TI'INAANGW 27:1 - Biblía Axweesantá Hhohho' ar Mungú 2004

¹ «Kitángw ilahhooa kuwa hanmiisi peehhoó masqaryaandi tir tlehh. Tlenaangós a miíta tsár nee gár niina, nee uroó bihheero a miíta tsár nee gár niina. Tlenaangós nee uroó bihheero masók i alqoná'. Tlenángw gawto a miíta wak nee gár niina.

TI'INAANGW 27:1 Iomraidhean Croise

2 SAMUELI 24:18

Baalaarihe Gadi ina daqáy amór Daudi, guri báy, «Gawa i waatlaweek AAKOÓ MUNGÚ kitángw ilahhooa ti tlehh, baraá afeenidár balaangw muxtaa ar Arauna oo Yebusi.»

2 WAAWITÁ 16:14

Kitangwduú ilahhooa aáng taa tleéhh ar muqslír sirdaa/aat, guri paraátl as AAKOÓ MUNGÚ, guri hingeés, geeraá dó' wa alé, dír tla/ángw kitaangós kuduú ilahhooa nee Doó AAKOÓ MUNGÚ, guri qaás bihhaá /iya awa kitaangós kuduú ilahhooa.

1 QOM'I 6:49

Aroni nee xwaylarós ilahhooár da/a nee ilahhooár mooyángw tsuú' ngin hanmamisiyá' gawaá kitángw ilahhooa nee kuduú ilahhooár mooyángw tsuú'. Inooín gadiyeé sleémeero ar didá' ak hhoohhoo' ngin tlehhahhitiyá', nee gadiyér múk Israeli nee Mungú kiwa haraki/imiis, adoodá' Mose ngira dir'íní oó', kuduú sagadiyusmoó Mungú.

2 QOM'I 4:1

Waawutmo Solomon kitángw ilahhooa guna tleéhh ar muqslír sirdaa/aat, tlenaangw a miíta gwaleél, bihheero a miíta gwaleél, nee tlenángw gawa a miíta tsiyáhh nee tlaqi.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

TI'INAANGW 17:15

Mose kitángw Mungú nguwa ilahhooárí haniisi guri tleéhh. Kitangwdá' guri umií tsaát, guri báy, «AAKOÓ MUNGÚ an Bendeérar'eé'.»

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

TI'INAANGW 31:9

Nee kitángw ilahhooár da/a/aangw kuwa hanmaamisi nee xooslaarose, nee iimpe nee kitaangose.

TI'INAANGW 35:16

Nee kitángw ilahhooár da/a/aangw kawa hanmiisi, nee muqslír sirdaa/aat ar tsiiriihh, nee xaa'aá kur loohisi, nee xosluuwós sleémeero, nee iimpeedár hamtlo nee kitaangose.

TI'INAANGW 39:39

nee kitángw muqslír sirdaa/aat, nee muqslaadá' tsiiriihh ar sirdaa/aten, nee xaaiiwós kudaá loohiso, nee xosluuwós sleémeero, nee iimpér hamtlo, nee kitaangose,

TI'INAANGW 40:10

Kuúng kitangwduú ilahhooár da/a/aangw nee xoslu sleémeero ki parátl nee ki iimbaláx ar di/i, daqaní i kángw kilá' wa hhohhooúy.

TI'INAANGW 40:29

Kitángw ilahhooár da/a/aangw gari qaás dír afkú heémadár Mungú, ilahhooár da/a gari gawaadá' wa haniís nee ilahhooár balaango, ar adoodá' AAKOÓ MUNGÚ Mose ngura ádbáy.

TI'INAANGW 40:6

Kuúng sleeme kitángw ilahhooa kawa da/aa/an ku qás geeraá didá' hhoohhoo' ar heémár Mungú.

FAARO 3:31

Gadiyér'ín an sandakmoó alqado amohhe'eemis, nee meésa, nee kitángw tsaa'aso kay qamaamin, nee kitángw ilahhooa nee xoosladár didá' hhoohhoo' ar tar gadiyuusi nee kaahamuuse, nee inqwaruú tarereiingw. Gadiyeduuká' sleémeero inooín ngin tlehhiitiyá'.

FAARO 4:13

Da/ara ka hingeesi gawaá kitángw ilahhooaro nee inqwaarír sirdaa/aat ka gawaá daandudií hhafi.

FAARO 4:14

Xosluudá' tar gadiyumaamisi didár kitángw ilahhooaro sleémeero ka qaasi gawaá daanduuwós. Muruú ta mooyángw tsuú' i da/a/an, nee muqslár sihhnaá kooma nee hhaansi'i nee búklaaywo. Aluuwo gawaawose kaahartá natsaatsaa' ar leei ka hhafi, nee xaa'aá loohiso ki dahaasi.

Ebrania 13:10

Atén kitángw ilahhooa u koomaán. Kaahamuusér Mungú, tidá' gadiyuus baraá heémár wa ale, i harina'aaká muruuduú gawaá daanduú kitangwrén kwí nguwa /ayiya'.