye' as kahhó' mindiwa qatliyé', asma gaarí an dákw kumamiít daqisleém dír Aroni nee xwaylarose nee umuúqo qarto.»

TI'INAANGW 30:36

Daqaní ku bahh xósl ay dír i natsatsauuti, kuri bahh qás dír geeraá sandakmooduú alqado baraá heémaadá' aníng nee kuúng ti dogagitaan. Daqaní mooyangwsíng dirhunge kwa ló'wa hhoohhooeés.

TI'INAANGW 30:8

Qoomár tsiindoowo bira tsaa'asór da/tá áy ilahhooarír mooyángw tsuú' gan daa/ sleeme. Ilahhooarír mooyángw tsuú' koom an hanmisá' dír AAKOÓ MUNGÚ umuúqo qarto ay qari sleémeero.

TI'INAANGW 40:3

Kuúng daqaní sandakmooduú alqado ku baraadií dahás, nee inqwaarír kur geehhaantes ka tareeré'.

TLAHHOÓ LAÁWI 10:9

«Kuúng nee daaqaywók bar dartá' baraá heémár Mungú, difaái laqaá umuúqo gár oonitimisa ló' ma wahaara', bar adooriheeká a qatlá'. Gaarí an hara'ayár hotaatiim xwaylarhúng sleémeero.

TLAHHOÓ LAÁWI 16:34

Gaarí an dákw hotaatiím ay alhhe'eesay wasle, a hariima kuwa eehada' nee haraki/isa kawa tlehhita' as múk Israeli ki/ima wak baraá kurko as tlakweemaaín sleémeero kiwa gurtlatlay.» Aroni muruuwí sleémeero guri tleéhh ar adoodá' AAKOÓ MUNGÚ Mose ngura hara'ayín.

TLAHHOÓ LAÁWI 17:7

Gawaá adoorihe xoorór Israeli munguidaá lama awa slaqás nee slee ilahhooárií tsu/taaro ngi maye', asma gaarí an gár inkihhimu ngusa dakuusiye' dir'eene. Dakwí i hotaatín ay alhhe'eesay wasle, nee oo ta eehari ay qari sleémeero.

TLAHHOÓ LAÁWI 23:14

Dír ilahhooarhúng ngira hubi'iiká amor'eé', anuú Munguúhúng, i hariindaaká bu'úngw geera oo balangwhúng kuwa qiintír wa /aga', laqaá kuwa da/a/aanda', laqaá kuwa mikaátér wa tlehha'. Gaarí an dawa oo ta eehada' baraá qartahúng sleémeero umuúqo diiro ar tawa hota'a ay alhhe'eesáy wasle.»

TLAHHOÓ LAÁWI 23:21

Baalaasír kilae kángw dinku'uumár hhoohhoo' kuri ilahanisá', baalaadae a gadiyusa'aaká. Gaarí an dákw ta eehada' ay alhhe'eesay wasle baraá xwaylarhúng sleémeero, umuúqo dír tawa hota'a.

TLAHHOÓ LAÁWI 24:2

«Múk Israeli ádbaweek inooín kuúng tuwa di/tá hhohhóí huwi as tsaa'asi iwa gwa/at qooma sleémeero.

TLAHHOÓ LAÁWI 24:3

Aroni tsaa'asi ngi qaasi baraá heémár Mungú, alaá inqwaaridá' heéma ga tla/a qasis tidá' sandakmoó alqado gwa baq as iwa gwa/at geeraá AAKOÓ MUNGÚ wá alé xweeraawo ay matlaatle. Gaarí an dákw ta eehada' baraá xwaylarhúng sleémeero ay alhhe'eesay wasle.

TLAHHOÓ LAÁWI 24:9

Aroni nee xwaylarós kilooín i hariná' mikaátedá' kawa /ayi didá' hhoohhoó' wa ale, asma ka ló'wa hhohho', nee sleeme an ilahhooár tinda haniís as anuú AAKOÓ MUNGÚ ar asla. Tí an hariímar'ín ay alhhe'eesay wasle.»

