TI'INAANGW 27:10 - Biblía Axweesantá Hhohho' ar Mungú 2004

¹⁰ Inqwaaridá' tsiiriihh dír kay qaasi a gawaá uheemaá mibeeraá tsár awa muqslár sirdaa/aten. Yukumoó uheemidá' ki iwiitimisi sleeme a muqslár sirdaa/aten, ala muqslár afe mogól ar uheemidá' nee tlin'ii'ine a kin tleehh ar muqslár peésa.

TI'INAANGW 27:10 Iomraidhean Croise

TI'INAANGW 27:11

Bihhaá /iya sleeme aqo adoorí, inqwaarír tsiiriihh kan tleehh, tlenaangós a miíta mibeeri tsiyáhh nee tsiyáhh, nee uheemiwós a mibeeri tsár awa muqslár sirdaa/aten, ala muqslár afe mogól uheemi nee tlini'iwo gár kir tleehhi a muqslár peésa.

TI'INAANGW 27:9

«Afeenír heémár Mungú ka tléhh. Bihhaá basko inqwaarír tsiiriihh an qás ar taa tleéhh ar neewór kitaánír hhohho' ar taa hhuútl. Tlenaangós a miíta mibeeri tsiyáhh nee tsiyáhh bihhaá wake.

TI'INAANGW 36:38

Uheemaá kooán giri tleéhh nee dungáy'ine. Sagér uheemiidá' gari ninkiriíts ar sahaábu nee dungáydá'. Ala yukumoó kooán guri tleéhh ar muqslír sirdaa/aat.

TI'INAANGW 38:10

Uheemaá ki tsegiiti a mibeeri tsár, nee yukumaá mibeeri tsár oo ki iwitisi kina tleéhh ar muqslír sirdaa/aat, ala muqslár afe mogól ar uheemiidá' nee tlin'iwo gár kira tleéhh a muqslír peésa.

TI'INAANGW 38:31

Bahh'ale gana yukumoó ta uheemidií iwitimisi ar tleéhh, kudá' afeena ngaa harweeriye', nee ar yukuma'aá afér afeenadá', nee yukuma'aá kika'ár afeenár heéma nee bahh'ale gana kika'ár heémár Mungú ar tleéhh.

YEREMIA 52:21

Umuú uhmoowo baraá uheemidá' tsár tlenaangós a miíta dakaát, harweermoorós a miíta kooán nee gár niina, yaangaremaawós a milimiíta mibeeri faanqw nee kooán, sleémeero a xooxamáy.