TI'INAANGW 27:2 - Biblía Axweesantá Hhohho' ar Mungú 2004

² Umuúqo tsaafír kitangwduú ilahhooaro baduwós tsiyahhaawo xareemi ki tléhh, xareemiiká' masók nee kitangwdá' ti alkoná', ki ninkiríts ar muqslír sirdaa/aat.

TI'INAANGW 27:2 Iomraidhean Croise

1 WAAWITÁ 1:50

Adonia sleeme Solomon guri da'ayuút, ina sihhiít iri ta'aaín baraá heémár Mungú, xareemaá kitángw ilahhooa giri óh as iwa /uy.

1 WAAWITÁ 2:28

Kaangwí iri hardáh dír Yoabu, asma Yoabu aáng Adonia guna aleekalaá/, tam Absalomu gwaa eehariikahe. Yoabu iri goów baraá Heémár AAKOÓ MUNGÚ, xareemiidá' kitángw ilahhooa giri óh.

1 WAAWITÁ 8:64

Baalaadár kilae waawutmo matla/angwdú tla/ángw i dirií' amór lak geeraá doó AAKOÓ MUNGÚ guna aldafín, asma diirí an didá' ilahhooadá' ta da/aa/an kawa hanmiisi, nee ilahhooár balaangw nee ar di/i nee ilahhooár wayda ar muruú ta tsu/i, asma kitangwduú ilahhooa oo taa tleéhh ar muqslír sirdaa/aat i bu'utiiká ilahhooa sleémeerowo.

2 WAAWITÁ 16:14

Kitangwduú ilahhooa aáng taa tleéhh ar muqslír sirdaa/aat, guri paraátl as AAKOÓ MUNGÚ, guri hingeés, geeraá dó' wa alé, dír tla/ángw kitaangós kuduú ilahhooa nee Doó AAKOÓ MUNGÚ, guri qaás bihhaá /iya awa kitaangós kuduú ilahhooa.

2 QOM'I 4:1

Waawutmo Solomon kitángw ilahhooa guna tleéhh ar muqslír sirdaa/aat, tlenaangw a miíta gwaleél, bihheero a miíta gwaleél, nee tlenángw gawa a miíta tsiyáhh nee tlaqi.

WARA'AMI 118:27

AAKOÓ MUNGÚ inós an Mungú, inós atén taa diihhooatís. Haleemo oohare', bara/ iimu/uumare', ti koomakoonde' ay dír kitángw ilahhooa kawa hanmamisi.

TI'INAANGW 27:3

Xosluuwós sleémeero ki tléhh: Hutl'aá da/ara ki qamin, nee kureemi nee impuuwo, nee muqslár sihhnaá koom, nee xoslaá asla loohiso, xosluuká' sleémeero ki tléhh ar muqslár sirdaa/aten.

TI'INAANGW 29:12

Tseerér niina ar awuudá' ka taatáhh, nee ka slík ar ditsaawók baraá xareemidaá kitángw ilahhooa, nee tseeredár hatlá' aa met ka ku'ús baraá ya'aá kitángw ilahhooa.

TI'INAANGW 38:30

Besaleli muqslaarí sirdaa/aten gana yukuma'aá afkú heémár Mungú ar tleéhh nee kitángw ilahhooa, nee muqslaadá' tsiiriíhh ar kitangwdá', nee xoslu sleémeero awa kitangwduú ilahhooa.

ESEKIELI 43:15

Bihhaá gáwtí diriiá' awa kitaangw, kudá' taa ilahhooár da/aa/an i alqoná' bihhe sleémeero, umuú bihhiiwo a miíta tsár. Kankemaá tsiyáhh kaa alge tleés gáwtí ale ta ak amór hatlae.

TLAHHOÓ LAÁWI 16:18

Aluuwo niri tsee/áy ti'iit ay dír kitangwduú ilahhooa oo dír geeraá AAKOÓ MUNGÚ, tseerér awu nee ar gurtuuwo gari bahh taataahh, gari sliik ar xareemaá kitangwduú ilahhooa.

TLAHHOÓ LAÁWI 4:18

Tseere gay bahh taataahh gari xareemaá kitángw ilahhooár sliik dír geeraá AAKOÓ MUNGÚ baraá heémár Mungú, tseerér aa met gari ku'uus dír gwe'eedaá kitángw ilahhooár da/a/aangw, kuduú dír afkú heémár Mungú.

TLAHHOÓ LAÁWI 4:25

Kaahamusmo tseere gari bahh taataahh gari tikiis ar diitsarós, gari gawaá xareemaá kitángw ilahhooár dá/tár sliik, nee tseereedá' aa met ngi ku'uusi dír gwe'eedaá kitángw ilahhooár da/a/aangw.

TLAHHOÓ LAÁWI 4:7

Kaahamusmo tseereedá' gari bahh taataahh, gari sliik ar xareemaá kitángw ilahhooár mooyángw tsuú' kawa da/aa/an dír geeraá AAKOÓ MUNGÚ baraá heémár Mungú. Tseerér aa met gari ku'uus dír gwe'eedaá kitángw ilahhooa kay da/aa/an, kuduú dír afkú heémár Mungú.

TLAHHOÓ LAÁWI 8:15

Mose awuudá' guri gaás, tseere gari diitsarós ar tikiís, gari slikín ar xareemaá kitangwduú ilahhooa, as nguwa paraatli. Tseerér aa met gay ku'uús baraá gwe'eedaá kitangwdá' aa paraátl nee aa haraki/isár i tleéhh.

SEKARIA 9:15

AAKOÓ MUNGÚ Aleesleemusmo gi xún inooín wakuuser'ín ngiri arba/iyá', inooín tseerér wakuuser'ín kan adór difaáír wa ku'uus, tseerduuín kin tsiririxiis adór tseerér taa tsiririxiís ar slooqamo dír kitángw ilahhooa.

FAARO 3:31

Gadiyér'ín an sandakmoó alqado amohhe'eemis, nee meésa, nee kitángw tsaa'aso kay qamaamin, nee kitángw ilahhooa nee xoosladár didá' hhoohhoo' ar tar gadiyuusi nee kaahamuuse, nee inqwaruú tarereiingw. Gadiyeduuká' sleémeero inooín ngin tlehhiitiyá'.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.