TLAHHOÓ LAÁWI 3:17

Kuungá' wahhna laqaá tseere ma baloó /ayaara', hara'ayaarí ka otá' baraá xwaylarhúng sleémeero umuúqo dír ta hota'a.»

TLAHHOÓ LAÁWI 3:8

Dakók un qás gawaá ságw makiito'oodá', kari gás dír geeraá heémár Mungú. Daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 6:15

Kaahamusmoó wák tsa/oó wák oo puurú gun taataahh ilahhooár balángw wa alé dinkwa nee di/i, nee mooyángw tsuú', sleémeero gari daa/ gawaá kitángw ilahhooa, tawa inslaslaangw, slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 7:36

Bál kiwa paraátl, kiri iimbalaáx ar di/i, AAKOÓ MUNGÚ xoorór Israeli gana hara'ayín baraá ilahhooar'ín tidár da/to muruuwí kuwa hanmiisi dír kaahamuuse tawa gar'ín kureerisleém baraá qari sleémeero.»

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

FAARO 18:23

Ala múk Laáwi kilooín an múk gadiyuús baraá heémadár Munguhe, nee dakuúsa sleémeero ar daanduú heémaadá' a daanduuín. Gaarí an dákw kumaamiít baraá qari sleémeero ar iitlawa. Múk Laáwi daqaari'iimár ta aali i káhh baraá yaamaá Israeliwo,

FAARO 18:5

Kuungá' kiloohúng gadiyér didá' hhoohhoo' an tlehhá' nee ar kitángw ilahhooa, as aníng buhhtaawo mawa daa/atúw amór xoorór Israeli.

FAARO 19:21

Muu dakwí ngu oohi umuúqo daqto. Heé ma'aydá' hheehhe'eesa gi hikiís, tlabaawós ngi hhuntsi, nee kudá' ma'aydaá hheehhe'eesa gaa kwatiit, i baraá meeta ay tsiindo.

FAARO 35:29

Kaangwí an kaahi nee dabér kuungá' tar gadiyusa' baraá xwaylarhúng sleémeero dír tawa qo hota'a.

FAARO 8:9

Aluuwo múk Israeli sleémeero ku burumbút nee múk tlahhoó Laáwi ku húp geeraá heémár Mungú.

Matayo 4:16

mukdá' aa hoot baraá giwtír wa ale gwa/aateemaá ur kaa ár. Nee kudá' naa baraá yaamaá geehhaantamoó gwa'arár wa hootiye', gwa/aateema ngaa i gwa/aatiyé'.»

Luka 12:35

«Masók aga siinootiindé' nee tsaa'asayhúng masók i gwa/aat.

Yohana 5:35

Yohane a tsaa'asi tidá' tsaa'amiis nee ar gwa/aat. Nee kuungá' gwa/aateemaadá' ina slaé', kay sa qwalaala/é' ar har qoomár niina.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

Geehhoeemaá 2:1

«Kaangwí gooiimeek amór malaykamooduú múk kríshaanáy oo baraá Efesór i dirií', «Axweesantí dír i dahh an dír kudá' tsatse/uú faanqw gwa oh ar dakós oo doó /iyáy, kudá' hi'iimiít baraá tla/ángw kiteeridá' faanqw awa sahaábu awa tsaa'asór koomá'.

1 SAMUELI 3:3

Qoomaadae tsaa'astá Doó AAKOÓ MUNGÚ kaa gaasiiká, Samueli ina qaát baraá Doó AAKOÓ MUNGÚ, didá' sandakmoó alqadór Mungú i dirii'i.

1 SAMUELI 30:25

Iimír baldá' Daudi hara'ayaarí gana dawa tleéhh baraá yaamaá múk Israeliro ay laarí.